زوجة وأم وطالبة ... ساعدووني كيف أنظم وقتي

السلام عليكم ،

كيفكم يا بنات ان شاء الله بخير ..

المهم بدخل في موضوعي على طول ..
أنا أم لطفلين 8 و6 وزوجة وربة بيت وطالبة ...
ما عندي شغالة بيتي متوسط ماهو كبير ولا صغير ..
بس تعرفون مسؤولية البيت والعيال ما تخلص حتى لو كان البيت صغير ..
مشكلتي اني ما قدرت اجمع بين الدراسة وكل مسؤولياتي ...
الحين انا بالمستوى الثالث لغة انجليزية ... السنة الماضية عديتها بمعدل حلو الحمدلله بس لان زوجي كان مغترب وانا بيت اهلي وما كنت اسوي شي كثير غير اذاكر لولدي الكبير كاان بصف اول فهالشي ساعدني الحمدلله اني اخلص السنة بتفوق بس هالترم احس اني محبطة كلهم صاروا يدرسوا والمسؤولية تضاعفت وطبخ وغسيل وكي وشغل بيت ومذاكرة .. عندي ست مواد تخصص ومليانة مرة .. :44:
أحس اني ملخبطة وماني عارفة انظم وقتي ..
ياليت اللي تمر بنفس ظروفي تقول لي كيف منظمين وقتكم وشجعووني لاني افكر اترك الدراسة مع انها اكبر احلامي :( .. على فكرة دراستي انتساب لاني ما اقدر انتظم