إذا كان زوجج مقررالسفر سواء للعمل أو للسياحه .. خلي شنطه ملاسه تذكره بك .. تعالي أقول لج كيف ... طبعاً كلامي موجه للي ما عندها فكره كيف ترتب شنطة زوجها بطريقه تريحه وتخليه يقول الله يخلي زوجتي ما قصرت ..
أول شي جبيبي شنطه صغيره حطي فيها كل أدوات الحمام والنظافه ( شامبو + كريم أو سيروم ينحط في الشعر بعد الحمام ..الخ + فرشه الاسنان ومعجون + أعواد للأذن وللأسنان ومشط ) وحبذا لو يكون كل شي جديد غير مستخدم
الملابس الداخليه أيضا ترتب في شنطه صغيره .. والجوارب ايضاً ( الشنط الصغيره متوفره في كارفور تنفع حق المكياج أحياناٌ .. لكن أنا أجيبها من شو مارت أصلا الجوارب تجي في شنطه و الملابس الداخليه من جيوردانو تجي بعد في شنطه
الفوط : اشتري له طقم وحده للجسم ووحده للشعر تكون أصغر ووحده للوجه تكون صغيره ..
الأحذية : حطي كل حذاء في كيس نايلون أبيض ( اللي يكون حق الزباله الصغيره " كرمكم الله " )ولفي كل واحد بطريقه مرتبه
قسمي الشنطه أقسام .. مكان للملابس ومكان للأحذية وهكذا ..
بعدين حطي بطاقات مكتوب فيها كلام حلو عن الفراق والشوق ومن هالكلام ....... داخل بعض الملابس
بحيث لما يجي يلبس يشوف البطاقات ..
هاتي عطر وعطري الملابس .. رشي داخل الشنطع بشكل عشوائي وحاولي ترشين بين الملابس
بعدين هاتي مدخن صغير حطي فيه عود .. وحطيه في الشنطة وخليج ما سكته عشان ما يطيح وتحرقين الملابس وسكري الشنطه طبعا مب تقفلين على يدج .. وخليه فتره .. بعدين سكري الشنطه ,,
راح تصير ريحتها تجنن ..
وهذي شويه بطاقات إهداء مني لكن
