السلام عليكم و رحمة الله و بركاته
اتمنى تكونون بصحه و عافيه
ببدا بالموضوع على طول
انا بنت عمري 26 متربيه على الاخلاق و لطيفه مع الكل ، لكن مجموعه من اقاربي مسوين لي مشاكل و حاطيني شماعه لأخطائهم و بدا هالموضوع يسبب لي ازمه نفسيه مع انه من زمان على نفس الحال.
زوجة خالي اكتشفنا مع الايام انها اخلاقها مش ولا بد ، تكتب بالانستا لرجال و مره سمعتها تكلم واحد بالجوال وقالت اسمه لانها ما كانت تشوفني ، و بنتها عمرها 21 بدت تاخذ نفس مسار امها للاسف و المصيبه امها ملقنتها الكذب من الصغر لايدري ابوك و لايدري ابوك ، يطلعون من وراه و الله اعلم شيخبصون من وراه ، ما يطلعون الا بالعدسات و المناكير و عيونهم قويه ، المشكله انه صار يشك فيهم بزياده و حكر عليهم لكن كذباتهم كل وحده اكبر من الثانيه ، و متهمينه بانه هو شكاك و حكر و مب صاحي و هو محد قال له شي عنهم لكن سبحان الله قلبه دليله عليهم ، تخيلوا ان البنت تدرس بالرياض و ساكنه بسكن عوايل و هي قايلتله انها بسكن الجامعه وانا صراحه خايفه على سمعة العايله ، بتقولون لي علموا ابوها صح ، ما اقدر لانه صار عصبي هالسنتين و السبب هم والعلم عند الله . فلو قلنا له مادري شبيسوي ، احتمال يذبحهم صدق .
اللي خلاني اكتب هالموضوع هو اني حاسه انهم يقولون له ان البنت عندي وهي الله أعلم ويها فيه ، و قد سووها من قبل كانت نايمه ببيت صديقتها و قالوا له انها عندي و انا دريت بالغلط من بنتهم الصغيره عمرها 7 ، يعني هم ما يعترفون بشي قدامنا ، لكن الايام فضحتهم ، و غيرها و غيرها من سوالف ، وانا ما قدرت اكلم خالياقول له الصدق اخاف ينجلط ولا يذبحهم ، اخاف اياة يوم تصير لي مشكله من وراهم حسبي الله عليهم .
يعني الواحد كيف يتصرف مع ناس كذا مجرمين ؟؟
لا وازيدكم من الشعر بيت يسرقون فلوسنا من شناطنا واحنا ما لنا حجه عليهم بس نعرف انه هم ، تخيلوا ان حتى الشغاله سارقين خاتمها ذهب ، يعني حتى الخدم ما سلموا منهم .
انا انسانه هاديه و مؤدبه بطبيعتي كيف اتعامل مع الناس الدنيئه اللي زي كذا ؟؟ :(
و ايش اسوي معهم مع العلم اني اخاف على خالي لانه معاه السكري ولو درى ما بيتحمل . وبنفس الوقت اخاف يحطون في سمعتي اشياء مو فيني علشان يطلعون من مصايبهم .
بسكوتة كوكيز @bskot_kokyz
عضوة نشيطة
يلزم عليك تسجيل الدخول أولًا لكتابة تعليق.
مناريتا
•
اذا على اخلاقهم وتصرفاتهم ماعليكي فيهم مع نفسهم هم يتحملون ذنبهم وأخطاءهم وخالك هو ولي امرهم يتصرف معاهم بطريقته عليكي بالدعاء لهم بالهدايه وبس واذا على اشياءكم يسروقوها حاولو تحافظون على اشياءكم وماتخلولهم فرصه يسرقون منكم شي والأفضل ماتستقبلونهم عندكم ابدا وان جات فرصه وشوفتوهم حافظو على اشياءكم لا تتروكون لهم مجال وان سرقو عادي خذو حقكم منهم بس زي ماقلت الاولى تنتبهون على اشياءكم منهم
الله يكفيك شرهم ادعي الله وهو حسبك ... واذا سألوا عنك قولي ماتقرب لي ولا لي علاقة فيهم ... انا والله قطعت بنات خالاتي بسبب كثرة مشاكلهم وارتحت سار اي احد يسألني عنهم اقول ما أعرفهم وماعندي بنات خالات وخلاص بلا هم لأنهم قامو يكذبو علي وتأليف الله اعلم وايش قالو ...
الله يعينني عليهم
انا تاركتهم بحالهم بس هم مو تاركينني للاسف يذكروني بس وقت المشاكل يجيبون سيرتي
حسبي الله عليهم بس
انا تاركتهم بحالهم بس هم مو تاركينني للاسف يذكروني بس وقت المشاكل يجيبون سيرتي
حسبي الله عليهم بس
الصفحة الأخيرة
الله لايبلانا