زوجت حماي تتهمني بعلاقه مع زوجها؟؟

الأسرة والمجتمع

السلام عليكم ورحمة الله وبركاته

مساكم الله بالخير حبيباتي ..عساكم بخير,,,

بنات بقولكم المشكله الي ابي استشيركم فيها ولي اكثر من اسبوع كاتبه الموضوع بس كنت متردده شوي بس من القهر الي احس فيه قلت استشيركم وشوف وش رايكم ..

بنات زوجة حماي الكبير جننتني وطلعتلي قرون من الكلام الي قالته لي ..شوفو تراها صغيره يعني تقريبا في نفس سني لان حماي كان مطلق من ست سنوات وقبل سنه تزوج ..اول ماتزوج كنت مبسوطه معها ونحب بعض والله اعتبرتها اختي وهي وزوجها ساكنين مع اهله وانا وزوجي مستقلين في شقه وكنت احب اروح لاهل زوجي واعتبرهم اهلي لان هلي برى الرياض وهم والشهاده لله طيبين معي كثير وحماتي انبسطت معها كثير بس قبل فتره لاحضتها تغيرت معاي كثير وصارت تحاول تستفزني بلكلام وخاصه قدام الناس حاولت اعرف وش فيها قالت انتي يتهيأألك ومافيني شئ بس استمرت على حركاتها وصارت ماتجلس معنا اذا رحنا انا وزوجي نسهر عندهله بس زوجها عادي يجي كلمت خوات زوجي يكلمونها وقلت يمكن ماتبي تقولي بس نفس الشئ مارضت تقول وش فيها ..ومره تكلمت معها في الواتس وحلفتها فقالت تقولين الصدق قلت والله لقول قالت وش بينك وبين فلان الي هو زوجها؟؟؟؟؟ تفاجأت من اسؤال بس قلت بتمالك اعصابي ورد قلت اخو زوجي واخوي طبعا ..قالت اكيد؟؟قلت عيب عليك وش هالكلام ..قالت عيب عليك انتي خافي الله أنا عارفه وش بينكم وموبس عارفه الامتأكده ..وبعدين قامت تهدد بلكلام وتسب :mad::mad:وأنا مصدددددددومه حدي من الكلام الي قالته ومعاد عرفت انام واحس برجفه في جسمي كله وحقد عليها وغضب مدري ليش قالت كذا وليش تشوه سمعتي وانا والله انسانه هاديه كثييييير ومااحب المشاكل ومحترمه ولله الحمد مع الكل ..تكفون بنات شورو علي وش السوات معها وماابي الموضوع يكبر وهي ماترد على مكالماتي ولا رسايلي عشان اتفاهم معاها

اسفه طولت عليكم بس حبيت تفهمون علي..
103
14K

يلزم عليك تسجيل الدخول أولًا لكتابة تعليق.

تسجيل دخول

قلب منكسر
قلب منكسر
أنا أقولك
قومي صلي ركعتين وأدعي الله يكفيك شرها ويرد كيدها لنحرها
ام جود الحمد
ام جود الحمد
يأختي قال رسول الله صلى الله عليه وسلم ( الحمو الموت )
لا تتناقشي معاها بشي
ثاني شي اذا رقم تلفون حماج بجوالج امسحيه
ولا تقعدي معاه بمجلس واحد تحججي بأي شي اذا عايلتكم عادي عندها الخلط
وتغطي عنه
يمكن مادحك قدامها وهي استخفت
او احد يبي يخرب بينك انت ومرت حماك
محبة الخير2007
محبة الخير2007
من ثوبه طاهر صلى ودام انت عارفه نفسك طاهره ومحترمه اسفهيها وخليها تنقلع لانو لو كنت على علاقه معاه مااتزوجها
لاكن مااقول الا الله يهديها
ولو كثرت عليك قولي لاهله ويوقفوها عند حدها ايش التفكير السخيف
القمر المليح
القمر المليح
روحي قدام اهل زوجك وواجهيها وافرشيها وخلي ام زوجك وابوه يقصون لسانها
تبي تخرب بيتك يمكن شابفتك مستانسة وهي تحس بالنقص لان زوجها مـــــــطـــــــــــلـــــــــــــق قبلها وانتي لا زوجك اول زواج وخلي خوات زوجك بصفك قولي تتهم اخوكم بشرفه بكرة لو ما وقفتوا معي بيجيكم الدور لانها متعودة خلونا نواجها صف واحد ونربيها ونخرسها الله يقويك عليها
واذا زادت هدديها قوليلها انتي تقذفيني وتقذفين اخو زوجي والله اشكيك وما اخليك
وشوفي راح تصير زي الفارة قدامكم
القمر المليح
القمر المليح
تكرر الرد