زوجة ابوي وعيالها حسبي الله عليهم

زوجة ابوي ترسل عيالها مع ابوي 24 ساعه عندنا وولو نصرفهم ولا شي ع طول تروح تعلم ابوي والله كأنهم ظله والمشكله إنهم غيورين مره بعمر اطفال وكأنهم رجال وحريم مايدخل البيت شي إلا يشردون يعلمون امهم وتقعد تستلمنا طلبات ولو رفضنا ولا شي علمت ابوي ..وابوي الله يسامحه مايردهم عن شي كل ماقلناله قال انتم تكرهونهم ...حتى احيانا يراعي غيرتهم على حسابنا ياخذ من اغراضنا ويعطيهم ويقول اي شي يبونه ياويلكم تردونهم .والله إنهم ينتفونا تنتيف ...حتى لو رايح البقاله مايجيب اغراضه عشان ياخذ من عندنا...وكل طفل يجي منها على هذي الحال يكبر بعد كم 20 سنه ويجي اللي بعده واحد ورى الثاني والله مافيه خصوصيه ولا شي حتى لو بنقول لابوي شي نناديه عاى الجنب نبغى نكلمه يجون معه عشان يتسمعون...وابوي يقولنا تكلموا ليش سكتوا..ولو تكلمنا غاروا وننحرم عشانهم ولا نروح لمكان يروحون معنا ..
وياويلنا لو نردهم ...ويحملنا مسؤوليتهم
حتى بالاعياد والمناسبات الكبيره مايروحون لامهم يجون عندا سوي قهوه وشاهي للرجال وغسلي مواعينهم وعطينا من بيتك ..وسوي وجيبي وإذا قلنالهم روحوا لامكم راحوا يعلمون ابوي وجاء يخاصمنا يقول كل البيتين واحد مافيه فرق يروحون هنا ولا هناك

والله العظيم انا كرهنا ابوي ولا عاد نطيقه يجي عندنا منهم...احس ان بيتنا فيه كاميرات مراقبه....غيورين لدرجه فضيعه ..ولحد يقولي اكسبيهم ومن هالكلام ماينفع اكسبهم ووراهم ام تحرضهم وماينفع اتحملهم والغيره مشتعله بقلوبهم اكيد راح يسببون لنا مشاكل مدام قلوبهم مليانه غيره وحسد حتى لو عاملناهم بطيب ..غيرتهم مشكله ..والله مانقدر نشتري شي منهم..وحتى لو اعطيناهم يطمعون اكثر تلقينهم رايحين جايين ..لين مايطلعون عيونك..

انا قررت اواجه ابوي واقوله لانعرفهم ولا يعرفونا افصل بينا ...زعل ولا مازعل ماعلي منه لمتى واحنا نتحملهم وربي اني متدمره نفسيتي حتى بعد ماتزوجت ..بس لحد الان امي تعاني منهم...ولما نتجمع عند امي ينكدون علينا والله العظيم من يوم ماندري إنها حامل إننا نشيل هم

مين جربت هالمشكله وتعاملت معها