بقولك على طريقة تشيل منك القهر والألم وحرقة القلب, شي واحد تسويه وهو:
إنك ترضي بقضاء الله وقدره اللي كتبه لكِ

أنا تابعت مواضيعك اللي قبل كلها تشبه بعض من ناحية دموعك وقهرك الشي المختلف انه الموضوع يتطور ضد رغباتك , و دموعك وأوجاعك ما وقفت الحياة عن مسيرتها. وطليقك عايش حياته بالطول والعرض
بكيتي وهو طلقك , بكيتي وهو ترك بنتك ولا سأل عنها , بكيتي وراح تزوج , بكيتي وزوجته حامل , بكائك وألمك ما وقف الحياة ولا غير شي فيه وبتستمرين تبكي طول حياتك وهو بيعيش حياته
طيب ايش استفدتي؟؟ صحتك راحت نسيتي طعم الحياة بنتك انحرمت من ابوها وبتنحرم من السعادة معاكِ طول ما انتِ حارمة نفسك السعادة وجالسة تبكين وتنقهرين
الله قال كلمته بنصيبك ولازم ترضين بهالنصيب والقدر
أنا ما اقولك خلي قلبك حجر لا تحسين لا , بس لا تجلسي توقفي عجلة الحياة عشان مصيبة مرّت فيك
المصائب إبتلاء من الله والإبتلاء لا يقابل بالرد والجزع مجرد إنك تشكين وتقولي ربي مسعده وأنا المظلومة فيه إعتراض
الظالم الله ما يسعده بل يتركه لسوء أعماله يستدرجه فيها لين ياخذ لك حقك ورح ينصرك
بعدين كيف تبكين على واحد رماكِ ورمى بنته ولا شافها واحد زي هذا تقولي الحمدلله اللي نجاني منه وعلى قولتك أخواته أثروا عليه وصدقهم هذا طرطور وربي, ترضين بواحد يحقرك لاجل اخواته ايش تستفيدين يوم انك تعيشين معاه على قلق ومشاكل وتدخلات اهله
ترى كل اللي يسويه فيك تُسجل عليه وأكبرها هجرانه لبنته وإذا ما يصرف عليها ارفعي عليه قضية نفقة مايبغى يشوفها كيفه بس لا يقصر بمصروفها لا تضيعي صحتك وشبابك على شي راح , شي ضرّك وأذاكِ , قولي اللهم لك الحمد وبنتك انتِ موجودة وأهلك خلاص اغرقيها بحنانك وحبك وعوضيها
ليش تروحي تشحتي زوجة طليقك عشان تكلمه , ليش تذلين نفسك وترخصيها , ليش تظهرين أمام طليقك وأهله بصورة المرأة الحقودة الغيورة اللي يوم عرفت بحمل زوجة طليقها جاية تحشر بنتها
اثقلي عزّي نفسك عيشي حياتك اشتغلي ادرسي سوي اي شي يشغلك عن هالمخلوق الحياة بتستمر بكيتي ولا ما بكيتي فلا تضيعي عمرك وتهدري صحتك

زوجك اضافة في حياتك وليس حياتك كلها فلا تدفني نفسك بعد مافقدت الإضافة

هالحين هو طلقك وتزوج وزوجته حامل خلاص قفلي صفحة حياتك معاه والبسي واكشخي وعيشي حياتك وربي بيرزقك بزوج انتي وتجيبي عيال منه خلاص كل واحد يعيش حياتك وبنته اللي عندك مهو لازم يشوفها اذا ماجا من نفسه خلاص وش له تترجونه انتي سيري لها ام واب وعوديها تقول لابوكي انتي بابا وانتهينا
خليه طليقك لاتنشدي عن علومه ولا تتصلي بطليقته شيليهم من حياتك نهائي وبتعيشي مرتاحه

وكلي امرك لله واهو له رب بيحاسبه وفكي نفسك منه واهتمي بنفسك وبنتك وبس

انتي من جدك تتواصلين مع زوجته ؟؟ بالعككس هذي اكثر وحده موقفها حساس منك وماودها تسمع سيرتك لانها تخاف انه يرجعك فمستحيل تفيدك باي شي والشي الثاني يمكن هي مرتاحه ان بنتك عندك عشان ماياخذها وتنشب فيها هي ولاتترجونه انه يشوف بنته فالطقاق اللي يطقه ياما عيال تربوو على يد امهاتهم وطلعوو احسن الناس اهم شي طلعي النفقه من عينه ومصير بنته تكبر ويحن يطالع لو ظفرها وهي تكون نسته وماتفكر فيه