زوجة اخوي مصيبه

حبيت اذكر لكم مشكلتي بعدما ترددت كثيرا..

مشكلتنا مشكلة كبيرة في البيت وهي زوجة اخي..اخوي فيه حاله نفسية وخطب وحدة وانفصل عنها والحين أخذ له وحدة من سنه وصار لهم الحين تقريبا 3 سنوات عمرها الحين 31 سنه..المشكلة ان زوجة اخوي قبل لا تتزوج يعني خلال فترة الخطوبة كانت حركاتها كلش مو صاحية يعني مثلا تضربنا ضرب يعور عن مزح قصدها وتنفش شعورنا وتضح ضحك وايد وصوتها وايد مرتفع وحركات وايد تسويها غريبه وتناطط فوق الأسرة حركاتها ولا حركات الأطفال..
احنا راعيناها على اساس انها انظلمت في بيت ابوها لانها عايشة ويا زوجة ابوها ويعاملونها معاملة الخدم ومسوينها لهم خدامة من جذيه يبين عليها بنية جسمها قوية ويدها خشنة لما تضرب بقصد المزح ضربتها وايد تعور..

مو هنيه المشكلة..

المشكلة بعد الزواج تقول لنا اشياء وكلام مايتصدق واحنا نصدقها..اول شهر قالت لنا انها حامل ..وبعدين قالت انها حامل بتوأم..بعدين قالت انها سقطت الجنين مع ان ما لاحظنا انها راحت المستشفى حق عملية التنظيف!! :D

القصة طويل ومتشعبه سامحوني بحاول اختصرها قد مااقدر.. :(

وكل مرة تاخذ معاش زوجها وتصرفه على اكسسوارات هرار وأشياء تافهة جدا تصرف فوق 100دينار خلا لسبوع يعني أكثر من 1000 ريال سعودي..ولمن نقول لها هذا مو زين من بعض الاشياء اللي اشترتها تقول هذا اخوكم اللي قال لي اشتريه واذا الشي عجبنا تقول هي اللي اشترته!!وفيها صفه الفتنه انها فتانه ونتقل الكلام لأي أحد ياريت بس جذيه تنقله بشكل غير وتزيد فيه..وتكذب كذب..جذابه جذابه لأقصى درجه وكل اللي في البيت كل مرة تعادي واحد منهم وأنا بطبعي ماأكلمها ولا أعطيها وجه اقول لين يازت عن كذبها بكلمها مثل الناس..

والأدهى من هذا كله انها تعامل أخوي معاملة الحيوانات تضربه ضرب واحنا نسمع الضرب ولمانقول لها ليش تضربيه تحلف والله تحلف انها ماضربته حلف وكذب.!!هي من شنو مخلوقه!!

وأيضا فيها طبع رديئ جدا وهو أنها تتنصت الكلام يعنني تتجسس كم مرة افتح الباب وألاقيها تتسمع الكلام!!

ياجماعه بالله عليكم عمركم شفتوا وحدة جذيه!! والله العظيم اتكلم القصة عن جد ولا أكذب وفيه أشياء وايد بعد تسويها ماتنقال..

ودوم تقول لزوجها تعال واسمع وسو جذيه وروح هنيه ممشيته على كيفها واذا مارضى تقول له بروح بيت ابوي او بطلب الطلاق او وو تخوفه مستغله مرضه استغلال وهو من مرضه النفسي مو حاس بلي يسويه يطاوعها في كل شي..ودوم في السوق ياريت تشتري اشياء عدله كله اكسسوارات هرار مو شي حتى ذهبها باعته ماتشتري ذهب تقول ماتحبه..والحين الله رزقهم ببنت حتى معاملتهالبنتها معاملة جدا سيئه ولما نفهمها تقول هذي بنتي مااحب احد يتدخل فيها والله حتى حركات بنتها مو طبيعيه عمرها سنه ونص وعلى طول تضحك ضحك عالي وتضرب وتكسر كل شي(خايفه تطلع مثل الأم)ناس وايد يقولون حركاتها مو صاحيه والكل يشتكي منها..

لا تقولون ماكلمناهها كلمناها وصارخنا عليها ولا تم أحد في البيت ماكلمها كل فترة أحد يكلمها حتى أهلها يقولون هي طبيعتها جذيه وأمها اللي ربتها كانت تدعي عليها ولا تحبها تعرفها وتقول الله يساعدكم عليها وامي ماترضى نتكلم عليها..حتى لبسها مو عدل صدرها احيانا يطلع وشعرها الكل شافه نكلمها بدون فايذه..

لدرجة اني اشك انها تسوي طب او عمل :( لانها على طول تسألني وتسأل خواتي وتحسب لهم متى جتهم الدورة ومتى خلصت ومتى صامت ومن حامل لدرجة انها تحسب اعمار بنات واولاد خواتي وتعرف متى مواعيدهم في المستشفى..وألاحظ كل شي تسألني عنه من تسمع به حتى لو ماسمعت تتجسس وتعرف كل شي وبعدين الاحظ انه مااتوفق في هذا الشي كم خطاب جوا ومن تسمع تسوي روحها مستانسه وتالي تصير اشياء غريبه تفركش الموضوع كامل...

هههه واللي يضحكني ويا كذبها انها مثلا لمن في التلفزيون نشوف واحد يذيع الاخبار على تلفزيون البحرين تقول تصدقين يا alheera هذا خطبني بس اني ماوافقت!!
ولما نسأل عن مكان تشرح وين موجود مع انها شرحها هرار وهي ماتعرف المناطق ولا الأماكن ابدا..ولمن نشتري اشياء مثلا نقول هذا بدينارين تقول قصوا عليكم هذا بدينار اني شايفته! لا تم ممثل ماقالت انها خطبها ولا تم أحد تكلمنا عنه ماقالت انه يصير لها ..يعني باختصار ماتقول كلمة مااعرف هالكلمة ماتجي على لسانها ابدا كل شي تعرفه لو أول مرة تسمع عنه تقول تعرفه كذااااااابه..
مااقدر تعبت شنو اقول القصة طويلة والاحداث ماتتصدق..شيروا عليي شنو اقدر اسوي شلون نتعامل مع وحدة جاسوسة فتانه سارقة كذابه ووو