حبيبتي صاحبه الموضوع ,,

للآسف ماكسبتي الا الذنوب الليس تراكمت من هدرة العضوات على مرت اخوك وعلى حريم اخواتهم ,,

للمعلومية ,,انا زوجه اخ متزوجه وكنت ساكنه في غرفه في بيت اهل زوجي قبل لا اجي الغربه

ورجعتي برجع فيها ,, وأخت زوج ..اخوي متزوج كمان في غرفه ,,, يعني عارفه الوضع زين م زين ,,

المشاكل لابد منها ,, بس لما تكون الزوجه عارفه حقوقها كامله ,, والزوج عارف حقوقه وواجباتها
واهل الزوج عارفين واجبات زوجه ولدهم ,, انتهت نصف المشاكل


انا كزوجه اعرف واجباتي ,,او بالاحرى من حسن العشرة ,,

اطبخ لزوجي ,, اغسل ملابسه اكويهم ,,غرفتي نظيفه ,, والمكان اللي اجلس فيه في بيت اهل زوجي هم نظيف

اطبخ اغسل المواعين اللي استخدمت واجففها وارجعهم الدولاب ,,انظف الفرن لما استخدمه ,,

وامسح الارضيه والدواليب لو وسختهم انا ..! اولادي واهم شيء ذا ماتركهم في بيت اهلهم ,,يدورو ويعفسو بدون مراقبه


اخبار بيت اهل زوجي ماانقلهم لاهلي والعكس صحيح ,, ولما اجلس اسولف مااجيب طاري أي شخص بالدنيا الا بالخير

بشارات فقط ,, سوالفي وطلعاتنا مع زوجي مااتكلم فيهم ,,


وانتهى ,, وبعد كذا لو ينقال عني اللي ينقال ,, اكون واثقه من نفسي اني م سويت شيء غلط ,,

وهذا يعني اني ممكن بيوم انسى شيء او اتقاعس عن فعل شيء ,,او انشغل عنه ,,

مثلا لو مرة طبخت وولدي صحى ورحت له ونسيت الفرن ,,على اهل زوجي يعذروني ,,وعلي اعتذر منهم وتنظيفه ينترك علي ,,!

بالنسبه لاهل زوجي ,, مالهم حق يحاسبوني على دخلتي وطلعتي ومصروفاتي وسفراتي ,,وجلستي في غرفتي عنهم

ممن اجلس معاهم بالاسبوع مرتين ,, كاي زوجه ولد تجي تزورهم ,,! ان زرتهم اكثر فهو حسن خلق مني ,,

ان ظليت في غرفتي دام اني قايمه بكل واجباتي مااحد له حق يتكلم ابداً ,,


بالنسبه لزوجي ,, ينبهني اول باول عن أي خطأ يصدر مني بدون اتهام ,, لو سمع شيء عني يجي يصرحني فيه

وياخذ كلام الطرفين بعدين يقررر ,,واهم شيء لو صار بيني وبين اهله أي شيء ,,اذا كان بسسيط ماله داعي ينذكر واحطه في موقف

يَ اني لو اختك مثلاً ,, بس لو شيء شايد لازم يجمع الطرفين الزوجه والاخت ,,ويسمع الجميع ويقرر

وبكذا عفى الله عما سلف ,,

صاحبه الموضوع ,, تقدري توصلي لزوجه اخوك تعقيبي ؟

لاخوك ولا لامك ؟


لا طبعاً ,, لذلك اقول الحل بيد اخوك فقط ,,


لاني حسب افهمت ان اخوك مستقوي عليك وحتى يضربك ,,فما تقدي تسوي شيء ,,

الله يعينك ويرزقك الزوج الصالح

لو مستحيه الاولى انها تستحي توسخ والناس ينظفون وراها ولو تبي بيت لحالها تشرط من البدايه مو اذا تزوجت قالت ابي بيت عشان لو ظروف العريس ما تسمح تعرف اذا تقدر تتحمل وتوافق والا ترفض وخلاص تنتظر الرجال اللي يقدر على شروطها بصراحه مالها عذر ابداً انها ماتنظف وراها وراتبها لها زوجها ماله حق يحاسبها عليه ولازم يصرف عليها واجبه وانتم ما تبون تسوون شي اذا طلبك اخوك قولي له قول لزوجتك انا تعبانه وروحي غرفتك وخلاص

حبيبتي انتي غلطانه اذا اخوك قالك شيء قولي مشغوله قول لزوجتك هي مسؤوله عنك
مواعينها قولي لاخوك خلها تغسل مواعينها مو معقوله نغسل وراها
و اذا طلب طبخ اعتذري و قولي خلص شهر عسلكم خلها تطبخ لك
يالله اقوم في البيت و اهلي
بالنسبه لأكل المطاعم و الصرف مالك حق فيها براحتهم
اللي ما يستحي منك لا تستحي منه
لو زعل مره مرتين في النهايه ما يصح الا الصحيح

صادقه أختي لا ويبغونها تصرف عليهم
أنا انصح أي بنت بتتزوج أنها تشترط بيت شرعي انتي أتزوجتي عشان تعيشين حياتك مع وزوجك وتقومين فيه هو مو عشان تخدمين ببيت أهل زوجك

ياكرهي بعض الحريم اللي ماعندهن كرامه فاهمات كيد الحريم غلط