لا اختي حراام انصحيها لا تدعي عليها هذا اول شي

ثاني شي تخلي عندها ثقة بنفسها وقناعة ولا تتأثر بكلام زوجها بالمقارنة

وتدعي الله بصلاتها وبقيام الليل انه زوجها ما يشوف غيرها ويصرفه عنها

دمتي بحفظ الرحمن

حرام تدعي على البنت شو ذنبها هي ما سوت اشي، المشكلة في زوجها، إذا هو مش مقتنع في زوجته معناها كلامها معه.. بس كمان أهل زوجها ما بصير يبينوا قدامها إنها أجمل منها ويحبطوا صديقتك حرام..

أنا أخو زوجي خطب وحدة أحلى مني، بس هي وجها حلو أما جسمها لا، بس يعني عادي ما حدا عمره حسسني إنها أحلى مني أو صار يقارن بيني وبينها، بالعكس أهل زوجي بحبوني كتير وطايرين فيه لإني بحترمهم وبقدرهم وبقوم بواجبهم.

والحمد لله زوجي ما بحبها ولا بشوفها حلوة لإنه أصلا رافض خطوبة أخوه منها لأسباب خاصة، بس البنت حرام طيوبة وبتحبنا وبتحب بنتي كتير وأنا كمان بحبها.

على العموم صديقتك ما لازم اتضل اتفكر في الموضوع عشان ما تحط الكره بقلبها لسلفتها، بالعكس خليها تحبها وتشوف الصفات الإيجابية فيها وتعيش على هذا الأساس.

يابنات صديقتي تدعي عليها من قهرها بس الصراحه مالها حق والشي الثاني ترى البنت مغروره وشايفها نفسها
ولا تعطي احد وجه ولا تتعمد انه يشوفها بس هو اللي لاحقها وودها يشوفها باي وسيله
وهي اصلا طايره بزوجها السما وزوجها يحضر ماجستير وعنده علاقات وماهي شايفه احد في الدنيا غيره بس تمدح وتمجد فيه 24 ساعه يعني موب جايبه خبر اخوه ولا فكرت فيه بس البلا في زوج صديقتي
وصديقتي ماتقدر تقول لها شي لانها طويلة لسان كلامها زي السم مره صديقتي قالت لها بمزح ( صديقتي قاصده بس تسوي نفسها انها تمزح) ادخلي ترى زوجي جاي يسلم على امه والا ودك تشوفيه تسلمين عليه؟؟ قالت لها انا اشوفه لا عيوني ودي اشوف جني ولا اشوفه

اختي انا عارفة ان الوضع صعب الله يسخره لك وتصيرين احلا وحده في عيونه
حاولي تغيرين في حياتك يعني روحي السوق اشتري اشياء جديدة لك تلبسينها عند اهل زوجك ويكون فيها حركات بحيث ان زوجك ينتظر اللحظة اللي بتروحين فيها لاهلة علشان يشوف ابداعاتك ومو شرط يكون عاري او بنطلون يعني مثلا الان شتاء اشتري ابوات الوان صارخة شوي >>>بس مب مرة تفقعين عيونهم واشتري شالات وبكل بناتية وغيري كل مرة في شعرك مرة مستشور ومرة كيرلي مرة اجدلية ومرة شنيون فوقة وردة وغيري في حياتك واطلعي مع اهلك واعزمي صاحباتك وبدعي في طبخاتك وغيري مفرشك ووسعي صدرك ولا يهمك ترا الدنيا مليانة والرجال الله يهديهم متعبينا ومايملا عينهم شيء منا واذا شافوه على غيرنا انبهروا..........
لازم تصيرين قوية وتصبرين علشان اهلك وبيتك واهم نقطة انك ماتجيبين طاريها عندة لا بمدح ولاذم ولاتقارنين سافروا واحنا لا.. مدحها وانا لا ....الله يفرجلك في مصيبتك

الله يفرح همهأأ