لا شئ مستحيل @la_shy_msthyl
عضوة جديدة
زوجة اخي الخبيثه
السلام عليكم ياحلوات. والله عجزت أتعامل مع هاذي الانسانه. حابه اخذ ارائكم واللي معاها زوجة اخ مثل اللي معي كيف تتصرف معاها. اولا انسانه كياده بكل ما تحمله الكلمه وقليله اصل وواجب وتحب ترمي كلام جارح على انه مزاح وتعلق على كل صغيره وكبيره لدرجة والله جابت لي القلق. لمن اروح عندهم زياره والله يا بنات ما تقدم لي حتى شاي ولمن اخوي يقولها وين الضيافه ترد عليه اختك من أهل البيت.... بالله ايش ارد عليها ومش حابه ارد وتكبر المسأله بينها وبين اخي واخي قد هزائها انها ما تعرف الواجب. بس احس انها ماعد تهتم لتهزيئه ولاتحترمه وتقول بايزعل ولا اني بازعل. اني عايشه في منطقه بعيده وكل خمسه او سته اشهر اروح للمنطقه الل عايشين فيها عشان أهل زوجي هناك واقعد عند أهل زوجي مو عندهم. يعني المفروض تعزمني وتقوم بواجبي. بس هيه حابه تكرهني بالروحه عندها. اخي يتصل ويعزمني بس والله ماعد احب اروح لكن ارجع اغصب نفسي عشان أخي واروح فقط زياره سريعه واقوله انا و زوجي مشغولين او في ناس عازمينا و هوه مش صحيح. ويابنات كميه المكارحه اللي فيها ماشفتهاش بأنسان تجيلها يمين تجيلك يسار وتجيلها يسار تجيلك يمين مستحيل تقول ان احد غيرها صح او تعترف بغلطها. مثلا اخوي يكلمني و زوجته معانا انه اذا حب يعزم احد تصير مثل الهبله ما تعرف تطبخ ولاتنظف ولاايش تسوي مو مثلكن ياخواتي ستات بيوت ممتازات وتتوقعو ايش ردت... ليش تقارن وحده بالعشرينات باللي بالثلاثينات وهيه على فكره ٢٨ سنه انا مارديت عشان أخي رد عليها وقال الشاطره شاطره والعمر ماله دخل. ماعاد في احترام نهائيا لأخي ولنا انا معاتبه على اخي لأنه ماعد خلا له هيبه يعني هوه وهيه مثل الضراير الكلمه بالكلمه.وخلوني اجيب لكم امثله على سخريتها . اولادي ماشاءالله حلوين وان احد مدحهم تقول بس فيهم وفيهم ولو احد مدحني وقال جسمك حلو تقول اكيد لابسه مشد ولا تقول جسمها عادي. والله يابنات ماأقصد اسخر منها بس جسمها زفت لكن والله مارديت عليها عشان مش من طبعي اعيب على احد واكره الناس اللي تجرح غيرها و للاسف علمت اخي طبعها الزفت وهوة ماكان كذا ابدا. صار يعلق على عيالي يعلق علي اذا سمنت او ضعفت والله صرت ماعد احب اختلط فيهم. قريبا يمكن راح ننتقل للعيش في نفس المنطقه اللي هم فيها. ووالله صاير فيني زي الخوف والقلق منها واقعد اوسوس انها باتكون تعلم اخي عليا وتجيب كلام كذب عليا. وعلى فكرة انسانه حسودة. مثلا في مره سألتني اذا مدخله ابني مدرسه خاصه وقلتلها ايوة وتقولي حلو عشان تحصلي وقت لنفسك وترتاحي اما اني ماقدرش افارق ابني رغم أن اخوكي يقول يدخله المدرسه. وبعدها بفتره يقولي اخي ان زوجته مجننته ان لازم يسجل ابنهم بمدرسه خاصه. انا صرت كذه😨 ليش النفاق والكذب. عشان كذه صاير فيني زي الخوف منها ايش أقول وايش ماأقول. انا انسانه عندي خصوصية في حياتي ماأقول اموري الخاصه لأحد مهمن كان. بس مثل هاذي الامور احس عادي الواحد يتكلم فيها يعني اخبي ان ابني يروح مدرسه خاصه خوفا منها. بالله دلوني كيف أتعامل معاها وابعد القلق اللي صاير فيني.
