زوجة أبوي ناوية تهدم بيت اخوي وتزوجه على زوجته

زوجة ابوي ( خالتي ) عندها ثلاث اولاد الله يحفظهم وماعندها بنات تعتبر زوجة اخوي الكبير كأنها بنتها تستشيريها في كل شي في الطالعة والنازلة
أصغر اخواني رشحوا له الناس بنت أصل وفصل واخلاق والتزام راحت خالتي مع خواتها شافوها وعجبتهم قالوا صحيح ان مهيب جميله عادية مررره بس تدخل القلب بسرعة ومشوا في إجراءات الخطبة والتحاليل طلعت تمام واخوي اعجب بالبنت وقت الشوفة الشرعية وحددوا مع اَهلها يوم للملكة وجابوا لها الدبله تشوفها
زوجة اخوي الكبير ماعجبها الوضع قالت بشوف البنت وراحت مع خالتي ومعي الله وكيلكم من شافتها اخترب كل شي
طول الوقت تسب فيها بالسيارة مب حلوة ، حرام عليك ياخالتي لاترمين ولدك هالرمية وكيف تواجهين الناس فيها الناس بتاكل وجهك وانا احاول اقول لها اخوي عاجبته وهو مرتاح خلاص مالنا دخل فيهم وهي مصرة ان مايصلحون لبعض
بعدها خالتي دقت علي قالت اخوك بكنسل خطبته وزوجة اخوي الثاني جابت له عروس لقطه من أقاربها تعالي معانا نشوفها رفضت وقَعَدت تقول علشان خاطر ابوك ، رحت وكان اخوي طول الطريق سرحان ماينطق بكلمة وقت دخل البيت والله يابنات فجأة حس بكلمة وضيق في التنفس قبل حتى مايشوف البنت
شفنا البنت ماشاء الله تبارك الله جميلة جدا فرق كبير بينها وبين خطيبة اخوي الأولية
شافها اخوي مانعرف ايش صار بالضبط طلع اخوي معصب وحالته حالة قال مابغاها خلاص برجع البيت موقفنا كان محرج جدا ، قال ان هي فجأة قامت من مكانها وكبت العصير عليه وطردته من البيت شكيت ان يكون اخوي مختلق هالقصة علشان يفك نفسه من الخطبة بس بعدها بدقائق اتصلوا اَهلها واعتذروا منا على تصرفات بنتهم وأنهم مب عارفين كيف تصرفت هالتصرف كأن حاجة اكبر منها خلتها تسوي كذا
قالت زوجة اخوي الكبير خلاص اشوف لك غيرها هو رفض ان اي احد يخطب له وان بيرجع لخطيبته الأولية وفعلا وقف في وجه الكل كانت أمه من جهه تزن عليه واخوي الكبير من جهه وزوجة اخوي الكبير من جهة ثالثة
وفعلا ملك عليها رغم عن الكل ومنها بدت المشاكل والتفكك في العائلة ، رفضت خالتي واخواتها وبناتهم ان يجون العرس وعماتي ماحضروا الا كم وحدة وانا وخواتي وامي اضطر اخوي يسوي عرس صغير وعائلي العرس كان باهت ومافيه فرح مسكينة كسروا بفرحة اَهلها ، طبعا ماحد منا كان يزورها بعد العرس ابوي مهددنا ياويل الي يروح لهم
بعدها بشهور قال اخوي بجي زيارة وحصلت مشكلة اخوي الكبير قعد يسب في عروسه اخوي وزوجته قعدت تبكي تقول ان عروسة اخوي سبت خالتي والله اكاذيب يابنات تشيب الراس والغريب ان خالتي ساكته وهي عارفه ان الوضع فيه ظلم لبنت الناس
قالت زوجة اخوي ان جبت زوجتك في بيتنا كسرت رجولها مالها دخله في البيت انت تجي بس هي لا
القهر ان الكل ساكت قال اخوي زوجتي تدخل قبلكم كلكم والبيت هذا ماني طابه بعد اليوم
بدت المشاكل تلاحقه من خالتي بتحريض من زوجة اخوي
طلعت له وظيفة في الجنوب واختفى يابنات سنتين ماندري عنه انقطعت اخباره جواله غيره وماحد نعرف له طريق وخالتي منهبله على ولدها وفجأة رجع اجازة قلنا الأوضاع بتتغير والنفوس بتتصافى ، اخوي كان مرتاح مرره مع زوجته وجهه مليان حياة وعرفنا
ان صارت له مشكلة ماديه وزوجته باعت ذهبها وتسلفت من اَهلها علشان توقف معه
عرفت زوجة اخوي الكبير ان فرحان ومبسوط في حياته وهي الي نشرت الخبر في العايله ان اخوي مسحور وزوجته لاعبه في عقله وصاير مهموم ومكتئب قعدت تزن عليه ان يتزوج لان له سنتين ماعنده عيال وحرام يحرم نفسه وخالتي قالت بدور لك على عروسه والمهر وكل شي هديتي لك
المشكلة اخوي انتكس وماعاد قمنا نشوفه بعد ماكنا فرحانين برجعته وقرة عينا بشوفته بنرجع نخسره من جديد
كلمته يابنات وقعد يبكي مثل الطفل ماغير يقول ويكرر بيحرموني منها مالي احد في الدنيا غيرها هو كان عنده اكتئاب من فترة طويله والحمد لله تشافى منه وقت تزوج هالبنت
هو يبكي وانا ابكي معه يابنات سكرت من عنده وكأن كل وجع الدنيا تجمع في قلبي
شوروا علي يابنات اعرف ان طولت عليكم بس قلبي مليان حزن وقهر على اخوي خايفه ان أفقده لي بالغربة ماشفته من فترة وقلبي محروق عليه والسبب زوجة اخوي، وخالتي الله يهديها ماتقبل ابدا ان احد يحط الغلط على زوجة اخوي