زوجة خالي الله يرحمة - حسبي الله و نعم الوكيل

السلام عليكم و رحمة الله و بركاتة

انا هحكي لكم موضوع و اتمني الاقي حل
لان بجد احنا مش لاقيين ليه اي حل



الموضوع بدأ يوم خالي توفي الله يرحمة - كلنا ذهبنا الي منزلة - دخلنا الغرفة اللي كان نايم فيها و بعدين امي جالها انهيار شديد انا مسكتها و حاولت اخرجها برا الغرفة - و علي باب الغرفة بعد ما سكرت الباب هيا فقدت الوعي و اغم عليها - خالتي بجانبها و مرات خالي الثاني و جدتي - حاولنا نفتح اي غرفة لكن كلهم مغلقين
طبعا بما اننا في بنت خالي الله يرحمة - جريت علي زوجتة و كانت جالسة مع اصدقاء لها في الريسبشن
والله ما كانت حتي بتبكي - انا ببكي و بقولها ممكن تفتحي اي غرفة - امي اغم عليها و بدل ماهي نايمة في الارض ننقلها علي السرير
ردت عليا و قالتلي الغرف غير مرتبة ما اقدر افتحها انقلوها تنام بجوار اخوها ( تقصد خالي الله يرحمة ) انا حسيت ان حد ضربني علي راسي من اللي سمعتة ما دريت بنفسي الا و مرات خالي التاني ماسكة راسي

ما علينا فضلت امي علي الارض و حاولنا نفوقها و فاقت و قامت و كنا نص الليل روحنا انا و امي و خالتي و بقي في الغرفة مع خالي الله يرحمة -- جدتي - زوجة خال امي - زوجة خالي التاني و خالي ووالدي
زوجتة مااااااااااااااااااا دخلت الغرفة غير مرة واحدة تقول لجدتي

انتوا ليه ما دفنتوة ( الكلام دة الساعة 2 باليل ) جدتي ردت عليها قالتلها ادفن ابني نص الليل هو ما مات في حادثة عشان افتح مقابر في نص الليل قالت لها لا اصل انا خايفة علي الجثة و خرجت
المهم النهار طلع و ام زوجة خالي جت ما دخلت الغرفة اللي فيها خالي خاااااااااااااااااالص بتقول لجدتي و هيا برة الغرفة ايه
يا حجة انتي ليه زعلانة انا امي تعبانة و بتمووووووت جدتي ردت عليها و قالت لها انتي مش عاوزاني احزن علي ابني اللي راح مني انتي بتتكلمي علي امك بسم الله عليها 100 سنة و زيادة و بتقارني بينها و بين ابني اللي عندة 40 سنة
المهم جه وقت النزول من المنزل عشان يجوا من البلد اللي هما فيها للبلد اللي احنا فيها عشان احنا المقابر بتاعتنا يدفن فيها يعني سفر حوالي ساعة
ام زوجة خالي ما حضرتش معاهم ( اولاد خالي مازالوا لم يعلموا بوفاة والدهم )
رحنا صلينا و تم الدفن
مرات خالي لم تدخل معنا مكان المقابر - والدها جلس في السيارة - اخوها لو يصلي علي خالي و لو يدخل من السيارة اصلا - والدتها لو تأتي للبلد من اساسة
جلسنا في المقابر و ذهبا للمنزل عشان العزاء - زوجة خالي جلست فقط نصف ساعة و قالت لجتي لازم اسافر دلوقتي
جدتي قالت اكيد في شيء مهم اتفضلي يا بنتي - و سافرت علي بيتهم ( بيت خالي ) - بعد شوي جدتي طلبت من امي تتصل تطمأن عليها يعني و تقول لها تشغل قرأن في الغرفة - تدرون شو قالت لها --- قالت لها لا تقلقي انا بس اخذ شاور و يبقي ولا كأن شيء حصل - امي اتصدمت من الكلمة ( شاور ينسيكي زوجك و موتة ؟؟؟؟ ))

اليوم الثاني كان في عزاء في البلد اللي يسكن فيها خالي و كان الميعاد في المسجد الساعة 7 مساءا
امي و كلهم كانوا هنااك و هيا لم تأتي حتي الساعة 8 خالي اتصل عليها يقول لها ليه لو تأتي لقاها تبكي
فبيهدي فيها فبتقولوا للو سمحت يا دكتور اقفل دلوقتي انا جدتي تعبانة و بتموت
خالي بيقول لامي (( حنان بتبكي )) امي بتقولوا اكيد يابني دة جوزها قالها مش علي اخوكي دة علي جدتهاااااااااا امي فضلت تصييييييييييييح و تصييييييييييييييح هيا و خالتي
ما بكت علي اللي عندة 40 سنة و بتبكي علي اللي عندها فوق ال 100 سنة
ان لله و ان اليه راجعون
المهم من بعد العزاء هيا ما تتصل باي حد مننا ولا حتي جدتي اذا اتصل عليها خالي عشان يسأل علي الاولاد ترد تقولوا مشغولين غير موجودين ما راضية تعطينا ارقام جوالاتهم عشان نتصل عليهم
في يوم تصلت علي جدتي تقول لها افرحي يا طنط - فجدتي ردت عليها و منين راح يجي الفرح و ابني راح مني قالتلها لا لازم تفرحي بقيتي من اصحاب الاسهم و الملاييين جدتي ما رضت عليها و سكرت التليفون و اعدت تبكي و تقول هيا فاكرة ان المال راح يعوضني عن ابني


