زوجات وأخوات وبنات وأمهات مرضى السكري (الحلوين🍭🍰)

السلام عليكم مسيتم بالرضى والمسره 🍂
اتمنى من كل قلبي تتفاعلون مع موضوعي او اللي تبي تفيدنا بأي معلومة تتفضل وراح يكون مرجع باذن الله ويمكن انتي الان ما يهمك الموضوع لكن يوجد فئة كبيره راح تستفيد ان شاءالله
بصراحه ماقد شفت بالمنتدى تجمع اللي أزواجهم مرضى سكري اسأل الله لهم الصحه والعافيه او حتى مريضات سكر او حتى الأمهات اللي اطفالهم سكريين (عاد ودي اسميه موضوع الحلوين دمهم شيره 🍭🍯)
والهدف نفيد بعض بوصفات اكل او كيف تتعامل مع نفسية المرضى المتقلبة او نفضفض او اللي يكون وموضوعي مافيه ذرة استنقاص لأي مبتلى بالآخر هم عايشين حياتهم مثلنا مافيه اي اختلاف ولكن تطرأ عليهم بعض الصعوبات والحمدلله على كل حال ولا يوجد حياة بلا منغصات


بالنسبة لي فأنا ابوي الله يطول عمره مريض سكر من النوع الثاني اللي هو يستعمل حبوب ولكن ابدا ما شعرنا بيوم انه يحتاج عناية خاصه والحمدلله ما كأن عنده اي شي ماشاءالله تبارك الله لذلك كنت احسب الموضوع سهل هي بس حبوب ياخذها مره باليوم وخلاص


قدر الله يكون نصيبي من زوجي وهو مريض سكر ولكن من النوع الاول (يستخدم ابر الأنسولين ) توقعت الموضوع مثل ابوي مافيه اي اشكالية واستخرت كثير وكنت جدا مرتاحه ووافقت واتخذت قراري لكن بعد الزواج اكتشفت انو الموضوع مو مثل ما كنت متخيلة كان اصعب شوي ولكن حبيت زوجي بمميزاته وعيوبه وحاولت أتأقلم معاه قد ما اقدر وبعمري ما حسسته ان عنده عيب او شي مختلف نهائيا ،، ما اخفيكم الجانب المظلم من القمر مرت علي صعوبات بكيت وانهرت منها ولكن انا الان بكل قوتي اقول اني تعايشت وفخورة بنفسي جدا ولله الحمد والمنه


اذا تبغون راح احكي لكم تجربتي بالتفصيل لكن اذا شفت ان الموضوع راح ياخذ حقه بالمعلومات والدعوات الصادقه ❤️
سبحانك اللهم بحمدك اشهد ان لا اله الا انت أستغفرك واتوب إليك ......


المايك لكم 🎙