زوجة اخوي والبيت/ استوفى الرد

السلام عليكم بنات انا حابه احكيلكم واعرف منكم كيف نقنع اخوي يطلع بيت مستقل مع زوجته
اول شى احنا ثلاث بنات وولدين واحد كبير ومتزوج والثاني بصف ثالث متوسط وامي زوجة اخوي لها شقه لحالها فوقنا وكل شى مستقل لها ومانحس ان اخوي متزوج طول الوقت عندنا تحت ولو سالنه وينها يقول نايمه وهالحال من سنتين واكله كله عندنا وقبل لايروح الدوام يقومني اسوي له فطور دوامه الساعة ثلاث الفجر طبعاشغالتناوشغالته نايمين وهو ماياكل من يد الشغالات وامي تسوي الغدا يوميا وهي نايمه حتى ماتسوي لزوجها غدا وشغالتها طول يومها تحت عندنا بالصاله مع ولدها واحنا اصلا مومعودين شغالتنا تجلس معانا داخل بس امي ماتقدر تقولها تروح برى عشان ولد اخوي وتسمع كل كلامنا وبعد فتره كل شىء قلناه ننصدم ان الناس عارفينه قلت للشغاله خلاص روحي فوق تقول ماما تقفل الباب وتقولي انزلي تحت حتى اخواتي موظفات يجيبون لنا اكل وحلويات مانلقاها نسال شغالتنا تقول شفت الشغاله الثانيه تاخذه فوق وانا مااقدر اهاوش عشان اكل وزوجته مزاجيه ايام تصير رسميه اذا اهلها موجودين وتنزل حتى ماتسلم واذا راحوا اهلها تجلس معنا وكان ماصار شى وتطيح الميانه حتى ولدها اذا صاح تنزله تحت مع الشغاله ومرات الساعه تكون واحده او ثنتين الفجر ومانقدر ننام من الازعاج واحنا ماتعودنا ع الازعاج واحنا تعبنا مانقدر نتحمل اكثر مانقدر ناخذ راحتنا باي شى وفي بيت قريب من بيتنا في نفس الحي للايجار وكلمناه عصب وقال انا مااطلع عنكم قلنا له اخوي كبير ثالث متوسط يقدر يتحمل مسؤوليه بس هو راافض مع انه عارف انه اخوي يقدر يتحمل مسوؤلينا مو نفس اللي بعمره تفكيره كبير ماشاء الله
وزوجته كل فتره تسوي لنا مشكله ونتهاوش مع اخوي بسببها وكل هذا عشان تبي بيت ومن حقها ومن حقنا احنا بعد نرتاح
شالحل عطوني حل بالحاله هذي