Katie :

انا قلتلكم امس اني بقوله اني خلاص ما ابغى الاغراض لا انا ولا اختي واذا قال ليش بوريه الرساله اليوم طبعا ارسلت لخواتي وقلت وش رايكم بالفكره قالوا بكيفك على الاقل يصير عنده خبر المهم استنيت الين بعد صلاة المغرب لاني اضمن انه بهالوقت خلاص طلع من الدوام واكل وارتاح لاني مابي أنكد عليه وهو في الدوام او وهو توه جاي من الدوام مسكت جوالي وسميت بالله وكلمته واتس اب وسلمت عليه ورد على طول طبعا وقلت خلاص الاغراض مانبيها مانبي نغثك كنسل الطلب قال يابنت الحلال مافيها مغثه قلت الا فيها مغثه زوجتك منغثه قال انا اللي بجيبها مو هي قلت بس هي طلبت مني اني ما اطلب منك شي ابد قال متى هذا قالت هالكلام انا موجود معاكم ماقالت شي قلت ماقالته واحنا قاعدين بس ارسلت لي واتس اب وقالت لاعاد تطلبون شي قال انتي متأكده قلت ايه متأكده تبي ارسلك كلامها قال اوكي ارسليه طبعا ارسلت الصوره قال تراها تمزح معاكم او تسوي فيكم مقلب قلت احنا مابيننا اي علاقه عشان يصير بيننا ميانه عشان تسوي فينا مقالب قال اعتبري نفسك ماشفتي شي وخلينا على اتفاقنا قلت اوكي طبعا الحوار اعلاه انا كتبته باسلوبي بس نفس المعنى لاني مابي اكتبه مثل ماهو اخاف انعرف المهم الكلام هذا كله تقريبا الساعه سبع ونص ومن خلصت ارسلت لخواتي ووريتهم وانتهى الموضوع الساعه تسع ونص تقريبا اتصلت اختي وخرشتني قالت روحي بسرعه وتس اب شوفيها وش كاتبه وقفلت منها على طول و لقيتها كاتبه الوضع حق الوتس اب ( لاتظلمن اذا ماكنت مقتدرا فالظلم اخره يأتيك بالندم ) تتوقعون تقصدني :humm: لانها ماعمرها كتبت عن الظلم وهالمواضيع دايما تحط استغفار او تسبيح وحاطه صوره يدين مرفوعه تدعي لاول مره واول دايما تحط صور طبيعه او وروود او عيال اختها :huh:

انا قلتلكم امس اني بقوله اني خلاص ما ابغى الاغراض لا انا ولا اختي واذا قال ليش بوريه...

لا للخلطات :

معليش بس المفروض ما طلبتوا من اخوكم مكياج وعطور. الرجال ما يعرف في هالشغلات ويخاف يجيب شي غير طلبكم, فالموضوع يسبب قلق المرات الجاية قولوا جيب على ذوقك او عطر او طقم مكياج بس بدون تحديد اسماء ماركات بالنسبة لزوجته ماادري اانا عن نفسي بكتب لها الله يسامحك وخلاص اما اخوك هل تعلمينه ولا لأ. هذي تحتاج تفكيييييير عميق لأن عواقبها يمكن اكثر من الفايدة. يمكن تحقد وتصير تسوي مؤامرات وهو يوقف في صفها يمكن ما تردها لكم الحين بس تردها بعدين وتصير عداوات واحقاد وقطيعة الواحد ما يحب يكون ضعيف ويسكت عن حقه.. بس دام هذا اول موقف منها طنشوها لا تنزلوا لمستواها وهي بتموووت قهر من تطنيشكم

معليش بس المفروض ما طلبتوا من اخوكم مكياج وعطور. الرجال ما يعرف في هالشغلات ويخاف يجيب شي غير...