ارينا

اللي انتي تقولينه ذا مستحيل
مستحيل شمالي شرقي يخلي زوجته تغلف هدايا ولا تمكيج
طبعا واضح انتي غربية وهو شرقي

شوفي مالك الا انك تخفين عن عيونه كل شي تحبينه


ولو شي مضطرة يشوفك تكلمي على انك تكرهينه ومغصوبة عليه للمصلحة العامة

مثلا
المكياج
ادعي قدامه انك بسم الله عليك جتك عين عن المكياج وصرتي تكرهينه

واستمري مثلي هالشيء
ولاتحطين مكياج فترة شهر
وبعدين قولي

صديقايتي حذروني قالوا المكياج اذا تركتيه تنسينه وبعدين خلاص تضطرين تروحين للكوافيرات لابغيتي مناسبة ولا حفلة

وقولي عاد:أنا أقرف من الكوافيرات مااشتهيهم يستخدمون نفس الادوات لكل بنت(الشرقي يحب النظافة)
عاد قولي ابرجع شوي اتعلم المكياج
وشوي شوي ارجعي بس قللي من اللي يشوفك وانتي مهتمة
وخليك على هالمود

لاتحاولين تقنعينه انك تصيرين كوافيرة مستحيل يوافق
هذا سابع المستحيلات

دوري مهنة راقية
الرجل الشمالي الشرقي يحتقر هالاشياء
يحب زوجته تنجح بشيء راقي قولي مثلاً ابي اصير مصممة ازياء

ولا تقولينها على طول
ابدي بالتدريج شوي شوي اقنعية بموهبتك
مثلا اول شيء صممي فستان على أساس إنه لك انتي
ومن الاساس انتي مخططة تبيعينه
وخليه تكلفته معقولة
وبعدين قولي مثلا صديقتي او بنت عمي شافته وقالت بيعية باللي تبين
وانتي فعلا بيعية على اي وحدة تتوقعين يناسبها
ولاشافك بعتيه بسعر حلو
سوي ثاني
على اساس انه لك
وبعدين قولي فلان انجنت عليه وبعته عليها بمكسب الف ريال

وهكذا
بعدين قولي مثلا قلانة 1ي عرضت علي اسوي لها خمس فساتين وتعرضهم لي بمحلها والمكسب النص بالنص
ومع اني خايفة وماحب هالشغلات ومحتارة .
بس الواحد يشوف كلن قام يبيع ويشتري
وشوي شوي لين تخلينه يقتنع
هو مستحيل يقتنع انتي تبيعين بنفسك
بس ممكن يقتنع تعرضينهم بمشغل او بازار
عاد لو جبتي له قصص بنات مثلا باعو ونجحوا ممكن يفيد اكثر واكثر

انا اقول لك هذي الاشياء الي ممكن تفنع الشمالي الشرقي
:قصص ناس من اقاربك ويعرفهم (موب قصص خياليه) عن النجاح في المجال المقصود
ثانيا
يكون مجال راقي بنظره هو
يعني موب مكياج لا شي ارقى


ثالثا
يضمن مافيه شي يشغل وقتك ولا يخسرك

رابعاُ
يحس انك مجبورة موب مستمتعه



طبعا مع الدعاء والتوكل على الله والاستغفر والاستخارة

ويمكن يلين قلبه

السلام عليكم ورحمة الله وبركاته.


من يوم كنت بالثانوي كنت أموت كثير بتحليل الشخصيات.

وكثير كانوا يشعرون بالإستغراب لما أحلل شخصياتهم أو شخصيات . أهلهم.
فالآن اللي محيرها زوجها وودها أحلل شخصيته أو أحلل شخصيتها هي .
أقدم لكم هالعرض.
أبحلل إن شاء الله خلال هالخميس والجمعة . خمس شخصيات.

فقط لاغير.
ومن سبق لبق.



التحليل هو عبارة عن عشر أسئلة .
لازم تكونين رايقة .ومروقة جداً جداً.
أنتي وزوجك.
وبعدين تعطينه ذي الأسئلة وتكتبين إجاباته بشكل دقيق يعني الاجابة لاتقل عن سطر على كل سؤال.

