بسم الله الرحمن الرحيم
السلام عليكم ورحمة الله وبركاته
أخواتي في الله بكتب لكم قصتنا مع زوجة أخوي .... قبل الزواج كانت المصونة تتصل بي كصديقة لانها في نفس عمري وهي كانت تدرس في مدرسة غير عن منطقتنا ودايما تسأل وش جابوا لكم في الامتحان الخ واهل أمها جيرانا وتجينا البيت في بعض الاوقات أثاري البنت حاطة عينها على أخوي وهو صغير أكبر مني بسنة يعني صغير يمكن عمره 17 سنة وبعد يمكن سنتين قال أخوي ابغى أتزوجها وأبوي رفض في البداية وهي يبنات جنسيتها غير عن جنسيتنا بس خليجية يبنات بعد الرفض كان أخوي دايما يسوي حادث تقريبا كل شهر وكانت عنده سيارة جديدة وبعد الحوادث الدايمة صارت غير صالحة على الرغم انها جديدة يمكن مالها سنة او سنتين وبعدين باعها وخسر فيها وأخوي أصلا هو يسرع من قبل لا يعرفها بس الحادث كل شهر في بدايته غريب ثم بعد سنة او سنتين لاأدري بالضبط في أحد من أقاربها أقنع أبوي يوافق لان أخوي يبغاها وأهلها يماطلون يقولون بنزوجه ومرة ما بنزوجه عشان يدفع مهر غالي وأصر أخوي يتزوجها وبمهر غالي والله العظيم لاتستحقه وتم الزواج وبعد الزواج بفترة قصيرة تغيرت علينا وكانت تكرهنا يعني ما علي منكم كريهة يا بنات أخوي ما يقدر يخالف كلمتها كل اللي تقوله صح وبعد فترة أخونا اللي كان يحبنا انقلب علينا لانها صارت تحرضه علينا من شأن يكرهنا وكانت تحسدني أنا بالذات لاني أدرس في الجامعة وأخوي يحبني وبعد فترة دخلت أمي غرفة أخوي ويوم دخلت وجدت أخوي يتقلب ويرفس وخافت أمي من حالته قالت لها ليش ماتقولين لنا نوديه المستشفى فقالت قلت له بس هو مايبغى يروح وهي جالسة وما كأنها تشوف شي عادي عندها يبنات وهذا أخوي مرة شافتها أمي يركض في البيت عاري من فوق يعني فاسخ الفانيلة ويركض وأمي تعجبت من حالته يا بنات أثاري الكلبة مسويتله سحر من شأن يتزوجها وحتى كانت تحرضه على أمي وأبوي وما تبغاه يسمع كلام أبوي لانه هو ما يخالفه وكانت تخليه يرد على أبوي وكان يوم أبوي لما يغيب عن البيت دايم تسوي مشاكل عندنا وكانت تحرض أخوي وتقوله كلام عنا ويطلع أخوي من غرفته بعد ما تعبي رأسه بكلام كذب يطلع لنا كأنه وحش وتتصدى له أمي وكان دايما ينازعها ولا يحترمها بس أخوي واحد أصغر عنه يبنا هذا أخوي الصغير كان بار بأمي والله ما قد سمعته يقول لها كلمة لا وكانت أمي تحبه وحتى أخوي المتزوج هذا يحبه لانه ما يكره حد وطيب مع الجميع كل الناس تحبه وأخوي هذا يمكن عمره 15 سنة كان هو يدافع عنا ويدافع عن أمي لان أخوي المتزوج كان يجينا من عند زوجته فاير دمه وكانت توصل للضرب بينهم والسبب هذي الكلبة لانه لو تركه بيضربنا وبيبهذلنا شفتوا أخو ي الصغير هذا كيف كان يدافع عنا هو وأخوي بعد أصغر عنه ويبنات مرة أنا كنت في الجامعة بس أخواني الصغار خبروني يوم رجعت من الدوام قالوا انها كانت تحرض أخوي على أخواني الاثنين هذولا وكانت تقوله تعال ضربهم هنا هم يعني تخبره بمكانهم وين على شان يضربهم وهم دخلوا غرفة وقفلوا الباب عليهم عنه وكان يقولهم افتحوا الباب وينازعهم وما أدري بعدين وش صار لان السالفة لها سنوات وأمي كانت خارج البيت وهم يتضاربون