زوجة ابي هل هي ساحرة حقا ام اننا نتخيل الاشياء

السلام عليكم ورحمة الله وبركاته


البداية ارجوكم بنات تدعون لاهلي بهذا الشهر ان يفك ضيكتهم
واريد ان اسالكم النصح حتى لا اظلم الانسانة الي اسمها زوجة اب
والله بنات اني مو لان هي مرت ابويا لكنها مو انسانة نضيفة نفس من يوم الي دخلت بيتنا وهي تحاول تزرع الكره بقلب ابويا لاخواني بكل الطرق الي ما اكدر اشرحها لان احتاج الى مجلدات
ما اريد اطول عليكم اخر شي حسينا انها عاملة سحر لابويا لان صار ما يحبنا ابد حتى عزيزة قلبو اختي الكبيرة الي مان ينطي بيها يم امي هسى ما يريد يسمع سيرتها ابد وطرد اخوي وزوجتو من البيت هذا غير المصايب الي حلت علينا من يوم الي دخلت بيه للبيت والبداية كانت خروج اخي من البيت ولم يعد منذ 3 سنوات ومن كنا نعرف ان كان ميت والا حي.....

ومن قهري كلت ماكو غير البنات بالمتدى الي كلهم خير وطيبة مثل ما دايما اشوف بمنتدانا الي الله يخليه النا
يكدرون ايساعدوني ولو بكلمة وحدة تريحني من التفكير بمصير العائلة الي راح تخربها وتكعد على تلها زوجة ابي


ولو طولت بس راح اكوللكم الي صار وانتو احكمو
فد يوم كانو اخواتي بيت ابوي وزوجة ابوي كانت تطبخ وراحت اعزكم الله الى التواليت ومن طلعت شافوها بنات اختي وهي تغسل ايدها فوق الجدر الي طبخت بيه الاكل:o بس لان هم ما ملتهين باللعب نسو ايكولون الي صار لاختي
ومن رجعو البيت بنت اختي الصغيرة صارت تراجع واعزكم الله اسهال والثانية صخنت
واختي اتراجع واعزكم الله اسهال

من عرفت كلت ما غير هذا سحر بس رجت وكلت استغفر الله ما اريد اظلم المرة
بس هذا الي صار بنات اذا كلتو هذا سحر ارجوكم اريد ظريقة ما لفك السحر بس بل لمنعه لان اذا فتحناه وراحت سوت مرة ثانية انكون ما سوينا شي:06:


اللهم فرج كربهم والمسلمين اجمعين اللهم امين