مدام حره

مدام حره @mdam_hrh

محررة برونزية

زوجة صديق زوجي وسوست بي

الأسرة والمجتمع

السلام عليكم ورحمة الله وبركاته
مساكم ربي بالخير والرضا
أنا وزوجي بيننا ثقه لامتناهيه
يتأخر..مايتأخر عادي ماأدقق أهم شي أعرف مكانه
صداقاته قليله جدا..وأعرفهم كلهم وأعرف نسوانهم
عنده عملين في الصباح دائره حكوميه وفي المساء جهه خيريه ويجينا ٩ ونص يبغى الراحه مايقصر معانا الحمدلله..هذي المقدمه عشان تكونون في الصوره
البارح رحت لزوجة صديق زوجي علشان جابت نونو وهي جاتني على بنتي وقلت أرد الزياره
المهم قالت كلام كثير عن زوجها كل عفشها شالته بالشيول وحطته قدامي هذا وأنا ماقابلتها غير مرتين
زوجها يشتغل ب كريم وتقول أنواع المضايقات لدرجة وحده حاولت تشبكه وتكلمه على طول وراحت لمكان عمله تسأل عنه بتشوف عن أخلاقه مررره واثقه من نفسها كأنه تقدم لها وكل شي..هي تتكلم وأنا سرحت بعيييييد..أفكر في زوجي..وإني ولاعمري راقبت ولاتجسست أبدا وهم أصدقاء عمل من١٦سنه..وفجأه نقزت و قاطعتها وهي تتكلم قلت لها كيف عرفتي بالله عليك..قعدت تضحك بألم وقالت شكيت فيه وراقبته وحصل إلي حصل..ياويلي يابنات وجيت البيت وأنا مستعده للهجوم ويعني أراقب وألتفت عليه فجأه وعيني على الجوال على طول..هو أكيد عنده خصوصيات مايبغاني أشوفها..مثلي عندي خصوصيات ماأبغاه يشوفها ولاعمره قال جيبي الجوال.. حتى لو شاف أو سمع شي بالغلط يسوي نفسه ماشاف ولاسمع عشان مايحرجني..بس هذي الحرمه قلبت موازيني..أنا ماقلت له ولاكلمه عشان أسرار وخفت ياخذ منه موقف
40
6K

يلزم عليك تسجيل الدخول أولًا لكتابة تعليق.

تسجيل دخول

فوفا 💞
فوفا 💞
لا تسئلو عن اشياء ان تبدو لكم تسئكم
دام ماشفتي شي ارتاحي ولا تفتشي جواله وخليك زي ماانتِ
سمـــــــا
سمـــــــا
الظاهر الشيطان حاضر والشيطان أكثر ما يفرحه التفرقة بين زوجين
وقام يوسوس لك
انتبهي ألف مرره قبل تشكين
وانتبهي تفتشين جواله
تعوذي من ابليس وادعي ربي يديم المودة والألفة بينكم
تعوذي من ابليس كل ما وسوس لك تراها بداية مشاكل
والثقة اذا انكسرت مستحيل ترجع
الله يخلي لك زوجك ويحفظكم
♥️Morjana
♥️Morjana
لا تسئلو عن اشياء ان تبدو لكم تسئكم دام ماشفتي شي ارتاحي ولا تفتشي جواله وخليك زي ماانتِ
لا تسئلو عن اشياء ان تبدو لكم تسئكم دام ماشفتي شي ارتاحي ولا تفتشي جواله وخليك زي ماانتِ
تصحيح الأية الكريمة ٓ


قال تبارك و.تعالى .ً(
يا أيها اللذين آمنوا لا تسألوا عن أشياء
إن تبد لكم تسؤكم )المائدة ١٠١
غروب الذكرى
غروب الذكرى
العيب مو في زوجة صديق زوجك اللي فضفضت لك
بس العيب بشخصيتك الشكاكه والموسوسه
طالما انك عايشه بخير وعندك ثقه بزوجك حقيقيه ماتأثرتي ابد
زوجك مو مقصر معك ويتعب عشانك أنتي وعيالك لذلك انشغلي بشيء مفيد وفكري باشياء ايجابية
عندي ملاحضه ع اجتماعات بعض الحريم ( لابد الزوج يكون محور السوالف والعكس صحيح لو جينا للرجال اخر همهم زوجاتهم والحديث عنهن !
مدام حره
مدام حره
لا تسئلو عن اشياء ان تبدو لكم تسئكم دام ماشفتي شي ارتاحي ولا تفتشي جواله وخليك زي ماانتِ
لا تسئلو عن اشياء ان تبدو لكم تسئكم دام ماشفتي شي ارتاحي ولا تفتشي جواله وخليك زي ماانتِ
والله البارح شرهت على نفسي وأنا أراقب ماهي من أخلاقي المراقبه بس كلامها خوفني وتقول لازم المرأه تنتبه لزوجها وبيتها وتحميهم