زوجة اولى . يا ريت تنصحوني وتساعدوني..

بنات هل لما يتزوج الزوج عشان رغبته في الانجاب غير لما يتزوج لسبب اخر .. وهل بتكون الغيرة نفسها والله ما انا عارفة شو اسال بالضبط . بدي اي نصيحة او كلمة طيبة . انا زوجة اولى تزوج زوجي علي عشان الاطفال . ورزقه الله بولد الحمد لله .مشكلتي عدم تقبلي لموضوع زواجه لحد الآن مع انه انا اللي طلبت منه لاني حسيت حالي بظلمه وشو ذنبه ينحرم من الأطفال .

انصحوني كيف اتعامل مع زوجته الثانية مع العلم حاليا انا في دولة وهية في دولة ثانية . اولها كانت العلاقة رسائل ومكالمات والوضع كان طيب اشوفها مضايقة اجبر بخاطرها اخفف عنها مع اني انا اللي بدي حدا يخفف عني . اشهد بالله انها زوجة صالحة وبنت طيبة وخلوقة ومحترمة وبتخاف الله . لكن من جديد شاعرة اني بطلت اتقبلها وصرت اعمل اي شي عشان اتجنب رسائلها ومكالماتها .قلبي مكسور وحاسة حالي جدا ضايعة افكار يمين وشمال بتاخدني . انا من النوع اللي الله بشهد علي ما اذيت حدا ولا جرحت حدا في حياتي .. وبعرفش ازعل حدا وانا بديش ازعلها او اضايقها بس من جوة حاسة حالي بكرهها وبكره وجودها في حياتي صار موقف انه بعتلها فما ردت علي صرت اتافاف واحكي انها بلشت تتغير وتشوف حالها علي لانها جابت الولد وبعرف كلها افكار شيطانية ومو منيح افكر هيك . زوجي طيب ومحترم وهني وبحبني وبحبه ومحافظ على العشرة ودايما مقدر مشاعري وما بزعلني او بجرحني بكلمة ومفهمها اني انا الكل بالكل امانة ما حدا يفهمني غلط بس انه يعني قيمتي كبيرة عنده وما حدا بحل بدالي هيك قصدي بدون ما يجرحها او يضايقها وهية بتتعامل معي بكل اخلاق واحترام والله . انا بعرف المشكلة عندي بس ازا في حدا زوجها متزوج عليها وحتى الي ما عندها ضرة انصحوني كيف استمر بالتعامل معها وانه لما تيجيلي الافكار السلبية بتعرفوا كيف النسوان بتفكر . ما في داعي احط امثلة بس افكار بتوجع وبتحرق القلب من جوة جوة .
وكمان شغلة نحن هلا متغربين زوجي بدو اياني اعيش في نفس البيت . هوة بيت كبير 4 طوابق انه انا فوق وهية تحت. لانه ما بدو ايانا نعيش منفصلين وبدو ولادو يربو بحضني وانه نكون انا واياها صحبة واخوات. شو بتنصحوني ارضى ولا اسكن في بلد او بيت تاني؟؟؟وزوجي يصير يروح وييجي ...
وجعتلكم راسكم بس صارله زوجي متزوج سنة و3 اشهر والاغلب صار يعرفني بالمنتدى ويعرف قصتي لاني عتيقة ههههههه .
والله يبارك فيكم ويجزيكم الخير كله ...