الملايين :

أول شيء تحية كبيرة كبر فندق موفمبك لأم الأمراء ملكة الملف . لأنها الشمالية الشرقية الوحيدة الي تكرمت وطلت علينا:) وثانياً شفتوا كيف أنا وأم الأمراء عطيناكم درس عملي تطبيقي في : كيف تعاملين الرجل الشمالي الشرقي!! حبيباتي امدحي فيه وهو خلاص المدح عنده مثل الهيروين يبدا مايبي يزعلك عشان مايفقد المدح طبعا موب كل يوم تمدحينه بس لازم مثلا كل اسبوع جرعة مدح كبيرة لمدة خمس دقائق كلام متواصل وجرعات مدح صغيرة على كلمتين كلمتين كل يوم ههههههههههههههههههههه ياحبي للشماليين الشرقيين والله وكانوا ثمانية في حياتي وصارت التاسعة ام الأمراء الغالية.الله يخلي لها الأمراء ويجعلها تشوفهم وزراء يارب ****. المهم بالنسبة للأخت شجرة الدرر وأيامي أجمل قلبي موب كل الشماليين الشرقيين طبيعيين الشمالي الشرقي أحياننا يكون عنده عقدة نفسية من شيء هذي أشياء ماتقدرين تحلينها برد في منتدى. بعدين مثل ماقلت لك الشمالي سواء شرقي او غربي لايكشف أوراقك يعني لايعرف انتي وش تحبين وش يجذبك هو اذا شافك متعلقة بشيء معين يبي يحرمك منه مثلا أنا كان عندي إنسانة شمالية هي (أمي) الله يخليها لي . كانت تشوفني احب رياضة المشي لما كنت بالمتوسط وكانت تسوي المستحيل تبيني اترك المشي مع انه ياناس مشي موب شيء عظيم كانت تحب تمنعني من اي شيء تشوفني متعلقة فيه: مجلات تلفزيون صديقة معينة اكل معين قراءة كتب ريجيم ***** أي شيء بحياتي مهما كان عادي وسهل وبسيط ومافيه خطورة مخها يصور لها وساوس انه غلط وخطر وتمنعني منه فالشمالي لايدري وش تحبين وترتاحين لو درى انك تحبين صديقتك قال : لأ لاتروحين بس لو قلتي : والله وحدة لازم اجاملها وعيب لازم اروح والأنسان لازم يجامل الناس .الخ ياليت لو كان عندك وقت توديني موب لازم الحين اي وقت يناسبك يمكن يرضى فهمتي وهكذا . أي شيء تبينه سوي نفسك ماتبينه بس مضطرة وابحثي عن حجج اذكر وحدة في منتدى ثاني تقول : أنا احب الحناء وكان زوجي شمالي ويتأفف لاحطيت حناء ويهاوش وأنا دايم أحط تقول مرة من المرات قلت : أف أنا مفروض ماحط الحناء بالبيت الناس يحطونة بالصالون بس ياربي مافيه حجز بالصالون ياربي هذي عادات وتقاليد الأهل أنا ماحبها بس الوحدة مضطرة تسوي هالشيء ...الخ الخ. تقول لاحظته مسك العيال عني وأنا احط الحناء وتعاطف معي ....... تدرين ليش لأن الشمالي الشرقي بطبعة يضغط على نفسه ومامتع نفسه الا قليل يعني بطبعة يجبر نفسه .. فلما يشوفك تمتعين نفسك يحاربك. لكن لما يشوفك تجبرين نفسك على شيء يحس انك اني بالوضع الطبيعي فيتعاطف معك ويساعدك (هذي تجربتي وياليت الأخت أم الأمراء تقول لنا .رأيها بكلامي لأن تعتبر هي مرجعنا الرئيسي بالملف) بالنسبة لليأس . أنا هذي النقطة تقهرني بالشمالي الشرقي كثير ماعنده شيء اسمه توكل على الله يعني يائس ومحبط ومثل ماقلتي يطول لي بعمرك يحس ان الناجحين نجحوا من الحظ موب من الاجتهاد وسألت الأخت أم الأمراء وقالت: شوفي الشمالي الشرقي اذا وثق فيك وشافك نجحتي بكذا شيء ممكن يغامر معك والحين ارد لك إجابتها ولكن حلول سحرية مافيه. واللي تحلم أنها تقلب شخصية الشمالي الشرقي وتحاول تخليه من إنسان دقيق ومخطط إلى إنسان مغامر وراعي تهور ومغامرات أقول لها : لاتضيعين وقتك ترى أنا حاولت الكثيــــــــــــــــــــــــــــــــــــــــــــــــــــــــــــر ولا استفدت إلا حرق الاعصاب . وإذا كان عندك زوج شمالي شرقي وتبينه يعني مثلا يسوي مشروع تجاري وتصيرون أغنياء لاتضيعين وقتك إذا هو ماعنده هالميول وهالقناعات أصلا ماراح يسوي الشيء من نفسه بالنسبة لتقوقعة في عالمة معظم الشماليــــــــــــين الشرقيين مايبون الا عيالهم واخوانهم واخواتهم مايبون الناس وأنا شخصيا. اعرف وش وجهه نظرهم هم مايحبون شيء ماوثقوا فيه . ويخافون من كل شيء مجهول. و مثلا لو قلتي ابروح لصديقتي هو يقول : وش يضمن لي أن صديقتها ذي انسانه خلوقة اخاف تطلع موب مضبوطة. مشكلة الشمالي الشرقي شخصيته شخصية (اب ) موب شخصية (زوج) يعني يبي يحافظ عليك ويخاف عليك ويحس انك ماتعرفين مصلحة نفسك. ترى رغم قسوته وشدته كله حنان مثل الاباء والامهات,. شدتهم من الخوف علينا يازين الشمالي الشرقي بس لو تفهمونه فمان الله

