اكرهك @akrhk_2

عضوة جديدة

زوجة اخوي واخوي المراهق علالالالاقه مشبوهه ساعدوني بالحل]

السلام عليكم

خواتي صار لي فتره وهذا الموضوع محيرني انا متزوجه وساكنه بمنطقه بعيده شوي عن اهلي

اروح لهم في المناسبات والاعياد ورمضان

في حاجه دايم اشوف بس ما ادري وش يصير لي يوم اشوف يربط على لساني ويتوقف فكررري

ادخل في الموشوع على طول

عندي اخوان ثنين من الاب واحد فيهم ملتزم ويخاف الله ومتزوج والثاني مو متزوج عمره 23 ما ادري وش اقولكم عنه

بس قبل فتره امسك في قضيه اخلاقيه

المهم انا اكثر من مره اشوف اشياء مو زينه بين اللي مو متزوج وزوجة اخوي الملتزم

اذكر لكم موقفين علشان تكون في الصوره اكثر

مره رحت بكلم اخوي الثاني اللي مو متزوج في غرفته دخلت وشفته يتعطر والنور مطفى طبعا يوم فتحت الغرفه صار في ضوء

قربت منه وكلمته وبعدها اشوف وجهه تغير حسيت فيه شي بالغرفه لفيت يسار الا زوجة اخوي الملتزم جالسه

على كنبه وفوقها ستاره جلست ثواني وانا ساكته مدري وش اقول بعدها توجهت للباب وما طلعت مني الا استغفر الله استغفر الله

وانا امشي شفتها تغطت بستاره اللي فوقها اخوي لحقني برا واضح انه مرتبك وجلس يسولف معي ويضحك بشكل غريب

انا وقفت معه شوي وانا سااااااااااكته بعدها رحت لبيت امي

طبعن ما نقلت الموقف لاحد لامي لين يوم مالي مصدقه

لا تستغربون من ردة فعلي لاني انا مو مصدقه

وبعد الموقف يوم اشوفهم عادي يسولفون معي ولا كاني شفتي شي شككوني في نفسي

الموقف الثاني

كان قبل العيد بليله وكنت رايحه لاخوي علشان يوديني مشوار كان باب غرفته مفتوح شوي واسمع صوته يسولف

ما شكيت والله

وحنا بينا ما ندق الباب صراحه لا عيال ولا بنات صح انها طريقه مو حلوه بس متعودين اللي عنده تغير او شي يلبس في

الحمام لان حنا كثير ماشاء الله

المهم فتحت الباب الا اخوي وزوجة اخوي مره ثانيه

حاطين صحن بينهم وياكلون طبعا متغطيه هالمره في جلال كاشف نص لبسها قريبين من بعض مره ما بينهم الا الصحن

هالمره طلعت على طول سويت نفسي ما شفت شي

انا اللي ارتبكت مدري ليه تكون ردت فعلي كذا

لالالا توقعون ان هذا الشي بسيط عندي لالالا والله بس ردت فعلي غريبه

بعد فتره قلت لاخوي من امي بشوف ردت فعله

يوم قلت له صارخ علي في البدايه قال وش هذا الكلام طسي عني وجهي

انا خفت قلت خلاص اعتبرني ما قلت شي

قالي خير طفل انا قولي لي الصحيح جلس يستجوبني ساااعه اخر شي اقتنع بكلامي وقال اخوي هذا اصله حرمه

وزوجة اخوي هذي اشك فيها كثير

جلست احلفه مليون يمين ما يتكلم واني انا اللي بقول لابوي لاني خفت وقتها تصير مشكله

ومتاكده ان ما احد مصدقني

اللحين كل فتره يسالني قلتي لابوي ولا لا وانا اقول طيب مو اللحين

هو ملزم اني اقول واحسه شك فيني يوم اماطل ما اقول لابوي

انا بيني وبينكم اخاااف من ابوي شخصيته قويه مره اتوقع لو يدخل في المشكله بيتوضح له الحق بس اخاف اقول وانا ما عندي دليل

