يابنات انا بغيت استشيركم في هذا الموضوع عن زوجة اخي الله يهديها يارب والله العظيم وانا صايمه اني ماكذبت عليكم بشي السالفه خواتي دقو علي امس وكانو مره متضايقين من جية اخويه وزوجته والسبب والله من زوجته الله يهديها فيها نقل الكلام والمشكله تعلم وتنقل كل شي في البيت كبيره والا صغيره لهلها واهلها يعلمون الناس وماندري الى والحريم يعلمون امي في الزواجات باخبار المفروض ماحد يدري عنها ويحرجون امي واحنا عرفنا انها هي لان اي شي يصير وهي ماهي موجوده ماحد يقول شي بس اذا جت كل شي ينتشر والغيره الله لايوريكم لدرجة انها تقعد تبكي بكاء تقول حد مات اذا شافت اخواتي والى زوجة اخي الثاني كاشخين او شرو شي جديد ولاتساعد في شغل البيت وبيت اهلي اللهم صلي على النبي كبير مره وشغله متعب وابويه رافض الشغالات عشان اخواني 2 شباب ماتزوجو ويخاف عليهم الفتنه وكله على خواتي 2 شغل وطبخ والحين هي واخوي جو وبيجلسو الى بعد العيد ولاتدخل المطبخ ولاتساعدهم بشي تنام الى قبل المغرب ويدخل اخي يعبي لها فطور من كل شي طبخوه البنات ويوديه غرفتها تفطر ولاتخرج الى بعد التراويح متزينه وكاشخه واخواتي يقلون تعالي ساعدينا في المطبخ غسيل مواعين وشطف تجاهلهم ولاكنهم يكلمونها واحنا والله والله عايله مسالمه ولانحب المشاكل وامي مره حساسه ولاتحب تغلط على حد وتقول دايما اتركوها لا تقلون لها ساعدينا عشان اخوكم مابغاه يزعل والا تحرمني منه ماعد تخليه يجي وتوز في اذنه علينا ويكرهنا بس الي ماينسكت عليه انه اذا اجتمعنا في طلعه والا في البيت ونكون نسولف ونضحك وتعرفو قعدت الحريم ودق عليها حد من اخوانها تفتح الجوال وتكلم من غير ماتنبهنا انها بتكلم وتخلينا نسكت او تقوم تكلم وترجع تقعد واكيد بيسمع الضحك والكلام واهم شي التصوير كل شوي تصور اولاد اخي والمجالس وكل شي في البيت تصوره والله ان كل خوفي تصور خواتي وهم مايدرون لانها مره تكرهم وتغار منهم ومره ارسلت لامها صور مجلس اهلي توهم فرشوه قلنا عادي وبعدها الى خالتها تسال امي من وين تحف مجلسك قالت امي وانتي وين شفتي مجلسي قالت بنت اختي ارسلت لنا كلنا صور مجلسكم وغرفةنوم البنات رووعه قليلي وين فصلتوها تقول امي بغيت اموت اخاف بعد صورة بناتي وهم مايدرون بالله يابنات واش رايكم اخي حتى لو قلنا له مابيصدق لانه يحبها مره وهي فيها عادت الحلف على كل شي حتى لو غلطانه الله لايبلانا واخر اشاعه نشرتها عند الناس ان اهلي بيخطبون بنت خالي لاخويه واحنا مافكرنا في ذا الشي لادرجة ان خالي الحين زعلان من امي يقول عند بقية اخوالي لايه للحين ماجو يخطبون قالت امي والله مافكرت ازوج ولدي الحين ولاقلت بخطب بنته والحين زعلان على امي واخي بعد كم سنه وان شاء الله نزوجه وهو رافض زواج الاقارب وماحد يقدر يجبره
قلولي بنات كيف نتصرف معها وكيف اخي خواتي يتصرفون من غير مشاكل يارب رحمتك الله يوفقكم
لا اله الا الله