حبيبتي عادي على راحته

يمكن خجوله وهذا طبعها

اريح لها ولكم

انتي نفس حالتنا ..

عادي خلها بكيفها لكن القهر لو شفتي انكم مكروفين وتشيلون وتحطون بالعزيمة والاخت قاعده رجل على رجل كنها راعيه البيت وحرمه كبيره !!
عيب اقل شي ساعدي اللي معك .. حتى لو موحمولتك بيت غريب عنك وزرتيهم بتستحين تجلسين وكل اللي حولك وبعمرك يدورون ويشيلون ويحطون وانتي رجل على رجل وتتعلكين !! وين قاعدين !! اهلك مربينك كذا ؟ ولا ربوك ع السنع والذرابه والذوق وتساعدين اللي انتي زايرتهم لو بشي بسيييط اقل شي لما تزورين بيت اهل زوجك صبي لحضرة جنابك قهوتك .. ماله داعي حد يصب لك ( خصوصا ان باقي حريم الاخوان كلهم يساعدون ويتحركون مافي الا السنيورة جالسه .. اما الكل ماخذ راحته ويتحرك )

افففف ذكرتيني باللي عندي ربي يهديها .. تحسب كذا شطاره وانها فاهمه ..
مادرت انها تعطي انطباع سيئ عنها وعن شخصيتها وحتى عن تربية امها لها ..

ربي يهدينا واياها .. حالتها مزريه
( اتكلم عن حاله شخصيه عندي ماتكلم عن صاحبة الموضوع يابنات .. وسوووري ياصاحبه الموضوع بس طلعت فضفضتي عندك ههههههه )

ياجماعة خلكم عفويين .. قصة مابعطيهم وجه وكلام الخرابيط ذا ماينفع.. اوكي خلك رسميه لكن بنفس الوقت ذربه وذوق .. مايمنع ترى :)

اذا كانت العلاقة حلوه
والبنت ماشفتوا عليها شي
احسن كذا
يمكن اذا ماكان فيه رسميه يكون فيه حزازيات ومشاكل
اذا كان ماعندها الا المشكله