يبنات كانت دايما تصير مشاكل بين أخوي هذا وزوجته ومرة صارت مشكلة كبيرة بينهم وتهاوشوا داخل السيارة والسيارة فيها مسدس لان أخوي هذا يشتغل في الشرطة والمسدس في السيارة بعدين ركض أخوي هذا اللي عمرة يمكن 15 يساعد أخوي ويأخذ المسدس عن تقتل أخوي به لانها ما تعتبره شي حتى ولو هو زوجها بس همها تأخذ فلوسه آخر الشهر وأنا أيضا كنت في الجامعة أثناء هذي المشكلة بس أمي وخواني خبروني عنها بنات هذا أخوي اللي كان عمره 15 والبار والمحبوب من الجميع حتى يبنات نعتبره كأنه أبونا وهو أصغر عنا كان يوم يجلس مكان كلنا نجلس معه نحبه طيب ودايما يبتسم وكل الناس يحبونه بس شخصيته قوية شجاع حليم الحين مات الله يرحمه ما ندري وش السبب يبنات في يوم موته أحد أقاربنا اتصل على أخوي هذا المتزوج اللي مسويتله زوجته سحر وقاله أخوك سوى حاذث بس ما فيه شي يمكن يبغى يخفف عنه وكان أخوي رايح الدوام ومعاه زوجته رايحه لاهلها يسكنون في منطقة عمل أخوي وفي الطريق شاف سيارة مقلوبة وقف عندها وسأل الشرطة الموجودين عن صاحب السيارة بس ما خبرهم انه أخوه قالوا له توفى انصدم أخوي ورد على ورى وقالوا له تعرفه قال لهم أخوي وراح لسيارته يبغى يروح المستشفى وقالوا له الشرطة بنسوق بك قالهم لا أقدر اسوق وراح وكان يبكي وهو يسوق ويسرع هذي الاحداث تخبرنا بها زوجته ومات اللي كان يدافع عنا والحين هي طلع لها بيت وطلعت من بيتنا في بيت مستقل ودايما مشاكل مع أخوي لين الحين بس نسيت ما اقول لكم يوم كانت تسكن عندنا كانت تقول أخوكم ما يقدر يطلقني واثقة الحرمة تدري انه ما يبغاها بس ما يقدر يطلقها الحين أخوي بس ينام في بيته والاكل والقعده كلها في بيتنا ما يقعد عندها عنده ولد وبنت منها وعندها يا بنات وهي مسويه لنا بعد سحر تبغى تسيطر علينا وتسوي اللي تبغاه من غير ما أحد يقول لها شي وما بحط بخاطري بس الناس يقولون سمعتها مو زينة الله أعلم وما أقدر أكد بس كلام الناس وأنا ماشفتها بعيني والحين يبنات أنا متخرجة من الجامعة لي 4 سنوات ونص ولين الحين ما حصلت وظيفة على الرغم من وجود شواغر بس ما توفقت يبنات الحين حنا خايفين منها تسوي بنا شي لانها ما تخاف الله واللي ما يخاف الله خاف منه . أسألكم بالله تدعون لنا الله ينقذنا من شرها ومن كيدها واللي بتروح العمرة تدعي لنا الله ينصرنا عليها ويبنات مكة ارجوكم أدعوا لنا في الحرم . واسمحولي القصة غير مرتبة .
يلزم عليك تسجيل الدخول أولًا لكتابة تعليق.
أنا دكتورة ناجحة
•
حسبنا الله ونعم الوكيل
(نوووشه)
•
الله يكفيكم من به شر وان كانت ساحره اخوك ان كانت ساحرته ..
جعلكم تشوفون فيها يوم
ربي مايضيع عنده حق
اسال الله ان يفرج همكم ويعينكم على مابتلاكم
جعلكم تشوفون فيها يوم
ربي مايضيع عنده حق
اسال الله ان يفرج همكم ويعينكم على مابتلاكم
اعوذ بالله
بس لازم تخبرين الهيئه او الشرطة وتخلونهم يراقبون تحركاتها
علشان يمسكون عليها شي وبعدها يسجنونها ويحققون معها
ويكشفون امرها
بس لازم تخبرين الهيئه او الشرطة وتخلونهم يراقبون تحركاتها
علشان يمسكون عليها شي وبعدها يسجنونها ويحققون معها
ويكشفون امرها
الصفحة الأخيرة