زوجة حماي مسببه لي اذى نفسي كبير

سلام عليكم بنات
مادري وشقول وشخلي
المهم عندي زوجة حمى معرسه معي فنفس اليله
وتغار مني بشكل مجنون ودائما تقلدني
والمواقف لاتعد
وهليام بدت تحفر لي تجمع حريم حمياني الباقين
وتتكلم عني من وراي
والمواقف كثيره
ابسطها اخر ولاده لي حتى على واتساب مابركت لي
وقبل اسبوع كانت مسويه عيد ميلاد لبنتها الي كبر بنتي
وهي جارتي ومطوله على الديجي عشان اسمع ان عندهم عيد ميلاد وتتكلم بصوت عالي مع الي بيطلعون على الدرج


واشيا لاتعد ولاتحصى
دايم تحفر لي وتكيد لي وكل ذه بس لان فيها عقده ماتبيني اصير احسن منها فشي
وبس لان ام زوجي تمدح فيني اني شايله زوجي وبيتي مرتب وعيالي مرتبين ومؤدبين
من مدح ام زوجي لي بدت غيرتها


وعندنا طلعت منتجع سبوع الجاي
وخايفه اروح وانغث منها
ودايم لذكرتها يضيق خلقي
والله ان في مواقف ماحصيها بكتاب لوبذكرها لكم
صار عندي اذى نفسي وخووف ان اتجمع مع اهل زوجي لاني بشوفها
انا انسانه ابي اعيش بسلام وبس
نصحوني بلي تقدرون عليه وشكرا لكل وحده بترد الله يسعدها