زوجة مليونير بخيل هل تحق فيها الزكاة ؟؟؟

صديقتي زوجها مليونير بخيل جدا
عنده زوجة ثانية واولاد منها موفر لهم كل شيء تقريبا
وصديقتي تعاني الأمرين منه00 درست وكملت الكليه وخذت البكالريوس لكن مالقت شغل الا بالف ريال فقط
طبعا ما يكفي متطلبات اولادها على قولها هي ماتبي شي
تقول كل طلباتي انام بامان واشوف اولادي مرتاحين00 حسبي الله عليه لايصرف عليهم ولا ينفعهم بشي
ولا كفاهم شره
اولاده يدعون عليه بالموت يوميا 000تعبوا من الصراخ والمشاكل
تقول يوم بدت الاجازة طلبته يمشينا او يعطينا فلوس اشتري للاولاد ملابس ورفض بشدة
بعد اسبوع جانا وفي يده كيلو طماطم فقط وهذا اول مره من سنه يدخل علينا بشي
ويبلغنا بانه بيسافر هو وزوجته الثانيه واولادها 00قلت له ما عندنا فلوس نشتري اكل ومويه
سدد التلفون لانهم فصلوه والكهرباء لاتنسى تسددها 00قام يهزء ويصارخ كالعادة وسافر له اسبوعين ما يدري عنا
الديون اتعبتني وارهقتني اكلنا وشربنا كله بالديون وبكره رمضان وش اسوي
هذا كلامها طبعا قطع قلبي
بعدين سألت نفسي هل تجوز فيها الزكاة ؟؟؟؟؟؟؟
الصدقة اكيد تجوز فيها لكن الزكاة الواحد لازم يتاكد