اختي شيخة الكويت اولا احب انصحج انج تكبرين عقلج وتترفعين عنها وما تنزلين لمستواها وانا اقولج هذا الشي من واقع تجربة لانى عانيت من نفس المشكلة لان مرت حماي وحدة غيورة ومعقدة ووانا بالاول ما كان عندي تجربة ولا خبرة بهالمواقف فكنت اول شي اسكت جنى ما سمعتبس شفتها تمادت واستانست وعلبالها انى خايفة او ان شخصيتي ضعيفة بعدين قمت ارد عليهاوصارت مشاكل واللة ما كنت راضية عن نفسي وعن شكلي جدام اهل ريلي لكن كان يطلع منى الشي غصب عنى وبالفعل بعد ما صرت ارد عليها عرفت حدودها وما قامت تتحرش فيني بالكلام والنغزات واحب اقولج ان اذا صار منها اي شي بس قولي الحمدللة والشكر او اللة لايبلانا بما بلاج فية صدقيني راح تحتروتنصدم بالرد وتعمل الف حساب حق اي ثصرف اهيا تبي تسوية معاج وبالنسبة لزوجها كلمي زوجج انة يكلم اخوة ويقولة عيب نقل سوالف الحريم بعدين اخوتنا فوق مشاكل الحريم وما يصيرانك تساعد مرتك على غلطها بس اهم شي ترفعي عنها وحاولي لا تحتكين فيها وخلي موقفج واضح منها وخلج واثقة من نفسج واذا اهيا موجودة لا تحاولين انج تنكمشين او تسكتين بالعكس سولفي وضحكي وبينى انج مستانسة واهم شي انج تكونين كاشخة ترى الكشخة تحرقها حراق وتخليها تنشغل بنفسها علشان ما تصيرين اكشخ منها بس انتي كبري عقلج وطنشيها والحقران يقطع المصران

:27: صراحه كلامكم كله صح ومثل العسل................. وعلى فكره انا بديت اتبع هالطريقه وياها واحس اني نفسيا ارتحت شويه من بعض مواقفها وياي
اما بالنسبه لزوجي فهو ما يصغر عقله ويتدخل بسوالف الحريم علشان جذي ما اقوله اي شيء
لكني خايفه ان ياثر هذا الشيء بيني وبين اهل زوجي للأنها ما راح تسكت
و لكم مني احلى باقه ورد لمشاركتكم لي في هالمشكله


:26: :26: :26: :26: :26: :26: :26: :26: :26: :26: :26: :26: :26: :26: :26: :27: :24:

الله يعينج يا شيخة
انا ما اقدر اقول شي الحين
بس خايفة من الجاي
وخصوصا ان زوجة حماي من الحين واحنا مخطوبين تبي تسوي مشاكل
وانتي يا قلبي شيخة اهم شي تحطينه في البال هو : الثقة بالنفس
وانتي عامليها بطيب لو مهما هي سوت عشان لايتقلب الموضوع ضدج
ودام انتي واثقة من نفسج صاينة بيتج وزوجج وعيالج وزوجج مو مقصر وياج
مالج شغل بيلي يصير ان شاء الله تنفجر

( والحقران يقطع المصران ) ! صح ؟؟؟

تعاملي معها زي زميلاتك في العمل برسميه تامه ان كانت الامور بينكم ممكن تتحول الى قيل وقال وبدون تشنج وبدون رفع كلفه يعني لا تخلينها بساط احمدي ولا تخلينها جافه حاولي توازيين صدقيني بتحبك وتعزك وتحترم فيك ها الشيء هي والاخرين :27:

شيخه الكويت .. أنا اقولج وعن تجربه تعاملي معاها برسميه لا تاخذين عليها وايد وكوني حذره في كلامج .. خاصتا اذا انتي قبلها بتغار منج وايد لأنها تريد تنافسج على مكانج في البيت,,
:26: