ليش الغيرة والحسد ؟؟؟ والرسول صلى الله عليه وسلم حذر منها ..

اختي انا صار معي عكسك تمام زوجة اخو زوجي تناصبني العداء بس من تحت لين تحت في الاول الابتسامه في وجهي ومن خلفي تحش فيني غيرت الكل علي مع ان اهل زوجي مساكين وعلى نياتهم بس هي المسيطرة على البيت لان ابن الاخ الاكبر .... وانا ساكت ماحب المشاكل بيني وبين زوجي بسسب وحده حقوده واخرها عند زواج اخوهم الصغير قلتلهم بس مب طرشولها بطاقه المناسبه مافي داعي انقولها وطرشولي كرت (( لاني انا مااجلس معم في المجلس لاني اخوان زوجي معاهم وهي عادي عندها الاختلاط ..)) فما قدرت اروح لاني مافصلت ولا استعديت ؟؟والكل في زواج يتكلم علي اني ماقدرت اهل زوجي ولا وقفت معاهم وهي الزينه الي تعرف الواجب فسبحان الله !!! والي يسالني كنت اقوله يقول سبحان الله زي الحرباء بس طبعا الكل ماقدر اوصله ..........

فدايما تقولهم هي ماتحبكم والسبب عازله عمرها مع اني الحمد لله نيتي صافيه جدا واحبهم وحب الخير الهم وحتى العروس الجديده ما احمل الها الا كل خير وكل مناسبه ابعث الهدايا لهم بس احب اعيش على الراحه والطمئنينه وما حب القيل والقال وهي العكس ...
وطبعا انا مطنشه بمزاجي .. اخر شي كانت عزيمه وانا في العزايم احب اكشخ على الاخر وهي العكس تلبس الشيله وجلابيه وتقول ليه كذا هي ليه عروس واذا طافت جنبي ماسلم مع انا والله الشاهد كنت جايه اسلم عليها بس طااااااافت قلت خلاص هاي ماينفع معها الا زي اسلوبها وخلها تموت من القهر ...... بعدها ماعرفت ايش اسوي فارسلت بنتها اتقولي ان امها ماتحبني وما تحب انها اي البنت ازورني مع ان بنتها عمرها 3 سنوات كيف تزرع فيها الحقد والكرهه ما عرف ؟؟؟
وسبحان الله زوجي سمع الكلام و كلم زوجها انقلب السحر على الساحر وانكشفت ... لكن انا كاره اتواجد معها اي مكان ولا اسمع سيرتها لان انسان مب طبيعيه .........
وانا انسانه ماعرف اغار من حد ليش انا مب ناقصني شي ولله الحمد والمنه ....
والحين ياختي او الي يقرا مداخلتي شو الحل ؟؟

ايش الحسد هذا المرة بعدك ما شفتيها ولا عرفتي خيرها من شرها وشو له حاسدتها وغيرانه منها
الله يشفيك بس ولا يبتلينا

للأسف باقي ماجربت مافيه الا انا

يؤة يؤة ان اردا منك بها الشي وليتة من مرت اخو زوجي ان كان اهووون الا من مرت ولد اختة بغيت انهبل مادري ليش بس اشوا انها مهيب في نفس المنطقة الي انا فيها والي هونها علي يوم حملت وولدت حسيت انها راحت طفرتها................ورتحت