روووعه
وانا بعد خطيبي شمالي غربي
#اسيل#
•
كيف اعرف زوجي من اي شخصية ؟؟؟؟؟؟ بليز افيدونيكيف اعرف زوجي من اي شخصية ؟؟؟؟؟؟ بليز افيدوني
زوجي شمالي غربي وأنا شمالية شرقية وشرقيتي طاغية انصدمت في زوجي أول سنوات الزواج بس خلاص تعودت عليه وعرفت له وتقبلته ..اللحين بيننا مشكلة تلفظ علي برسالة وغلط فيني وكلمته ماهي بسيطه وماني قادرة أفوتها ..طبعا كعادة الشمالي الغربي بدا يتميلح ويحاول يضحك بعدها ويبي يمشي الأمور كذا بدون اعتذار بس ماني قادرة أمشيها قلبي حاقد عليه حاولت أضغط على نفسي و أرضى وماقدرت رغم مرور وقت على المشكلة .. نفسي أقهره نفسسسسسسسسسسسسسسسسسسسسسي ..:mad:
الصفحة الأخيرة
طبعي اني احب الهدوء والكسل والنوم والترفيه .. وفوضوية وما احب التخطيط واتردد باتخاذ القرارات .. ما اقدر آخذ حقي بايدي ..
ما أقدر أقول لحد لا .. حتى لو كان على حساب وقتي ونفسي .. احب اجامل وما احب اجرح حد .. دمعتي على خدي .. ما اهتم بالمواعيد .. لاااازم اتأخر .. ( ما اكون انا إذا ما اتأخرت ) .. بطيئة بالاكل والحركة .. ما اعطي اهمية للوقت ..منطوية على نفسي ومب اجتماعية واايد ..< كله سلبياااااااات .. هئ هئ ..
بس من صفاتي الايجابية كجنوبية .. اني عاطفية .. واحب اهتم وارعى اطفالي وصبووورة .. وما ازعل بسرعة وارضى بسرعة .. وما اشيل بخاطري .. واحترم مشاعر الاخرين .. وعايشة حياتي بكل اريحية وسلام .. مرحة وطفولية نوعا ما .. وبس
ههههه السلبيات اكثر من الايجابيات .. الله يستر ..
طبعا زوجي العكس تماما وهذا اللي متعبني .. كان يشوفني على اني انسانة تافهة (هو ما قال بس اكيد كشمالي نظرته كانت جييه).. ما عندي شغلة ولا مشغلة .. وما مني فاايدة .. كسووولة ومب مرتبة .. إلى آخره من التناقض اللي بيني وبينه ..
بس بفضل الله ثم الانماط .. فهمت ووعيت .. كيف لازم اكون .. لنفسي اولا .. ثم لزوجي ..
طبعا من الاشياء اللي عجبته واااايد .. اني قمت اهتم بنفسي اكثر .. صرت اسوي رياضة وامشي ( مع اني ضعيفة .. لكن لمجرد اللياقة والصحة ) والحمد لله للحين مستمرة عليها .. بس صدق اشوفه مستااااانس وايد .. ويقول ايوة جييه .. احب النشاط الحيوية .. ههههههههه
الشي الثاني واللي الحمد لله كان فيني من زمان اجتهادي بالدراسة والدرجات المرتفعة اللي احصلها .. احسه كان يفتخر فيني ويعاير خواته وهو فرحان ويقولهم شوفوا فلانه كيف عيال وبيت ودرجات عااالية ما شاء الله ..
صرت اهتم بنفسي اكثر .. ما ابخل على نفسي بروة الصالون حتى من غير مناسبة .. احف جسمي اشقر .. بديكير ومنكير ..
واحس انه يحترم الرغبة هذي فيني ويقدرها ..
قللت من ساعات النوم .. وصرت آخذ دروس انجليزي عن طريق الكمبيوتر .. وان شاء الله اتعلم اللغة واضبطها ..
< احيانا يوم اقول بعض الكلمات بالانجليزي يفرح واااايد .. ويحس اني مثقفة ومطلعة هههههههه ..
ما صرت اتلصق فيه .. واضايق إذا انشغل عنا .. بالعكس استغل ه الوقت .. واروح امشي او افتحلي على درس .. او ايلس مع عيالي .. < ما ابين له ان ما عندي شغلة غيرة .. لا .. عادي عندي امور ثانية اسويها ..
صرت ادرب ع السواقة .. < بتشجيع منه .. مع اني كنت متخوفة .. بس الحمد لله قام يدربني .. وبآخذ الليسن ان شاء الله على خير ..
صرت أمارس معاه هواياته الغريبة والعجيبة ..مثل : الغوص التزلج ع الثلج ركوب الخيل ويباني اتعلم الطيران بعد .. بس خوااافة إلا هذي .. يمااا
طبعا يحب ويعشق السفر .. والحمد لله شي واايد حلو فيه .. وسافرنا كذا مرة لأكثر من دولة .. < طبعا يحب اني اكون خفيفة بالسفر حتى مع العيال .. يعني ما استصعب الطلعة بحجة العيال بيتعبون او بيتعبوني .. لا الحمد لله .. اضبط اموري عدل .. وانروح لأي مكان ناويين عليه .. لدرجة اذكر مرة رحنا جبل ونزلنا مشي لمدة اربع ساعات متواصلة .. والعيال ويانا بالعربانة ( هم اثنين الله يحفظهم).. صدق كانت تجربة متعبة اشوي .. بس كانت ممتعة وااايد ..
< بجييه هو يستانس .. وبيتشجع انه يطلعنا ويسفرنا مرة ثانية ..
الحمد لله .. في امور واايد انضبطت وياي .. وانا عرفت اشياء وايد وصرت افهمه اكثر واكثر ..
وكانت شغلة واايد اتضايقني .. انه ما يحب يطرش المسجات العاطفية .. < حتى احيانا بالمناسبات والاعياد ..
بس عرفت انه يعتبرها كلام فاضي .. واللي يحب يثبت هالشي بافعاله مب بمسجات .. بس تراه في البيت يقول مب انه بالمرة لااا ..
واايد يحب يطور من نفسه .. ويحب نظام بعض الشعوب وانظباطهم بالقوانين واللوائح .. يعني لو في الباركن شاف سيارة واقفة ع الخط الفاصل وماخذه مكان سيارتين .. يتضااايق ويحس انهم غجر ..
يحب يكون له دور في المجتمع .. و وااااايد مخلص فعمله .. لدرجة احيانا كان يروح الدوام بالليل عشان يخلص بعض الشغلات ..
يحب اللي يقدر شغله بالعمل ..
كريم جدا ومستحيل يقصر بالاشياء الضرورية .. ويتخذ اشد اساليب الامان بالنسبة للأطفال ..
يحب الاكل الصحي .. ويقاطع المنتجات اللي فيها مواد حافظة واصباغ .. لدرجة انه ياخذ غرض طبيعي ثلاث اضعاف الغرض العادي ذات المواد الحافضة والالوان .. بالنسبة له الصحة اهم من كل شي ..
ما يحب التلفظ بألفاظ سيئة .. حتى لو كان في حالة غضب .. بل يفضل الصمت وحل المشكلة بحكمة اكثر ..
الكل يستشيره وياخذ برأيه .. فهو ذات بصيرة نافذة ويرى الامر من أكثر من زاوية .. < قلبت فصحى .. ^^
وه .. !!! تعبت .. برجع مرة ثانية ان شاء الله .. واكمل ..