زوجات الملتزمين أسعد الزوجات .. ما شاء الله تبارك الله

السلام عليكم

تقول وحده من الأخوات
قبل سنوات طويله من عمري
تقدم لي شاب
كان ابوي يبيه وامي تبيه خواتي يقنعوني اوافق عليه
بس رفضته وقلت لأختي
ما أبيه لأن معاه لحيه
وراح الشاب في حاله وتزوج وخلف الله يسعده
تقول ربي عوضه بوحده أحسن مني

بس
تحلف هالبنت بالله
تحلف أيمان انها ندمت عليه ندم
وتقول حست قلبي انحرق
الله يسعدهم هو زوجته ويهنيهم في الدنيا والااخرهـ
ما شاء الله عليهم
وكل شي قسمة ونصيب

ما ادري يابنات احس ما في رجل يعطي المرأه حقها الا الملتزم
مو اللي يجيكي راز خشته ومطول لحيته وهو يلعن ليل نهار ويسب خلق الله ويدخن ولا يصلي في المسجد
لا هذولا اللالتزام منهم بريء

انا اقصد الآنسان الملتزم التزام صحيح
اللي يطبق سنة الرسول في كل أمور حياته
يا حظ زوجته فيه ما شاء الله تبارك الرحمن على كل زوجة ملتزم

صلاة في وقتها
ادب وحسن تعامل
احترام لها ولأهلها
كرم للضيف

ما شفتوا كيف تعامل امام المسجد مع زوجته ما شاء الله تبارك الله
أرجوكم اذكروا الله
تخيلو الحين زوجوا عيالهم ولسه حياتهم زي العرسان ما شاء الله تبارك الله
واذا جا بيسولف عنها يقول ام فلان الله يزين حياتها ام فلان الله يرضى عليها
مو مثل بعض الازواج اللي ياويلك لوجبت سيرة زوجته في المجلس :(

نصيحه لكل اخت
اذا تقدم لك احد ملتزم التزام صحيح فلا ترديه وصدقيني حتعيشي احلى حياه
ترا مب ضروري تشغلي موسيقى بزواجك ويدخل معك ع الحريم
ولا ضروري تجيبي المصوره
اهم شي سعادتك في بيتك مع زوجك

كلمة اخيره
بنات لازم نفرق بين الملتزم واللي مسوي نفسه ملتزم
لان اللي مسوي نفسه ملتزم وهو كذاب هاذا شوه صورة الملتزمين

قلت اللي في بالي والسلام عليكم