الله يعطيك العافيه يالملايين اثريتينا بمعلوماتك القيمه ..زوجي شرقي شمالي وفعلا لما يكون عنده حاجه ينجزها ببطء بس النتيجه احلى مايكون وهوبارع في ايجاد الحلول المتعلقه بالمنزل من تصليحات وصيانه لدرجة الابداع ...اغلب الكلام اللي قلتيه ينطبق عليه تماما من العصبيه الى قلة الحديث الى عدم الاعتذار ابداالى عدم الرومانسيه لكن الحرمان من حاجه انا احبها ابدابل يشجعني (الاالسوق مايحبه بس مايمنعني منه )ووالله للامانه اني استفدت من كلامك كثيروصرت اطبقه ولاحظت اني ارتحت وريحته بعد في بعض الامور لاني اكتشفت انها امور خارجه عن ارادته لان الطبع يغلب التطبع بس العصبيه مالها حل وقهر انه كل مره بعد اسكت مااجادله حتى لو انه على خطأ

حبيبتي الملايين ياليت تقولين لي صفات تتوفر في الشرقي الشمالي ومو موجوده في الشمالي الشرقي وياليت ماكون مثقله عليك

السلام عليكم
يعطي العافيه صاحبة الموضوع والله يجعله في موازين اعمالها
اختي الملاين يعطيك الف عافيه على المعلومات القيمه والله يجعلها في موازين اعمالك

حبيت استشيركم انا زوجي شمالي شرقي طبعا وانا جنوبيه انا لي سنه ونص ماقد طلبت منه اروح لاهلي وكنت ناويه اطلب منه اني اروح هالاسبوع واجلس عندهم اسبوع لاني دائما اروح يا اكون تعبانه في حمل او ولاده او تكون خمس وجمعه فقط
وهالمره كان ودي اروح وقالي بنروح قبل مااطلب منه لان عنده شغل وبعدين غير رايه فاقلت له انا ودي اروح بجلس اسبوع وبعدها تعال لي وخلنا نتمشى بعدها قال لا طبعا هو ناوي يسافر برى السعوديه بالحاله وانا بصراحه ماني راضيه عن هالسفره قال لما اسافر روحي والسفره بعد 3شهور قلت اوكي بس انا اقصد الحين قال خلاص مارح انساه وبطول بالسفره زياده شهر بجلس علشان يعنادني انا طبعا مابينت له شي ولا ومد بوزه وزعل يقول انت كانك تقولين ابغى فراقك اليوم قبل بكره

وبما انه شمالي اذا يدري اني متعلقه بشي يحاول يحرمني منه وهو مايغى اني اطلب منه مره ثانيه فا وشو الحل


هذا شي الشي الثاني هو ماقد سافر بحياته وهذي اول مره يسافر ورافض اني اروح معه لان على قولة ماايد انه يسافر اول مره مع عائله لازم بالحاله في البدايه كنت معارضه بعدين وافقت لاني حسيته يعاندني ويصر عليها علشاني رافضه وهو قال رايح رايح رضيتي أولا << مادري ليه يبغى ماوافقتي خخخخ فا ياليت تفيديني

والسموحه طولت عليك بس والله محتااااااااااااااااااااااااااااااره والله يكتب اجركم يارب /B]

رغودي عزيزتي وينك حنا فتحنا موضوع جديد للتحليل وخصصناه لتحليل الشخصيات
ابيك تحطين اختبارك عشان إن شاء الله اعطيك تحليل شخصيتك


كل الغلا

شوفي ترى الشرقي الشمالي الين طبع من الشمالي الشرقي
الشرقي الشمالي اوسع صدر
اقل توتر
اهدى
تركيزه عالي
ابداعه شبه معدوم ماعنده ابتكار ولا اختصار
يعرف يقلد الاشياء باتقان اكثر
يحب التخطيط بكل شيء
روتيني اكثر
راعي طقوس وعادات اكثر فاكثر
صبور اكثر بكثير من الشمالي
الشمالي يغضب بسرعة
الشرقي الشمالي ابطأ غضب بس لو وصلتيه لمرحلة الغضب انتي الجانية على نفس


الشمالي(ساخر)
الشرقي الشمالي موب ساخر ابداً بس لو قص لك قصة يشدك
وتدخلين جو ماودك يسكت

بس متى يتصدق عليك ويسولف لك؟
صدقيني الحياة مع الطراز هذا
الشرقي الشمالي
نعمة من نعم الله
لانك تستمعين بحياة رفاهيه
تعيشين ملكة
قلت لك انا هو مخطط كثير
انتي بذكاء الانثى حاولي تتسللين لخططة

يعني لاشفتي الوقت مناسب والضغوط عليه قليله
اطلبي شيء
وبيدخله ضمن الخطط المستقلية ويحققه لك
بس لاتتشرطين كثير
لان هو مشكلته يايحقق لك الي تبين بالضبط ولا ما يحققه

مثلا
لاتقولين ودي اسافر لدبي!!
افرضي ماسمحت الظروف ابد تروحون لدبي
خلاص مايسفرك

قولي ودي اسافر وبس واسكتي
بتدخل ضمن الخطة
ولاسمحت الظروف بيشوف وش السفرة الملائمة ويسفرك
إن شاء الله تروحون جدة مش مشكلة,,
***.