وبعدين سجلي إجابات زوجك ونزليها هنا بالموضوع وأنا بعدين أبحلل كل شخصية قدامكم إن شاء الله وأكشفها,.

وطبعاأول خمس بنات يكتبون إجابات أزواجهم هم اللي ابحلل لهم إن شاء الله.



السؤال الأول:

كنت في يوم من الأيام تمشي في غابة أوصف لي الأشجار الي في الغابة؟



تابع السؤال

كنت تمشي بسهولة ولا بصعوبة


كان الطريق واسع ولا ضيق




السؤال الثاني:
صادفت بالغابة حيوان .
ياترى وشو الحيوان اللي صادفته؟


السؤال الثالث:
ايش سويت لما شفت الحيوان . وشلون تصرفت؟


السؤال الرابع :
دخلت بيت في الغابة
أوصف صالة البيت الي انت دخلته.


السؤال الخامس:
التفت وشفت في الجدار لوحة .
ماذا كان مرسوم في اللوحة


السؤال السادس
فتحت صندوق.
ماذا وجدت في الصندوق؟


السؤال السابع
التفت إلى الجدار الأول
فشاهدت
ثلاث براويز للصور فوتوغرافية لثلاث أشخاص على الجدار . صور من شاهدتها؟



السؤال الثامن
على الجدار كانت نافذة مغلقة قمت وفتحت النافذة ماهو المنظر الذي شاهدته عندما فتحت النافذة؟


انتهى الاختبار



املاحظة موب لازم زوجك

ممكن اي شخص يهمك
او حتى ممكن احلل شخصيتك انتي

ملايين ينفع انا ؟؟<<عند اهلي حاليا وان شاء الله قريب راجعه بيتي ..

بسم الله نبدأ مع أرينا أول شخصية نحللها

أولا أرينا أنتي إنسانه طيبه جدا وماتشكين بالناس أبد. وتتوقعين منهم الخير. مع أن هالشيء موب صحيح!! الناس موب مثلك انتي حبيبتي

فيهم الشر كثر الخير
فلذلك ياحلوة كوني حذرة.



انتي واثقة من نفسك- ماشاء الله - وتحبين نفسك كثير. وهذا أجمل شيء بشخصيتك لأني نادر القاه بالبنات.غالباً إلاحظ البنات شخصياتهم موب واثقين من أنفسهم واللي واثقة من نفسها يجي الشمالي ويحطم ثقتها بنفسها,


انتي.مأثره فيك كثير شخصية أمك تقريباً هي أحب الناس لك وأنتي معجبه فيها وهي مثلك الأعلى. يبدو إن أمك الله يجزاها الجنة
كانت تمر بظروف قاسية ولكنها مااشاء الله كانت تعطي وتعطي وتعطي رغم قسوة الظروف.

أنتي إنسانه تقدرين كثير الحياة العائلية ولكن مشكلتك الكبيرة حالياً هي إنك ماعندك أولاد ولا وظيفة ولا دراسة ولا أي أرتباط تقريبا يبدو إنه حتى زوجك مايكلفك بأشياء تسوينها. أنتي تعانين من (الفضاوة) بس الأنكى من هذا إنك(محبطة) ماعندك أمل يتحسن وضعك
ويائسة كثير أنتي.من أنه أي شيء في حياتك ممكن يتطور للأفضل.
ليش يا أرينا
ماسمعتي يعقوب لما قال لعياله بعد ما ضاع له (ثاني ولد)
( يا بني اذهبوا فتحسسوا من يوسف وأخيه ولا تيأسوا من روح الله إنه لا ييئس من روح الله إلا القوم الكافرون ( 87 ) )

خلي أملك بالله كبير
عندك شوية ظروف مضايقتك بس ماشاء الله عليك بصبرك قدرتي تتأقلمين معها وتصبرين لكن(ماتغلبتي عليها) بشكل نهائي.


الله يوفقك وييسر لك أمرك

اب