وشي طبيعي بينكرون

اخوي وهو اخوي ويعرف طبعهم اكثر مني في البدايه قال انتي تبين تخربين بيوت باكلام هذا

بس صدقني لانه يعرف طبعي لاني من النوع الخواف

بس ابوي قوووي مره اتوقع يقول وش شهودك او يكذبني واطلع انا الكذابه المنافقه خرابت البيوت

وهم الابرياء

وبنفس الوقت كاااااااااااااااااااااااااسر خاطري اخوي الملتزم

والله ما يستاهل ابداااااااااااااااا

اتوقع يصير فيه شي وبفس الوقت ما اقبل له الخيانه ابد يكسر خاطري يوم اشوف يتكلم عنها ويمدحها اقول ما ودي اشوه الصوره خلي الصوره نظيفه لان صعب على المحب تتشوه صورة حبيبها

انا بروح لاهلي بعد نص رمضان واخوي يقول لالالالازم تكلمين ابوي ولا انا اللي بتكلم

انتم وش رايكم

201

34K

هذا الموضوع مغلق.

عاشقه كيد • 15 سنة

لاحول ولاقوه الا بالله
الله لايبلانا ياخيتي والله يعين اخوك المتزوج على مصابه
بس ضرووووووي تخبرين احد لو امك خبري امك وخلي امك تراقب الحركه اكثر
وهي بدورها بتقول لابوك
ترى الخيانه شي عظيم خصوصا المتزوج
وفي نفس الوقت انتي تأكدي اكثر ولاحول ولا قوه الا بالله
الحمدلله اللذي عافانا مما ابتلاهم وفضلنا على كثير من خلقه تفضيلا كثيرا

nada-mnh • 15 سنة

الله يعينك والله موقف مره صعب بس ماعرف كيف تتصرفي احس لو اخوكي عرف ممكن تصير مصيبه ولو ماعرف حرام مادري الله يعينك وشوفي راي البنات

ورد تشرين • 15 سنة

يمممممممممممممه وش ذا

بأي صفه تجلس مع اخو زوجها

وزوجها الملتزم هذا وينه عنهم مايشوفهم

وربي تقشعر جسمي

اسمعي انتي بالبدايه هدديهم واذا تكررت خلاص علمي ابوكي

واللي يصير يصير

حرام عليه هذي حرمة اخوه وشرفهم

والله محتاره تبلغين ابوكي ولا زوجها

بجد ماتخيلت فيه ناس مثل كذا

الله لا يبلانا

كاسه شاي • 15 سنة

الله يستر علينا معد في خوف من الله يا اختي لا تسكتي خافي من الله وخافي على عرض اخوكي من اخوه
لو انا منك كان فضحته هو وهيه في الغرفه قدم ابوكي واخوكي على شان يعرف زوجها كل شي وبعدين اذا انتي متاكده من الي شفتيه ايش يعرفك ايش تسوي خارج البيت نصيحه مني كلمي امك وشوفي ايش بتقول لك وهيه تخبر ابوكي 000

%وردة الحب% • 15 سنة

عاشقه كيد :

لاحول ولاقوه الا بالله الله لايبلانا ياخيتي والله يعين اخوك المتزوج على مصابه بس ضرووووووي تخبرين احد لو امك خبري امك وخلي امك تراقب الحركه اكثر وهي بدورها بتقول لابوك ترى الخيانه شي عظيم خصوصا المتزوج وفي نفس الوقت انتي تأكدي اكثر ولاحول ولا قوه الا بالله الحمدلله اللذي عافانا مما ابتلاهم وفضلنا على كثير من خلقه تفضيلا كثيرا

لاحول ولاقوه الا بالله الله لايبلانا ياخيتي والله يعين اخوك المتزوج على مصابه بس ضرووووووي...

لا حول ولا قوة الا باللللللللللله..
شي يعور القلب .. لازم تبلغين احد مايصير تسكتين..
وكلامي مثل كلام اختي عااااااااااشقه
ياللللللللللللللله الله يعين اخوك المتزوج على مبتلااااااه..
الحمد لله الذي عافانا مما ابتلاهم..