زوجة اخوي اسال الله ان يصلح حالنا و حالها يارب

يا بنات عندي مشكلة مع زوجة اخوي
و ببدا اقولكم حياتنا من اول شي
اول زواج اخوي كان الظاهر لنا من زوجة اخوي الطيبة و الادب و كان اخوي يشكي لنا منها انه مو مرتاح معاها وانها وصخه ولا تسمع كلامه يقول اعلمها باي شي يضايقني منها يومين ثلاثه بالكثير تبطل الشي اللي قلت لها انه يضايقني و ترجع لنفس ما كانت عليه وكاني ما قلت شي و تقلب الكلام اللي اقول لها اياه واحنا وقفنا له انها طيبه واخلاق وبنت ناس وفيها خير وهو يقول مغشوشات فيها ما تعرفونها مثلا قالها لاتخلين المويه تركد في الحمام اول ما تشوفين مويه متجمعه امسحيها عشان لاتقطر على اهلي لان اهلي ساكنين في الدور الاول وهي في الدور الثاني و راحت تشتكي منه عند امي تقول ان ولدك يقول لا اشوف ولا قطرة مويه في الحمام و اني قلت لامي قالت لي اميxxxفي علب المويه وارميه من الشباك احسن عشان يرضى ولدك قامت امي و سالت اخوي قال والله العظيم ما قلت لها اني مابي اشوف ولا قطرة مويه بس قلت لا تتجمع المويه وسط الحمام و تنزل عليكم بس
و المواقف كثييييره ... اللي زي كذا
بعدها جاهم بنت و ولد و صارت تربيهم على كرهنا
و تشجعهم على انهم يقلون ادبهم معانا و اخوي شخصيته ضعيفه وقدامه هي و عيالها بوجه و بقفاه بوجه ثاااااني ما يتخيله اذا امي قالت له على حركاتها
و احنا لا رحنا لها تخلي بنتها تطرد اولادنا من اي مكان يروحون له و تقعد تبكي و تصارخ تقول لاتحطون ايديكم على كنبنا ولا تاكلون معانا اذا امها طلعت شي
و نروح و نخرج من بيتها والبنت بس تبكي
و اذا طلعو عندها بناتي انا عندي ثنتين ولاهم صغار ياذون في اولى ابتدائي وكانو يحبون بنتها و يروحون عشان يلعبون معاها بس صارت تفرق بينهم اذا طلعو بناتي تقول لبنتها وع يا ماما ذولي وصخين ما نلعب معاهم و ان اخذو شي في يدهم من العابها هذا ان خلتها لهم لانهم يقولون يا ماما بس نطلع و تقوم خالتي و تلم العاب بنتها و تدخلها الغرفه وتقفل عليها وتقول لبنتها خليهم ينقلعون واطلعها لك
بس ان خلتها واخذو شي يبون يلعبون فيه يقولون بناتي انها تاخذها من يدهم بقوووة و تعطيها لبنتها
بنتها عمرها خمس سنوات و مدخله السادسه
طبعا هالشي ما صار مررره ولا مرتين ولا ثلاث
ولما بنتها تجي عند اهلي لما اكون موجوده تلعب مع بناتي و تضحك و عاااادي بس لاحد يقرب من بيتهم او اي شي يخصهم
لان الحين طالعه بشي جديد اذا جت عند بناتي ولعبت وانبسطت وجت طالعه لامها بناتي يقولون بنروح معاها يا ماما اقولهم طيب بس لاتطولون بس ترقى الدرج و يجون معاها تقعد تصارخ عليهم و تبكي و تضرب برجلها في الدرج تقول لااااا xxx لاااا بيتنا لا
وارجع ارجع بناتي عندي
اخوي صار اخر شي معها مدري كيف اقنعته
اذا طلعو بناتي عندهم وهو موجود يطردهم
لاتقولون بناتي يسوون مشاكل او شقيات اقسم بالله ماهم اشقى من بنت اخوي و ولده
بالعكس حتى اقولهم لو طلعتم و لعبتم تلمون الالعاب و تساعدون خالتكم في كل شي
ومره بنتي بتساعدها في اغراض تشيلها من على السفره
بغت تاكلها تقول لااا لا لاتشيلين شي معاي تكسرين اغراضي حطيها ما عندها اسلوب لو قالت لا حبيبتي ثقيله عليك او خليها وانتي روحي العبي معليش بس اسلوبها وقح
تعبنا منها
بعكس زوجة اخوي الكبير ما شاء الله لاقوة الا بالله معانا زي وحده منا حبينها و حبتنا
احترمتنا و حطيناها على راسنا ما نرضى عليها ولا على اولادها
وهي زينا
بس هذي لا قهرتنا بوقاحتها حتى على امي
انصحونا وش نسوي احنا ناس ما نحب المكايد ولا المداحر
والله العظيم ما كنت بكتب شي بس امي طلبت مني اكتب لكم
ولا انا قلت نتركها لربي
ملاحظه..
اخوي بغى يطلقها مرتين بسبب وقاحتهاو قلة ادبها
وانا وخواتي وامي اللي وقفنا له وخليناه يرجعها
والله يشهد انه مره كلمني قال بطلقها ما عاد اقدر اتحملها
قلت طيب وعيالك قال ينقلعون معاها
قلت حرام عليك .. و خليته يهون ..