أول شيء تحية كبيرة كبر فندق موفمبك لأم الأمراء ملكة الملف . لأنها الشمالية الشرقية الوحيدة الي...

الملايين :

أياك ثم أياك تحطمين شخصيتها أو تجبرينها أنك تأكلينها بأيدك أنا أخوي الصغير اخليه ياكل بنفسه وحتى من يوم عمره ثلاث عادي خليه يوصخ الملابس الملابس لاتوصخت تنغسل بس شخصية الطفل لاتهدمت من يبينها تدرين شخصية الانسان تنبني كاملة قبل سن سبع سنين عشان كذا ربي حط الأم مسؤولة عن الطفل حتى لو صار طلاق إلى عمر سبع سنين لأن الأم هي الي تبني شخصية الطفل أي شيء جميل تلقينه بشخصية عيالك نمية لو كان الطفل يحب ياكل بنفسه شجعية ياكل بنفسه ولو كان يحب يدخل الحمام لوحدة شجعية ولو كان يحب يعطيك لقمة من اكله او هديه من العابة خوذيها واشكرية عليها انتي تبينين شخصية شيء يبقى طول العمر موب شيء حق شهر ولا شهرين والي تهدمينه بهالعمر مستحيل بنبني العمر كله مشكلة بعض الامهات ترفض طفلها ياكل بنفسه وترفض يلبس بنفسه وترفض تخليه يختار ملابسة وتجبرة على رأيها وبعدين لاكبر الطفل وصار شاب قالت ولدي اتكالي ولدي مايسنع نفسه ولدي يغرق بشبر ماء ولدي مايعرف يتصرف طيب انتي مسحتي شخصيته من الطفولة وحطمتي ثقته بنفسه والحين جاية تهزئينه!! *** طبعا القصد موب انك تخلين الطفل على كيفة بكل شيء بس القصد الاطباع والاشياء الي تدل على شخصية الطفل لاتمسحينها (مثل ........الاعتماد على النفس,,,, اتخاذ القرارات,,, الكرم,,المحافظة على الأشياء) ممكن تحاولين مع بنتك بالنقاش كلميها على انها كبيرة واقنعيها فيه أشياء كثيرة أحنا نجبر عيالنا عليها ونغصبهم مثل : النوم الباكر ,, الأكل,, عدم شرب الماء البارد والايس كريم في الشتاء ألخ عشان مصلحتهم مايصير نتدخل بكل شيء بحياتهم تكفي الاساسيات الي نجبرهم عليها عشان الصحة والنظافة اما الأشياء الي بتكوين شخصيتهم خليهم على راحتهم او استخدمي المفاوضة!! تبين تلبسين البلوزة الوصخة اوكي البسيها بس ترى ابكلم بابا ونرجع للبيت موب جالسين عند الضيوف بهالملابس المبهذلة او استخدمي اسلوب الترغيب تبين تلبسين البلوزة الوصخة اوكي براحتك بس ترى الشوكولاتة مانتب ماخذة منها الا اذا لبستي النظيف وهكذا

أياك ثم أياك تحطمين شخصيتها أو تجبرينها أنك تأكلينها بأيدك أنا أخوي الصغير اخليه ياكل بنفسه...