زوجة صديق زوجي ... وزوجي

بقولكم شي مضايقني ..ودي لو اقدر اوصل لكم اللي ابي اقوله ..فكري مشتت ومدري انا صح او لا..ان شاء الله تفهموني عشان ابي نصيحتكم ..خلاااااااص بنفجر وربي ..
.زوجي من قبيلة ثانيه مااعرفه نهائي ولا يعرفني ..اللي جابه ودله علي زوجة صاحبه ..هي طبعا من قبيلتنا ومااعرفتها اساسا الا من بعد الملكه مالنا علاقة فيها ابد ..
المهم هي يمكن من عمر امي .. وزوجي من عمرها كمان ..هو اكبر مني ب 20 سنه...اقولكم اعمارهم وعمري ...لان يمكن انا تفكيري غير تفكيرهم وانا مدري اومكبره انا الموضوع بحكم انهم متزوجين وكبار ...؟؟؟! للعلم انا ترى مو صغيره ومو كبيره ..يعني اقدر اوزن الامور واشوف الصح من الغلط ..بس في ذا الموضوع احترت .!
بينه وبينها تواصل على طول رسايل ومكالمات .. مااظلمهم بس سلام وكلام وتهنئة بالمناسبات ..طبعا هي اللي كانت تكلمه بعلم زوجها طبعا على اساس تسأله عن مواصفات العروس اللي يبيها وكذا .. يعني تكلمه وترجع تكلم الوالده وكذا ...
زوجها اوقات يكلم زوجي ويقول خذ فلانه تبي تسلم عليك .. ويكلمها ..يعني الوضع مررا عادي عندهم ..
انا مرررا متضايقه من هالشي يعني خلاص زوجتك كثر خيرها .. تعزها وتعزك كأخوان ..مو مشكله بقلوبكم بس مو مكالمات ورسايل ..
فاتحته بالموضوع وقلت له هالشي ماابيه ويضايقني وانت ماترضى اكلم زوجها ونصير نفسكم اكيد ..قال لا طبعا ..
صار يتعذر يقول هي تطلبني تكلمني لما يكلمني زوجها وتسلم وانا انحرج وش تبغيني اقول ...قلت انت معطيها مجال ..لو هي حاسه انك صادها والله ماتتجرأ .. انا مااقول هالشي عشان اشكك بأخلاقها لا والله يابنات حتى مااكرهها ..بس مرا اتضايق من تواصلهم مع بعض ...المهم قلت له دبر نفسك لاعاد اشوف بينكم تواصل قال طيب .. وانا بصراحه قفلت الموضوع مع اني اشك انها اذا كلم زوجها تكلمه باقي ..واوقات هو يتصل يتطمن ويسأل ...بس قلت اطنش فتره واشوف ..
المهم امس اشوفه ماسك جواله ويرسل لها تهنئة برمضان وترد عليه بتهنئة كمان ...يعني هو اللي ارسل بالبدايه مو هي ! ومسحها على طول ..
انا سويت نفسي ماشفت شي ... مقهوووره وربي لحد يقول لي كبار عادي ومدري ايش طيب انا وش وضعي ووين احترامي !؟؟
والله امس طول الليل اصيح ..للعلم فيه اشياء مضايقتني فيه كمان في علاقته مع طليقته ... بموضوع ثاني كمان استشيركمفيه لأن مدري وش اسوي !! والله ي اخواتي اني تعبت مرااا مدري انا مكبره الموضوع !؟