شوفي
تصرفك صح انك ماتيغينها
ومعك حق والف حق على اللي سوته فيك
مايسويه عاقل





لكن لو نتكلم من منطق اسلامي واتباع لسنة الرسول
فنقول
مثلما قال الله
ادفع بالتي هي احسن فاذا الذي بينك وبينه عداوه كانه ولي حميم




وامسكي العصا من النص


روحي زوري تكفي الشر واكسبي اجر
ولكن لا تجلسين
زيارة وانت واقفه بالباب
اضمني ان عمك بالبيت وروحي سلمي واطلبي منه يوريك المولود ولو تجيبين هديه ماهو شين وقولي بسلم على زوجتك وانت عند الباب
جت الحمدلله
ماجت في حفظ الله

هذا رأيي وقلته بما يمليه علي ضميري واللي بسويه لو كنت مكانك اذا قدرت طبعا


والطيب احسن حتى مع البهايم مو مع الناس بس

والاعتدال نعمه محسود عليها الناس

قد قريت هذي القصه بس هنا مع تهويل

الله يهديك

لا تروحين لها ماتشوف شر

ضربني وبكى سبقني واشتكى

عمج كسر خاطري بس والا هي ماعليها شرهه ولا تروحين لها بالمره

اتصلي على عمك وباركي له عمك ماله ذنب
وقولي له اليوم اللي نبغى تزورني فيه حياك العين أوسع لك من البيت هذا عمك صِلتك له بِر لابوك وقولي له أنا ما ادخل بيتك عشان ما أسبب لنفسي ولك مشاكل وإحراج

اسمحيلي زوجة عمك غلطانة بتصرفها وعمك بعد غلطان كيف يلزم ع الناس يجون وزوجته ماتبي احد يعني ماعنده احترام للحياة الزوجية وزوجته وهي شكلها حست انها خدامه ومالها راي و انتم تقعدون تسولفون مع بعض وتخلونها لحالها او جلستكم عندهم منعتها من مشاوير خاصة فيها
خذيها درس لك الوقت الحالي محد يتحمل احد وخصوصا النوم عند الناس لنه هذا كان زمان ايام ماكان فيه شقق مفروشه وفنادق متوفرة بكثرة وكانت المادة مانع لانها قليلة ومو كل من لزم ع شي توافقون