شكلوتو @shkloto

عضوة جديدة

زوجة الاب ما الحل ؟؟؟؟

السلام عليكم يا بنات
انا جايتكم هنا اطلب النصيحة والمشورة افيدوني افادكم الله
انا لي اخ مطلق ومتزوج من وحدة ثانية وعنده بنت طبعا سبب الطلاق ان الزوجة السلبقة كانت مستهترة ما تهتم بالبيت ولا الطفلة اللي عندها .... همها الطلعات يعني مالها خلق للتربية عشان كده ما تبغى بنتها عندها فتربت عندي فترة عشان كده انا اعتبرها بنتي وبعد كده رجعت لابوها بعد ما تزوج
البنت ما شاء الله حبوبه هادية عاقلة ذكيه جدا تفكيرها اكبر من سنها فهمت الحياة يمكن بسبب الي مرت بيه طبعا هي تروح لامها في الاجازات امها تصرف وتديها بلا حساب وتخرج كمان بلا حساب ( لوحدها مع الشغالة وممكن لوحدها اظن) والعكس تماما عند ابوها ما في خروج حتى معاهم الا نادرا حتى عند الاهل ما يخلوها رغم ان الباب قدام الباب فطول الوقت بغرفتها لن ماحد يديها وجه في البيت طبعا زوجة ابوها بتحاول تطمس شخصيتها وهذا الي بيصير من بنت ذكية متحدثة لبقة تحولت لبنت هادية ومنعزلة
الاب مو ملاحظ مو فاهم مني عارفة لكن مؤيد زوجته

زوجة الاب معاملتها قدامه شي ومن وراه شي حتى مرة خرجت مع عيالها والبنت هذي للسوق اشترت لعيالها اكل وما اشترت لهذي البنت طبعا اخني كانت موجودة فاشترتلها اختي

الملابس نفسها من سنين تلبسها فسالناها ماتشتري ملابس قالت ابوها يعطي الفلوس لمرته تشتريلها فتشتري لها من مكان رخيص واشياء بسيطة فرحنا اشترينالها ملابس
طبعا لهذا صارت مرة ابوها تختلق الاسباب عشان ما تخليها تجينا اوتتكلم معانا المشكله انه مقتنع
طبعا احنا حاولنا نتكلم معاه ونفهمه ينعدل الحال شوية ويرجع زي ما كان
على فكرة اخويا ربنا موسع عليه احنا من عائلة فوق المتوسطة

العيدية تاخذها من البنت غصب حتى الفلوس الي تعطيها امها تاخذها امها غنية جدا
بينما زوجة ابوها على قد حالها
لكن هذا ماله دخل انا قلت للتوضيح فقط

المهم اخر شي صار عرفت ان البنت ما تاخذ مصروف للمدرسة ولها بس ساندوتش من غير شي ثاني

طبعا انا قررت اتكلم معاه وافهمه على دا الموضوع لكن ماني عارفة اذا حيتقبل ماني فاهمه كيف هو مقتنع بكلام مرته وكيف افهمه حقيقتها

الشغالة صايرة احن وحدة عليها بالبيت مرة ابوها تحرمها من العشاء والشغالة بنص الليل تقوم تديها

الكلام دا لو قالته الشغالة ماكان صدقناها بس هذا كلام البنت غير اللي بنشوفه بعيونا والناس كمان ملاحظين
بنات الله يخليكم ساعدوني باقتراحاتكم ايش اسوي او على الاقل ادعولها ربنا يهدي ابوها ويتفهم وضع بنته ويحنن قلوبهم عليها

يلزم عليك تسجيل الدخول أولًا لكتابة تعليق.

تسجيل دخول

شيء ماتنوصف • 15 سنة

و**** مدري ايش اقولك بس احب اقولك ان الزوجين اذا افترقوا صارو الابناء الضحية

^سما^ • 15 سنة

الله يرحم البنت الضعيفه صارحي الاب وامرك لله

عنيده والزمن قاسي • 15 سنة

وربي مالهم ذنب وش يصبرنا على الزوجنا غير اعيالنا لكن الله المستعان والله كلامك ضيق صدري ..

زين انك تكلمينه بس تتوقعين بيقتنع وبسمع كلامك ولاا يبي يتجاهلك على حساب زوجته ؟؟

ليته والله عندك عاشت باقي حياتها وربي ان البنات ينظلمن من زوجه الاب اكثر من الاولاد ,,

شوفي لاازم يهتم اخوك بنته والله حرام خلي احد كبير من العايله يكلمه لازم يعرف عن حال بنته ,,

ام شروق الحلوة • 15 سنة

حسبي الله ونعم الوكيل على زوجة اخوكي الله ياخذ عمرها اخذ عزيز مقتدر؟؟......... وشلون ساكتين لها وين امك ؟؟ مستحيل الجدة ترضى على بنت ولدها هالمعاملة والحياة حسبي الله ونعم الوكيل يارب يارب خذ بحق هالبنت المسكينه الي كانت ضحية طلااق ؟؟..

طيب وين امها ؟؟ كلمي امها تاخذ البنت عندها .... اقلها امها اولى بها ومستحيل تجور فيهاا لا حول ولا قوة الا بالله .........

اختي شكلوتو لا تسكتين على هالوضع كلمي اخوك بكل كل شي ....هذي امانه عنده ترى ربي ماراح يرزقة ولا يعافيه لو جار فاهالبنت

وكلمي امك تتصرف مع زوجة اخوك ؟؟.. الله لا يسامحهاا :mad:

قلبي بيتقطع على هالبنت والله:44:

متجر ام عبدالرحمن • 15 سنة

اخاف تزيدون الطيبن بله !!

وينقلب البو عليها ويحرمها منكم وانتوا المتنفس الوحيد !!

الركه على امها ماتكلمه وتحكي لاطليقها عن فعايل زوجته ببنتها ..

والله يعين ...