زوجة أخوي الثانية .

أخوي يحبها وميت عليها وهي مطلقه لكن دائما حزينه وساكته وماتطلب منه شي وبحالها .
أخوي يحبها ومايدري ليش حزينه دائما وكلمتها بعد مالح علي أخوي ومع الكلام معها أنفجرت تبكي تقول ماكنت أحلم اني أخذ متزوج ومن هذا الكلام .
قلت لها أخوي مقصر معك غلط قالت ماشفت منه الا كل خير وماقصر معي قلت مجبوره عليه قالت لا بس موقادره اتقبل انه منزوج وعنده غيري .
وقلت لها عيشي حياتك خلاص مدامه يخاف الله فيكي وفوق هذا معرف حبه لك وكلنا شايفينه .
وهي تقول أحلم مثل كل وحده أحب ونحب مو واحد يحبني ويحب غيري ومن هذا الكلام البنت جميله وانيق وطباخه وهاديه وبحالها ماتحتك باحد
لكن أخوي يقول كثيره سرحان واوقات اذا جاه يحصل عيونها ذبلانه من البكي واذا سالها قالت مافيني شي . وغير انها مانطلب من شي لنفسها لو طلبت طلبت مقادير أكلاها .
طبعا ساكنين بمنطقه مالهم أحد فيها فاغلب الايام في البيت .يقول ولا تتصل عليها ولا ترسل له عكس زوجته الاولى اللي اذا جاء لها ازعجته اتصلات
يقول هي ماتتصل ولا ترسل ولا شي يقول تمرض ولاتطلب مستشفى الا اذا اصريت وديتها .
اكثر من مره يسالها عن السبب اوقات تقول ليتك منت متزوج وأوقات تسكت ماترد .
هو بقول حابها وابيها أكثر من الاولى بس مايدري شلون يسعدها .
وللامانه الاولى تنكد وتصلح حركات لها وحنا ماقلنا لاخونا والثانيه تسكت ماترد . لدرجة لا مره ولا مرتين اذا سافتها قالت الثانيه ماطول ومصير الرجال يرجع لزوجته .


الحين أخوي يبيني ارجع واكلم الثانية .
وماني عارفه ايش بقول لها هي مومقصره معه بس دايم حزينه وسرحانه وساكته .
ومايدري كيف يسعدها .
ايش بقول لها خاصه انها دائما تقول لي لا تتزوجين متزوج !