السلام عليكم ورحمة الله وبركاته
حبيباتي امس زوجي على الغداء قالي خبر ازعجني شوي (وشويات)
الي هو انه صار في العمل دورات خارجيه من شهر الى 6شهور مابين مصر وجده ومدينة (فينا)الا بالحق هالمدينه ذي وينها
وهالدورات كلن وحسب تخصصه يعني زوجي تلحقه 6شهور بفينا بتشديد الفاء
والدوره ماهي اجباريه ولا فيها زياده بالراتب الا الف
انا متزوجه من ثمان سنوات وعندي من العيال اربع الله يخليهم لي وعندي بس بنت وحده تدرس والثانيه السنه الجايه
مشكلتي الحين انا ماتحمل فكرة يسافر اسبوع عند هالحمر شلون بخليه 6شهور وثانيا انا وزجي في ديره واهلي واهله في ديره ومستقلين عنهم تماما يعني نزلتنا عندهم ماهي كثيره واهلي مايتحملون عيالي اسبوع وشلون 6شهور (عيالي والكل يشهدلهم هادين ونظفين )لكن تعرفون الناس ماتبي ازعاج واصلا مالي غرفه عند اهلي
واهله مستحيل مالي ربع مكان والبيت اكثره شباب ومرة ابوه ماتحب زوجي
سالت زوجي مايقدر ياخذنا قال مايدري وعنده فترة شهر الين يقرر بعدها اذا وافق مايقدر يتراجع
انا ماودي اخرب عليه لكن ظروفنا تحكمنا :06:
وبنفس الوقت ماودي تنعفس حياتي بسبب هالسفره كثير من الجماعه راحو الي طلق زوجته والي تزوج هناك وانا خايفه لاتقولون مانتي واثقه فيه انا اقول خايفه وغيرتي اشتغلت
انا ماعندي مشكله اروح معه الى ودي وبناتي عادي تروح سنه عليهن الوظايف ماهي طايره:hahaha::hahaha:
الحين ابسألكن جت لازواجكن دورات ورحتن معه كيف وشلون ؟
اننا قالتي وحده وماني متأكده من كلامها تقول انه مسموح لزوجته وثنين من عياله بس
خواتي انتن وش تنصحني فيه اذا ماقدرنا نروح معه ارفض انه يسافر لان يعلم الله ان نفسيتي ونفسية عيالي راح تتاثر واخاف ارفض ويجي يقولي انتي حرمتيني من هالدوره واخاف اوافق واتأثر انا بكثر التفكير فيه واخاف يسوي شئ هناك تعرفون جو عسكر الغرب في الويكند :30:
تكفن لاتخلني راسي يوجعني من التفكير
بحفظ الرحمن
يلزم عليك تسجيل الدخول أولًا لكتابة تعليق.
ورود الدنيا2
•
معقوله ولا وحده زوجها او اخوها او ابوها عسكري
اذا هو مسموح انتو تروحون معه خلاص روحو كلكم شله تقعدوون وتذلين نفسك لاي احد
روحو معه احسن لكم وفي الويك اند تطلعون وتغيرون جووو
وفيينا منطفه باوروبا ناسيه وين بس عندهم برررررد
وغير كذا يبيلكم جوازات اذا مافي وقت يصلحها حطي انتي وعيالك بجواز واحد
ماعندي احد عسكري راح للخارج
خليه يستفسر من العمل حقه عن كل شي اذا هم يوفرون له المسكن وغيره توكلو ع الله وخلاص
روحو معه احسن لكم وفي الويك اند تطلعون وتغيرون جووو
وفيينا منطفه باوروبا ناسيه وين بس عندهم برررررد
وغير كذا يبيلكم جوازات اذا مافي وقت يصلحها حطي انتي وعيالك بجواز واحد
ماعندي احد عسكري راح للخارج
خليه يستفسر من العمل حقه عن كل شي اذا هم يوفرون له المسكن وغيره توكلو ع الله وخلاص
الصفحة الأخيرة