um joud :

بالفعل كل وصفكم بتفاصيله كانكم تتكلمو عن زوجي واكيد وصلكم نفس الاحساس يبغالنا نفتح تجمع زوجات الشمالي ونفضفض😂 وازيدكم كم حبة،، شخصيته مع عياله - يحب عياله و يموووت فيهم وحبه مقترن بدلال العطاء المادي اكثر من العطاء المعنوي لانه شديد وصارم في التربية وعياله يحبوه ويحترموه ويخافو منه ومهما قسي عليهم يدورو رضاه وكلمته امر ماعليها نقاش - مزاجي باللعب مع عياله مرات يتفرغ لهم لدرجة تحسي انه رجع طفل ويحكي لهم قصص ويعطيهم مواعظ وهذه كثرووو منها الموااااعظ خخخخ ومرات يكره يسمع صوت احد فيهم ولابتحملهم وبالذات اذا كان في طلعه لمطعم ولا سوق يقترح تروحي معاه بدونهم - يحب اذا نام تنامي وان صحي تصحي واذا كفشك سهرانه ع الجوال مثلا اسمعي التهزيء 😂 - عشان تتجنبي مشاكلك معاه على مسكة الجوال لا تمسكيه قدامه الا لما هو ينشغل بالجوال ولا اللابتوب وقتها ماله حجة ينتقد لانه لو كان بتابع فلم ولا اخبار وانت ع الجوال حيعملك مشكلة ويشوفك 24 بالجوال وهاملة بيتك وعيالك ومطنشته وعايشة مع جروباتك - وقت مرضك مرات تحسيه قاسي وهو ماهو قاسي لكن يفتقد لاسلوب التدليل بالخدمة ويحب يشوفك بصحة وعافية وان كان فيك اشد الامراض يقولك مافيك الا العافية ولا تتوهمي مو استهتارا باوجاعك بالعكس هو من الداخل قلبه ينفطر حزن عليك لكن مايحب يشوفك ضعيفة ومابيده حيله مايقدر يخدمك ويتوه ويحوس من غيرك ويحس بقيمتك وقت ضعفك وتكتشفي هذا الشعور لما تقومي في عز مرضك تخدميه فيتشكرك ويزيد في مدحك وبكل حنية وتلاقي منه الكلمة الطيبة الي تنسيك قسوته - اذا حابة تطلعي كشتة بر ولا بحر ولا مكان مطعم ولا اي مكان محدد لا تنتظري منه يطلعك ولا تساليه ليش مانروح هنا ولا هناك انت خططي وجهزي وقولي له انا جهزت وفكرت نروح للمكان الفلاني وهو حيقولك قداااام وينبسط من الحركة بس اهم شي تكوني مرتبةكل امورك - رغم انه يتحمل كل المسؤوليات تجاه اسرته الا انه في امور يرميها على دماغك ويتهررررررب منها هروب بمعنى الكلمة ماهو لامبالاة لانه حيكون مهتم ويسالك اش عملتي وياخذ منك التفاصيل بس مايحب يواجه بعض الامور منها على سبيل المثال / اذا عندك موعد دكتور لك او لعيالك حطك ومشي /اذا جاييينك ضيوف حتى لو اهله وانت ترتبي وتجهزي تلاقي مسك الباب وهرب قبل وصولهم وفين راح ماتعرفي المهم يخترع لنفسه مشوار ولسان حالك تقولي هذا وقته وتبربري وتسبسبي فيه خخخخ / بالنسبة لي لاني خارج السعودية لما يكون في مجلس اهالي الطلبة زي مجلس الامهات طبعا الامهات والاباء يحضروه زوجي الشمالي يوعدني انه يروح ويوم المجلس يقولي تكفى انت روحي عني انا مشغول او انا تعبان ولو مافيه شي يغريك بالخدمات مثلا انا اجلس مع العيال ولا اي شغله عندي يتولاها حتى لو طبخ المهم انه يتهرب ويتشكرني بعد مارجع وياخد التفاصيل ويهتم اش حصل مع انه لغته احسن مني بس تصرفه ماله علاقه باللغه هو طبع فيه

بالفعل كل وصفكم بتفاصيله كانكم تتكلمو عن زوجي واكيد وصلكم نفس الاحساس يبغالنا نفتح تجمع زوجات...

روح القصيم~ :

ينشغل بشغله لكن يحرص يخصص وقت لكم و لحاجاتكم ضروري . غيري طريقة طلبك و راح يتغير .. و دامه يسوي لك الشي ولو بعد زن و الحاح معناه طريقتك تحتاج تعديل لان يوديك و يجهل مدى حاجتك للمشوار .. يتضايق لانه يخاف عليك و يخاف تتكركب البيت و يعجز يتصرف لانه مثل ماقلنا يحب النظام و يرتاح اذا شاف زوجته قايمه في بيته وعياله بشكل منظم.

ينشغل بشغله لكن يحرص يخصص وقت لكم و لحاجاتكم ضروري . غيري طريقة طلبك و راح يتغير .. و دامه...

أم عيالي 123 :

طيب لو غلطتي ع الشمالي واكتسب فكرة خاطئه عنك ؟ كم يبي له وينسى الخطاء ويصحح فكرتك عنك هذا الشيء الي مقلقني في زوجي.

طيب لو غلطتي ع الشمالي واكتسب فكرة خاطئه عنك ؟ كم يبي له وينسى الخطاء ويصحح فكرتك عنك هذا الشيء...