زوجة صديق زوجي الوضع مريب مررررة.. ماقدرت افهم

السلام عليكم..صديق زوجي تزوج وانا عندي بنتين وولد بنتي الكبيرة بصف اول كانت وكنت مداومة معها اول اسبوع تعرفون..يوم الخميس كنت مواصلة من الفجر وفي الليل قال زوجي لازم نزورهم عرسان ورحت لها تقهوينا وشوي نمت من غير ما أحس.. كل شوي أصحى ماني قادرة افتح عيوني احس بثقل مو طبيعي وتفشلت من الحرمةتقولي ماعليك خذي راحتك واسمعها وانا نايمه تسولف مع عيالي وتضحك وتقول أمكم بسابع نومه وتضحك.. رحت بيتي وانا خجلانه منها.. بعد فترة عزمناهم في بيتنا وجت وبعد العشاء تخيلووووووو ايش صار..


نمت على الكنبة والحرمة عندي من غير ما احس نمت.. واحس بثقل بعيوني ومااقدر أشيل راسي من الثقل.. واسمعها تلعب مع العيال وتضحك وترسم معهم..


ماراح تصدقوني إن قلت لكم إننا صرنا نتزاور كثير يا إما عندها أو عندي لكن أنام سواء عندها أو عندي.. متخيلين ضيفه وتنامين.. او عندك ضيوف وتنامين قدامها..
نقلنا بعد فترة لمدينة ثانية وقعدنا سنة وزوجها جته دورة في نفس هالمدينة اللي سكناها.. رحت زرتها ونفس الشي نمت وثقل براسي وعيوني مااقدر أفتحها واسمعها تلعب مع العيال وتقولي نامي ماعليك..


ألحين أنقطعنا عن بعض من كم سنة لكن نفسي أعرف ليش أنام.. قريتها اللي جت منها عد زواجها كانت تقولي يذبحون للجن واشياء تخوف.. هل معقولة تنومني الحرمة وتجلس مع عيالي..


ماني عارفة تفسير لهالحالة.. مع إن كثير يجونا ونروح لهم مايجيني ذرة نوم.. إلا مع هالحرمة.. وكانت ترفض تنادي احد معي تقول أحب إذا جيتيني نكون لحالنا ما احب احد غيرك.. وحتى إذا زارتني تقول لاتنادين احد.. بس بعد موضوع النوم صرت انادي معنا حرمه ومايجيني النوم..
لاتقولون قاطعينها.. من زمان قظعتها بس نفسي اعرف ايش هالوضع
اللي عندها تفسير للحالة تعلمني