أمكن اخوج يلزمها بالقعده ووضحوا له انا هذا اليوم لكم وانتوا اكيد تجمعون في يوم غير هذا بتشوفكم في هاليوم

اختي صاحبة الموضوع...

انا ما راح اعلق على فعل صديقتج لان نيتها ما يعلم فيها الا الله و بسسس...

بس حبيت انبهج لشيء... بخصوص زوجة اخوج... و اللي اشوفه من وجهة نظري...

انا من قبل لا اتزوج كنت الاحظ حركات من ام زوجي و اخته العودة.. و كنت اتضايق كثير بس التمس العذر و ما اشكي... بس كانت العلاقة حلوة و ماشية تمام... بعد الزواج زادت هالحركات... و كنت اتضايق لكن استمريت بالتماس الاعذار... مع انه الموضوع وصل للاهانات و التجريح الشديد اللي يعور القلب من صج... لدرجة كنت ارجع بيتي و ابكي و ابكي لين اقول بس... و بعدين ارجع طبيعية معاهم...

بعد فترة .. تفاهمت نوعا ما مع اخت زوجي الكبيرة... نوعا ما مو وايد... و كنا نسولف عن خوات الزوج... فقاعدة تكلمني عن صديقتها و شلون تسب في اخت ريلها اللي تكون بعد صديقة اخت زوجي... تقول استغرب الكلام اللي تقوله عليها.. انا ما انكر ان اخت زوج صديقتي خبيثة بس مو بالطريقة اللي توصفها صديقتي... تقول فيها كلام كبيررر... اثناء ما كنت اسمعها كنت افكر... يا ترى اخت زوجي تعرف انها مأذيتني و مطلعة عيني و هاينتني مثل اخت ريل صديقتها؟؟؟!!! و الا مزكية نفسها؟؟؟!ّ!!!!!

و هم مرة كنت اشكي لاختي عن اهل ريلي و هي تشكي لي من اهل ريلها... و سألتها تهقين زوجات اخواني مرتاحين منا؟؟ و الا متأذين و احنا نايمين في العسل؟؟؟ ردت علي اجابة عجبتني و قالت لي ما ادري يا اختي... لازم تسألينهم هم هالسؤال.. لان لو جاوبت باقول مو مسوين فيهم شيء... لكن يمكن تكون طلعت مني او منج او من اي وحدة من خواتي او امي الله يرحمها في يوم كلمة او حركة جرحتهم او اهانتهم و احنا عبالنا عادي... بس هم شالوها في قلوبهم!!!!

لا تحكمين على زوجة اخوج من وجهة نظرج انتي و لا تظلمينها... لان لو كل واحد سوى جذيه ما حد راح يعترف بغلطة سواها حتى لو كانت غير مقصودة...

ام ريلي مثل جدتج تصرخ على كل حد و ما تحترم احد... بس الفرق انها قوت الكل علي لاني غريبة... صار الكل يتجرأ علي من عيلتهم و هي للاسف ما تدافع عني و لا شيء لكن في المقابل ما حد يتجرأ عليها و لا على عيالها لانها تدافع عنهم مع انها تصرخ عليهم و تسبهم ... مهما قلتي نعاملها مثل اخت و امي تعاملها مثل بنتها تظل مرة الولد غريبة عنكم... و فيه اعتبارات لازم كلكم تحطونها في تعاملكم معاها...

ارجو انج ما تكوني تضايقتي من ردي... بس بغيت اعطيج حصيلة تجربتي مع اهل ريلي اللي كانوا يظنون انهم مو مأذيني لحد ما انقطعت العلاقة بينا تماما الحين و صرنا حتى السلام ما نقطه على بعض و هالشيء مضايقني واايد... و تذكري انج ما زعلتي من زوجة اخوج الا لانج تعزينها و تحبينها من كل قلبج و معتبرتها بالفعل اخت من امج و ابوج... فكري لو اختج بنت امج و ابوج تكلمت عليكم برى شلون راح تتصرفين معاها؟؟ صدقيني راح تكون ردة فعلج غيرر ...

و تقبلي مروري...

خديها قعدة اي انسان يوصلك كلام بعدين يامنك ما تقولي انه هو للي قال لا تامنيله ولا تصدقيه ويمكن تسوي نفس الشي وتنقل كلامك حتى لو بزيادة عشان تكره زوجة اخوك فيكم
تاكدي قبل اي شيء ونا اشوف تكلمين زوجة اخوك بشويش وبروية وان عرفت مين وصل الكلام ما عليك لانه العلاقات الاسرية بنظري اهم من الصداقة

حسبنا الله ونعم الوكيل حتى انا اعاني من نفس الشي

لكن يشهد الله نعاملها مثل اختنا وامي تعاملها مثل بنتنا

لكن ترى فيه بنات رجال الطيب ينفع معهم وفيه ناس الطيب معهم يزيدهم ردى

فيه حريم إخوان شكاكات سيئات ظن ..يابنات لاتحطون ان ام الزوج وخواته دايم هم السبب ترى بعض الحريم مرضى قلوب ومريضات نفسياً تجي من بيئة مختلفه فتصدم بمعاملة راقيه وحب وحنان اهلها نفسهم ماعطوها إياه والنتيجة كلام من ورى الظهر وظلم لأم الزوج وخوات زوجها..

اولا صديقتك اخطأت بالنميمة مهما يكن
ويجب الا تاخذي كلامها على انه صحيح تماما حتى لو بدا
لك اخبارا صحيحة عنكم
لكن لاتقولين لها ( لاتمي ) لانه ممكن تزعل وتروح تحور في كلامك وتنقله لاخت زوجك وتصير مشكلة
انما قولي جزاك الله خيرا لكن بطريقتك ناصحي اخت زوجي وهديها وووو
طبعا بعد فترة اتنسون الموضوع انصحي صديقتك بترك النميمة بصورة عامة ..,,,,



ثانيا : قد تكون وجة اخيك فعلا لديها معاناة ممكن انت ماتشعرين بها لانك تنظرين من زاويتك
فالحل انك تقربين منها اكثر مادام انك مالاحظتي عليها القسوة والغلظة
اكسبيها كصديقة وهو مجرد يوم يعني ....
,,,