شوشو الدلوعة :

الله يعين صاحبة الموضوع ارفقو يا اخوات لا تقعدون تعيبون عالرجال انه موسوس ترا ربي يعافيه ويبتليكم انا اشوف انه كثر خيره صابر عليها كل هالمدة وحملت وجابت طفل وهو مجاريها ويحاول يعدل وضعها ولا ويبي يعطيها الف وخمسمية ريال عشان تقوم بشي هو واجب عليها مو فضل ولا منة من عندها رجل مثله؟؟؟ والله لو ان عنده وسواس نظافة كان ماصبر عليها شهر واللي مايدري وشو الوسواس يدعي ربي لايبتليه فيه ولا حبايبه لانه مو شي سهل المشكلة هو نظيف بزيادة وهي خاملة بزيادة ولو هي موظفة او كبيرة مريضة او عندها درزن بزران كان لقينا لها عذر لكن صغيرة وعاطلة ومامعها الا بزر وماتبي تنظف بيتها عشان تنام الى وحدة الظهر يعني حتى لا صلاة ولا عبادة!!!؟؟ والله ان امي وخالاتي كل وحدة موظفة وعندها اكثر من طفل, مايجي رجلها الا الغدا والم والبيت ريحة النظافة واصلة باب العمارة وهم ماعندهم شغالات واصلن مايبونهم مايجي من وراهم الا المشاكل والغثا, ومهتمات في انفسهم ولبسهم وعيالهم ولايفكرون ان هذا منة او فضل, الا يعتبرونه واجب عليهم وحبهم هالشيء من حبهم لازواجهم ومحافظتهم على بيوتهم وفيه كثيرات مثلهم صح ولا لا؟ استغرب شلون الخوات متعاطفات معها وهي حتى ماعطفت على طفلها موصخ و ميت من الصياح ونايمة مطنشتة لان مالها خلق تقوم له؟ عجايب والله وش هالقلب شلون تبونها تتحمل مسؤلية بيت ونظافته وهي ماحنت على ولدها اللي من روحها؟؟ اتوقع تعاطفكم معها كله عشان هالكف الله لايعيده بس شكل رجلها استنفذ كل الطرق وصار اخر العلاج الكي ويمكن اللي خلاه يضربها زود حرقته على ولده اللي يبكي وامه مفضلة نومتها على انه تقوم له الامر كله وجهات نظر اللي يشوفها مظلومة يرجع يحط نفسه مكانها , زوج مدلعها ومسكنها بدبلكس ويمشي لها مصروف وفرفوش وبالاخير تهمل بيتها وهو ماطلب منها شي مستحيل بعض الحريم ماتنعطى وجه كم من اخت جت في هالقسم تشتكي من ظلم زوجها وقسوته عليها وهي قايمة بكل حقوقه وهذي ربي رازقها بواحد معطيها وجه فماخذه راحتها بزيادة والدليل انها مالية يدها منه انها تضحك يوم قلتي لها انه يبي يتزوج يعني مو مصدقة انه بيسويها كثرت كلام بس والله انقهرت عشان اخوك وعشان فيه كثير يتمنون وضعها وهي ترفس النعمة اللي هي فيها ولا عندها احد ينصحها الله المستعان

الله يعين صاحبة الموضوع ارفقو يا اخوات لا تقعدون تعيبون عالرجال انه موسوس ترا ربي يعافيه...