31
17K
يلزم عليك تسجيل الدخول أولًا لكتابة تعليق.
يمكن مو خباثه منها لاكن فعلا تعتبرك من اهل البيت انتي اذا جيتي لهم اخذي معك صينيه حلا ترى مافيها شي بيت اخوك واقعدي معهم وانبسطي واخوك ليش يتكلم عن مرته اهم شي المراه قايمه في بيتها ضيوف يجيب من برى ليه يحملها فوق طاقتها الا اذا جايب لها شغاله تساعدها اما المدرسه الخاصه مافيها شي لو تمنت ان ولدها يصير مثل ولدك مو حسد لاكن تحب تصير زيكم ما اشوف سوت شي تتضايقي منه لو اخذتيها بحسن نيه بترتاحييمكن مو خباثه منها لاكن فعلا تعتبرك من اهل البيت انتي اذا جيتي لهم اخذي معك صينيه حلا ترى مافيها...
بدل صينيه حلى أخذت والله ثنتين. وعشان اني من أهل البيت المفروض تكرمني وتقوم بواجبي اكثر من اي شخص ثاني وبالاخص اني مااروح عندهم الا كل ستة أشهر. وكلنا ماعندنا شغالات وبدل الولد عندنا خمسه وقايمين ببيوتنا على أكمل وجه.
لا يمكنك مشاهدة هذا التعليق لانتهاكه شروط الاستخدام.
صعب اسوي كذه ماقدر والله وماأريد اتحمل ذنب الله حسبها ووكيلها. أريد طريقه أتعامل معاها من غير ماأصير مثلها وبأسلوبها
عادي خذي الأمور ببساطه كل حريم الاخوان على شاكلة مرت اخوك أهم شي انك بعيده عنهم وبعدين وش يوديك لهم إلا إذا كانت أمك عندهم .
أما ولدك في مدرسه خاصه ماعليك منها حصنيه والله يكفيك شره اللحين بعض حريم الإخوان تغار من خوات زوجها المتزوجات خاصة إذا كانوا متوفقات من جميع النواحي 😎😎😎
أما ولدك في مدرسه خاصه ماعليك منها حصنيه والله يكفيك شره اللحين بعض حريم الإخوان تغار من خوات زوجها المتزوجات خاصة إذا كانوا متوفقات من جميع النواحي 😎😎😎
عادي خذي الأمور ببساطه كل حريم الاخوان على شاكلة مرت اخوك أهم شي انك بعيده عنهم وبعدين وش يوديك لهم إلا إذا كانت أمك عندهم . أما ولدك في مدرسه خاصه ماعليك منها حصنيه والله يكفيك شره اللحين بعض حريم الإخوان تغار من خوات زوجها المتزوجات خاصة إذا كانوا متوفقات من جميع النواحي 😎😎😎عادي خذي الأمور ببساطه كل حريم الاخوان على شاكلة مرت اخوك أهم شي انك بعيده عنهم وبعدين وش يوديك...
امي متوفيه الله يرحمها. اروح مع زوجي عند أهله واخي عايش بنفس المنطقه
الصفحة الأخيرة
اهم شي المراه قايمه في بيتها ضيوف يجيب من برى ليه يحملها فوق طاقتها الا اذا جايب لها شغاله تساعدها
اما المدرسه الخاصه مافيها شي لو تمنت ان ولدها يصير مثل ولدك مو حسد لاكن تحب تصير زيكم
ما اشوف سوت شي تتضايقي منه لو اخذتيها بحسن نيه بترتاحي