نكمل بعدين عشان مش قااادرة اكتب


الجزء الثاني

اكمل لكم

بدأت في تقسيم التركة و الميراث دون اعلام الوراثة

كان في شقة ملك خالي جدتي شاريتها منه بس ما اخذت منه اوراق و قالت له بعد ما اتوفي ديه تجمع اخواتك فيها يوم بالاسبوع دايما عشان الاحفاد يكونوا مع بعض و كانوا اللي يشتغلوا عندة في المكتب هما اللي بياخدوا الفلوس من جدتي يوصلوها لخالي ( يعني كدة في شهود )
المهم هيا دخلت الشقة ديه في اعلام الوراثة ( للعلم هيا من ملك جدتي الان دخلتها ليه الله اعلم ) دخلتها و لم تعترف ان جدتي شارياها منه رغم ان الموظفين في المكتب قالوا لها

و تتصل تسأل جدتي ( هو -------- )) له نصيب في العمارة ديه و لة نصيب في الارض ديه - و تسأل عن كل شيء فجدتي قالت لها كل واحد من الابناء له شقة في العمارة ديه بس العمارة بأسمي انا فتقول لها اكتبي شقتة بأسمة عشان اخذ حقها ؟؟ جدتي ردت عليها انتي عاوزة تورثيني علي حياة عيني ؟؟؟
امي كان لها فلوس عند خالي و معها شيكات خالي له فلوس و كان التعامل في الشغل و ليس معة اوراق ردت عليهم قالت لهم ما لكوا فلوس عندي
امي رفعت قضية بالشيك عشان توقف لها اعلام الوراثة لاانها لم تقم بتسديد الديون
اصحاب خالي في الشغل جابوا شيكات الشغل عشان يتسددوا ما رضت تسدد لهم قطعوا الشيكات و قالوا لها فقدنا زوجك ( ايش يكون المال جنبة ) و تركوها و مشيوا
كان في اجتماع في الشركة عندوا كانت جدتي موجودة و خالي و خالي و هيا و شركاء خالي في القرية تدرون ماذا قالت لهم ؟؟ بتقولهم معلش اصل (( ----- )) كان مغفل و جدتي و خلاني جالسين

و في يوم تاني بتقول لخالي (( ---- )) كان هوا و رااااااااااااح
خالي اتصل عليها و قال لها انتي شتمتي اخويا و قلتي انه مغفل لو كان كل واحد مغفل يترك مراتة عايشة في النعيم اللي انتي عايشة فيه ترك لك مال لو وقفتي عليه تشوفي بلدك كاملة ياريت كل الرجال تكون مغفلة و تاركين زوجاتهم في هالننعيم و سكر الخط

مواااااقفها كتيير جدا جدااااااااااااااااااا
مانعة عننا الاولاد - ما تتصل الا اذا قالت شيء يحرق الدم - بتجنب العائلة كلها من اي شغل موجودين فيه - ما راضية تعطي حد حقة -- و بيساندا امها ( حسبي الله و نعم الوكيل )
تكلمنا بالذوق و مافي فايدة معاهم احنا مش طالبين اي شيء لا مال و لا شيء
فقط طالبين انهم يكون في اتصال بالاولاد و يجوا يزوروا قبر ابوهم

والله ما جم زاروا قبر ابوهم ولا هيا حتي جت
و يوم قالوا لها لازم الاولاد يجوا قالت لما يكبروا يحددوا اذا بيريدوا يزوروه او لااااااااااااا
مع ان الولد 15 سنة و البنت 16 سنة يعني كباااااااار و ففاهمين

نعمل مع هالانسانة ايه
اللي عندة حل ياريت يقولي


اكمل لكم مواقف تانية لهااا

في يوم كان في عيد الفطر و من الطبع اننا بنسوي كعك و بسكوت و بتيفور و حاجات من ديه فبطبيعة الحال جدتي لازم ترسل للكل يوم جينا نروح البيت عند خالي نودي له الكعك و كدة تدرون قالت ايه ؟؟ بتقول لجدتي ايه دة احنا عندنا اللي بيعمل الحاجات ديه هما الخدامين طبعا صابتهم حالة صدمة ( امي و خالتي و جدتي )


يوم تاني امها كانت موجودة عندها و جدتي كانت بتزورها فأمها بتقول لجدتي تعرفي دكتور مخ و اعصاب كويس اثل في واحد كدة نففسي اعملة عملية غسيل او تغيير مخ فجدتي ردت عليها بتقول يا ساتر يارب فردت امها بتقول اصلة مش عاجبني و نظرت علي خالي ( تقصد خالي )


يوم تاني جدتي اتصلت عليها تسأل علي الاولاد فبتسألها انتوا موجودين اليوم عشان اجيلكم
فردت عليها بتقول لها لا يا طنط انا مشغولة فجدتي بتقول لها خلاص هبقي اجي بكرة عشان كنت عاوزة اجيب للاولاد بط و حمام و حاجات تانية فردت هيا عليها بتقول لها خلاص يا طنط انا موجودة النهاردة


و مواقف كتيييييييييييييييييييييييير كتييييييييييييييييييييييييييييييير


ياريت يا جماعة اللي عندة اي حل عشان بس نخليها تجيب الاولاد يزوروا جدتي
يزوروا قبر ابوهم
يصلوا الرحم معانااااااااااااا

ياريت تقولولي نعمل ايه