زوجة اخوي قلبتها على الجميع

انا لي كتبت موضوع عن اخوي وزوجته لي يبغى يطلقها ويتزوج عليها
لي صار اني طبقت نصيحة بعض العضوات وخليت اختي تكلمها

واخوي مثل ماقالو لي بعض العضوات بيضعف قدامها
لي صار اختي كلمتها وقالتلها يافلانة الموضوع كذا كذا
الرجال يبغى يتزوج عليكي وقاعد يخطب ويبغى يطلقك
وذيك بدت وما رضت تفهم الموضوع وسوتها حرب قبائل ورسلت لنا وحدة وحدة وخصوصا امي دعت عليها وانا جاتني رسائل صوتية صرت ابكي منها
سبتني ولعنت فيني وقالت لي وش رأيك ادعي الله يبتليكي بصحة عيالك وصحتك
وقعدت تدعي علي وعلى زوجي انه يفلس ونصير نشتهي الخبز اليابس
وتدعي على ابني ابو ١٤ سنة وش ذنبه هذا طيب تقولي انشالله تشوفيه افشل واحد بالمستقبل وبناتك يعنسون
والله قاعدة تدعي دعاوي بالرسائل اعوذ بالله
وانا خفت من دعاويها وخصوصا اني حملت من اسبوعين ورح اخلص الشهر الاول
وغير كل شوي جوالي ينفجر من الرسائل من امها واخواتها وبنات خالاتها
وغير اتصالات اخوانها ب اخوي وغير رسائلها له وهو خاف منها
قعد يتودد لها الحين وماباقي الا يروح يبوس يدبها
قاعدة تهددنا ب اخوانها واحد ضابط بالحرس الملكي والثاني ب امن الدولة
الحين تبغى تاخذ ولدها من اخوي ب اي طريقة وتهدده تقوله برفع قضية بالمحكمة وببلغ حقوق الانسان
الحين انقلبت السالفة صارت هي تبغى الطلاق واخوي يبغى يرجعها ويتودد لها ويضحك نفسه ويعشمها بالسفر وهي مصممة قاعدة تذل فيه
قبل يومين اتصل اخوها الضابط يقوله طلقها ولا اخليها تنزل المحكمة تخلعك خلع والولد يبقى مع امه
واختي تبغى تاخذ الرسائل الصوتية وتنزل ترفع عليها قضية بالمحكمة
الوضع صاير حرب واخوي ولا على باله شارد ب ابنه من مكان لمكان
ويجي بكل وقاحة يقولي خلني اراضيها وترجع لي وبعدها اتزوج وحدة بالسر بدون ماتدري
انا قلتله مالي شغل من يوم ورايح روح حل مشاكلك معاها
لو تموت مارح اتدخل وقلت للجميع
والحين جاي على اخت زوجي الصغيرة لسا بالثانوية يقولي كلمي زوجك واهله
ويقعد يقول اتزوجها بالسر بدون ماحد يدري واعيشها بفيلا وسيارة حديثة ودهب ومدري ايش
كأننا قاعدين بمسلسل كويتي
يحسب اهل زوجي ميتين على زواج بنتهم

ومشكلة مصمم
قلتله كلم زوجي انت
يقولي لا انتي لي تكلميه هذا زوجك وانا ما احب اقعد معاه لانه يعصب على طول
قلتله ترا بسويلك حظر ولا توريني وجهك والحين زعلان ويقول ل امي واخواتي علي وهم واقفين بصفه ضدي
واختي لي عندها مشاكل مع الحرمة تتهمني اني واقفة بصفها ضدهم
حسبي الله ونعم الوكيل بهذا الرجال وعقله الصغير