زوجة صديق زوجي

السلام عليكم ورحمة الله وبركاته
هذه زوجة صديق زوجي تقولي كل السبب من زوجك
الزبده ف الموضووع
اليوم الساعه ثلاث الفجر توني بنام راسلتني ع الواااتس
مييييي ابيييييييك ضروووووري عاادي ادق عليك
انا والله العظيم بغئ يووقف قلبي
لين زوجي قال وش فيك قلت افنان تراسلني زوجة خويك
قال وش عندها قلت مدري بتدق علي قال فيه احد يكلم اخر الليل وش تحس به قلت شكلها عندها مشكله لانها حامل بالسابع ومتوقعين لها ولاده مبكره
قال كلميها ولاتطولين
االمهم اتصلت عليها قلت لها سمي
قالت زوووجك السبب وتصاارخ قلت الله يستتر بخاطري وش فيها مافهمت ولا كلمه تصاارخ وتبكي
قلت اكيد زوجي سوا لهم شي
المهم قلت فنون هدي وفهميني حبه حبه
وشالسالفه
قالت زوجك علم زوجي عاللعبه قلت طيب وش المشكله
قالت يكلم بنات ويقولهم يالبى قلبك ومدري ايش
قلت كيف عرفتي قالت هو كان يشرح لي اللعبه وقال تعالي اوريك وشفت كلامه للبنت
تقول ليش يخونني واني كلمته وزعلت وقال والله انه واحد من اخوياي وله حساابين
واحد با اسمه والثاني با اسم بنت تقول مماصدقته
المهم وتقول صارت سالفه وزوجك السبب وتدعي ع زوجي وعلي
قلت وش ذنبنا وتقول قاعد يكذب بكرسي الاعتراف سالوه انت متزوج قال لا عزووبي وتقول ليش يكذب اكيد له هدف
ووووو عورني راسي منها واللحين ترسل وتتحسب علينا تقول بننفصل والسبب انتم
وبصراحه مدري وش ارد عليها وانا مابعد فاتحت زووجي بالموضووع لاني اخاف تصير مشكله بينهم
وتقول خلاص بتطلق وقلت االلي ببطنك قالت ماله دخل فيه
المهم تقول زوجي خاين والله يابنات هووو يحبهااا دايم يسوولف لزوجي عنها وانه مايقدر يستغني عنها وش السواة ادري طوولت بس قوولو لي وش اقول وهل ابلغ زوجي
لانه سالني امس قلت انه تعبانه ونزلت مويات وانا طمنتها بس
قال زين الحمدالله
تكفوون وش الحل وهل تتعتبره خاين والا لا
انا قلت لها تعوذي من ابليس واقري قران وكذا
وشرايكم اسفه طوولت والله للان افكرر بقصتتهم
والله هم حبوبين وش اسووي
ردوا علي