زوجة أخي واسلوبها

مرحبا بنات
في موقف حصل لي انا احس حز بخاطري وتضايقت منه اللي هو اخوي زوجتة كانت تعبانة وتبي المستشفى وهو عنده دوام بمدينة ثانية اللي صار قال لي بما اني انا الوحيدة الي فاضية من البنات روحي معها للمستشفى قلت انا اوكي رحت معها وصار تنويم لها بتسوي عملية بسيطة المهم ربي يشهد اني خدمتها كانها اختي واي شيء تطلبه اسويه من طيب نفس انا بالاساس قلت بعد ما تدخل التنويم برجع للبيت مابي اضايقها وهي بنفسها اللي قالت اجلسي عندي المهم اني جلست عندها وللمعلوميه تراني خفيفه ما احب اضايق احد اغلب وقتي انزل تحت واخليها على راحتها بالغرفه يعني انزل افطر بكوفي بالمستشفى وبعدها انزل اتغدى يعني جلستي عندها خفيفة اللي حصل اني رجعت من برا وجلست شوي الا يرن جوالها وتقول ي فلانه اطلعي بكلم مشيتها لها وطلعت وطولت برا ومشيت لين تكسرت رجولي تاخرت مره وتعبت رجعت للغرفه صليت وجلست شوي الا يرن جوالها للمرة الثانية وتقول اطلعي برا الغرفة للمرة الثانية انا انصدمت وكنت منزله العبايه واروح البس وحالتي حاله ومسكت اعصابي بغيت اقول خير ماني خدامة عندك اطلعي وادخلي اذا عندك شيء مهم ارسلي رسالة او أجلي المكالمة بس سكت وطلعت وكلمت اخوي تعال اخذني انا تعبانه برجع البيت وسحبت عليها للمعلوميه ماقلت لاخوي اي شيء ولا ابي اسبب مشاكل ابغى نصايكم انا اقول بكون رسمية معها سلام فقط..ربي يشهد اني طيبة معها وخدمتها بعيوني واذا بغت اي شيء انزل تحت واجيب بس الطيبة معاد تنفع تخيلوا مرافقه معها كم يوم واخوي مدوام واسوي اوراقها واروح واجي تعبت احس عيب اقول لوحده اطلعي عشان اكلم ما اتجرا ماهي في بيتها
للمعلومية... اخوي قبل فترة طلب مني امسك بنتهم الصغيرة عشان يسافرون ماحد معطيهم وجه من البنات الا انا هذا اسلوبي احترم الناس واخدمهم بدون مقابل انا احترمت اخوي وقلت طيب واظن هي صدقت عمرها وتحسبني شغالتها اطلعي واذا خلصت مكالمة ارجعي