سبحان الله ...

نفس التجربه مريت فيها من فتره قريبه ...

ولدي أصغر واحد في العيله .. ولانه ابني الوحيد وما لي غيره أخاف عليه من نسمه الهوا الطايره ..
وهالشي طبيعي في كل أم ... بس من فتره مرت أخو زوجي كانت يالسه في بيت عمتي هي وعيالها وأنا وولدي كنا وياهم ... ولدها ماشاء الله عليه من النوع اللي يضرب ويدفش في كل شي ..
فأنا ما احب اني أخلي ولدي يتزحزح من عندي علشان ما اتعرض لمواقف تعورلي قلبي عليه ..
بس في يوم عمتي أم زوجي يلست تحن علي ..خلي الولد يتحرك و أنا أقولها ما فيني يخرب لج شي أو يكسر شي ... وأنا شايله هم الضرابه اللي بتستوي .. لانه مرت أخوه ما تحب حد يلمس عيالها أو يسويلهم شي ولا حتى ينازعهم ... المهم بس حنت عمتي هديت ولدي وخليته يلعب وياهم ..
الا اييه كــف من ولد عمه ... وطبعا انا عصبت وقمت نازعته وقلت له لو ضربته مره ثانيه بضربك ..
هني نقزت مرت اخو زوجي .. على شو تضربينه هذا ياهل ما يفهم ولا يعرف شو يسوي ... وبعدين ما صار شي ..!
شو ما صار شي ..؟؟ ولدها عمره ثلاث سنوات .. ويعرف يتكلم ويفهم علينا .. يعني كيف ما يفهم شو يسوي ..؟؟؟؟ و ولدي سنه بس ..!! المشكله اني يوم قلت له بضربه كنت أهدده عشان يخاف وما يضربه مره ثانيه وأنا مب من النوع اللي أمد يدي على الأطفال ابدااا ... بس هي ما ترضى على عيالها أي شي لكن عيال غيرها فدوه لعيون عيالها .. وهذا الشي اللي قهرني ..
المهم خبرت زوجي بس قلت له ما يتدخل في الموضوع وعدت السالفه على خير ..
بعدها بأسبوعين تقريبا ولدي كان يلعب وهم طبوا على عمتي وقاموا اليهال يلعبون ويا بعض ..
هني ولدي شد شعر ولدها .. قامت القيامه ... وانفجرت وصرخت في ولدي .. فقلت حقها والله ولدج يفهم جان خاز عنه بعيد .. ولدي بعده صغير ولا يعرف شو يسوي .. وطنشتها .. وخليتها تنفجر بروحها ..

والله أنا عادي عندي اليهال ممكن يصير بينهم أي شي ... وفي النهايه هم عيال عم ..
يعني ولدي عادي مرات يلعب ويا عيال عمه الثاني و يتضاربون لكن لا أنا ولا أمهم نقول شي لانهم في النهايه أطفال .. و دام انه ما في حد تعور ما يحتاج نكبر الموضوع .. بس المهم انه الضرب يكون خفيف ومب تكسير وبلاوي ..

يعني كل انسان تتعاملين وياه بأسلوبه عشان يوقف عند حده ..
يعني دام هي ما ترضى على عيالها المفروض ما ترضى على عيال غيرها ..
ودام مدت ايدها على ولدج لا تسكتين عنها ... لكن الموضوع أحين مر و كان المفروض بساعتها تعصبين عليها ... أحسن حل انج تتجنبين السوالف وياها .. خلي بينج وبينها بس سلام لو فتره مؤقته علشان تحس على دمها وما تتجرأ على ولدج مره ثانيه ..

أنا أحين من أشوف مرت أخو زوجي يايه هي وعيالها مع عمتي أشل ولدي في حضني وما أهده وياهم ولو حد قالي افتحيه أقولهم ما فيني يضاربون هو وولد عمه ... علشان تحس ..

طبعا المواقف وايد اللي تصير بيننا بسببب ضرابه اليهال .. مع انه كل الامهات الباجيات ما يتحسسون الا هالانسانه همجيه في تعاملها فأعاملها بهمجيه نفسها ..

من جد الصغار يطاقون وثاني يوم يلعبون سوا وما كأنه صار شيء بينهم

ما عليك عقلها كذا (.)

الله ياكثر ما اشوف بنتي تنضرب من سلفتي بس مابيدي حيله وش اسوي هي عقلها صغير وجاهله لازم انا اكون عاقله ولا تكبر السالفه مع اني اموت قلبي يغلي نار واقعد استغفر في قلبي ولا ابين لهم اني زعلت بس شافت مامني فايده راحت واتجهت على حمواته خوات زوجي وعيالهم وهم يالسنونه مع انها الى الحين تضرب بنتي وفهمت بنتي ياماما لاتروحين لهم تقولا ابي اروحي لعمتي وجدتي وكل يوم وهي عندهم مره معها كوب ماء وتبي تكبه في الحوش لقت بنتي قدامها كبته على وجه بنتي والحمدلله طاح زوجي عليها وهي تكب الماء على بنتي قام قال ليش يافلانه ارتبكت تحسب محد شافها من بعدها بنتي ماعد شكت منها ما ادري بنتي تأقلمت ولا هي استحت على دمها

نا لو مكانج اكلمها واقول لها بالهداوة اني ما ارضى احد يلمس عيالي.. شنو انا احمل فيهم واتعب وبعدين بالسهل اي احد يطقه؟؟ يخسي احد يمد ايده على ولدي ليش انا شاريته من السوق؟؟

بس اكلمها واقول لها ان هذولا يهال كيفهم يسوون اللي يسوونه احنا مانتدخل ما بينهم لان اذا تدخلو الكبار كبرت المشكله.. وبس ولو عادتها اكسر ايدها لها..

شكرا يااخوات على ردودكم....هزنتو علي الي انا فيه...والله طول الليل ما نمت....الله المستعان
انا معاكم في الي تقولونه ...وسويت الي تقولون عنه ...المره الاولى قلتلها اعتبري اولادي هم اولادك واعملي الي تبينه فيهم ..ما فاد معهاها....وقلت انو انتي بتشتغلي في روضه وبتتعاملي مع اطفال حاولي تحلي مشكله ابني اذا انتي شايفاها مشكله.. ما في فايده..
وخليت زوجي يحكي مع زوجها...واخوات زوجي حتى زوجها متفهم وما يرضي على الي هي تعملو وكلمها بدل المره مرتين ....على الفاضي ... ما في فايده وما بترد على حدا حتى على زوجها..
وزوجها امس قلي اعتبريها اول مره واخر مره ...وانا عامله كرامه الو ولزوجي
الله يخليكم ردو على