دلوعة حبيبها

ياعمري كسرتي خاطري وش الي لك سنة ونص ماشفتي اهلك..,

شوفي قلبي,,اول شيء ماشاء الله باين مرة من كلامك انه زوجك يحبك
وما يستغني عنك

الرجل لاكره البنت اول ماتقول ابي اروح لأهلي
كأنها معطيته هديه
بسرعة يوديها يفتك منها

بس انتي لأ
مايبي فراقك احمدي ربك

وبعدين تحملي هالفترة وترى الشمالي الشرقي يعاند

يعني شافك شوي ماودك بسفرته لحاله قامت كبرت براسه
انتي لاعمرك تبينين انك ماودك بشيء يخص حرية الشمالي الشرقي
لانه يحب يكسر راس المرأة الي تبين انها ودها تمتلك الشمالي الشرقي
يحب يعاند

لو كان الشي ما اعجبك اسكتي
ممكن خلي يبين على وجهك انك ماتبينه بس لاتقولين
بالعكس

هذا في ادارة امور حياتكم,,
هو طبعا بالعادة متعود يتخذ القرارات ويبلغك
انتي مفروض لو قرار ما اعجبك
اسكتي وبيني انه مااعبجك بس لاتقولين
لو قال ما اعجبك
قولي لا بالعكس وش دعوة ,, خذ راحتك
بس تعبيرات وجهك متضايقه
ساعتها يحس بالذنب واحتمال يهون ,,

ويسوي الي تبين,,
الشمالي الشرقي (كريم) اذا انت اكرمت الكريم ملكته

لو مثلا الشيء الي بيسوية يتعلق بحريته الشخصية
مثلا بيسافر


قولي الله يساعدك وأياك يبان على تعبيرات وجهك انك متضايقه من موضوع سفره لحاله
تراها اول شرارة تفرق بينكم
يبي ينفر منك

لأ
اذا الموضوع يتعلق بحريته
يبي يسافر,,
يبي يروح رحلة

الخ
بيني انك ( ودك يكون مبسوط)
قولي : والله انت تضغط على نفسك بالعمل وتضحي كثير براحتك عشاننا
انت
عمرك ماكنت اناني
انت بحاجة تغير جو

عطيه حريته الكاملة
وبيني له انك ودك له بالراحة والسعادة وسعة الصدر


ساعتها يبي يكافأك

يبي يعجز يروح من دونك

وأصلا ترى صعب عليه يروح من دونك


***

الان سقرة باقي لها ثلاث شهور
ليش يقول لك من الان ابسافر؟؟
الابس يبي يشوف ردة فعلك
شافك والله انهبلتي وماتبينه يروح عاند وراح
شافك عادي عنك وما اهتميتي وكله واحد عندك(وودك ينبسط)

خاف وحس انك بديتي
ماتهتمين فيه وانك بنضيعين من ايده وتمسك فيك ولا راح
الا يامعك او بطل سفر
ولو راح فعلا وبدونك بيروح وهو باله مشغول ويفكر فيك
وبالاخير موب مبسوط بالسفرة
واحتمال مايكررها

وعموما ابقول لك سر
الشرقيين كلهم ما يرتاحون الا ببيوتهم ومع حريمهم

اذا كانوا يحبون زوجاتهم

مايحبون السفر لانه يوترهم نفسيا
شفتي كيف زوجك يحكي عن السفره
شفتي كيف يقول
(اول مرة مفروض اروح بدون عائلة)
عارفة ليش
لانه معتبر السفره (هم ) خايف وشايل هم الموضوع لانه اول مرة يجربة
ويبي يتحمل مسؤولية نفسه لحالة
مايبي عائلة يشيل همهم ويخاف عليهم

لذلك لاتخافين نهائي من سفرته
اصلا بيقرف ياكل من المطاعم ,, وبيقرف من الفنادق
كونه شخص نظيف
هذا غير انه متعود على حياته معك ويحبك
توكلي على الله
وادعي
واستغفري
وهو ترى بس يبي يستفزك
وده تقولين لأ
عشان يتحمس ويسافر
لو بينتي انه ماهمك
احتمال مايروح50%




حبيبتي تراي عطيتك خلاصة خبرة تجارب العمر كله مع الشماليين الشرقيين

ارجوك مابي منك الا تدعين لي دعوة وانتي ساجدة,,
وحتى بالنسبة لزوجك
طبقي الي قلت لك ولا تسوين غيره
وادعي انه مايروح
وإن شاء الله ما يروح
مع اني مادري ليش خايفة من روحته
ياختي خليه يروح