السلام عليكم
مشكلتنا مشكله ,, لها سنه كامله وموراضيه تنحل
طبعآ الاغلب عارف اني امي متوفيه لها سنتين ( الله يرحمها ويجعل مثواها الفردوس )
المهم ابوي بعد وفاة أمي بسنه تزوج وحـدة مطلقه بس صغيرة عمرها 28 سنه
وبصراحه ابوي حنوووووون وخصوصآ من توفت أمي وهي زايد حنانه على خواتي
لكن من تزوج وهي منقلب ,, في الاول كنت اهاوش خواتي لما يشكون لي واقول يمكن يتخيل لكم لاتظلمون
لحد ماشفت هالشئ يابنات بنفسي
مرة كنت نايمة عندهم ,, المهم كنت جالسه مع خواتي ( وحده منهم مريضه يارب يشفيها ) ونضحك ونسولف
المهم جت الساعه 12 قلت بروح أنوم بنتي وارجع
دخلت الغرفه ,, فجأة واسمع صراخ ,, واروح اركض ,, الا وأسمع زوجة ابوي تقول لاختي : اقول روحي بس يالمريضه عالجي نفسك بعدين تعالي كلميني روحي خوذي علاجك لا تموتين يالمريضه
انا هنا عجزت امسك نفسي :: قلت لها : قولي آمين عسى ماصابها يجيك ولاتشفين منه ياحي ياقيوم
قالت: هي انتي لاتدعين اختك اللي بدت
قلت : الحين انتي حرمة كبيرة تحطين عقلك بعقل وحدة عمرها 15 سنه ؟؟ مو حرام عليك تقولين يالمريضه ؟
مرضها شئ غصب عنها ولو انتي عاقله ماكان عايرتيها بمرض ربي ابتلاها فيه
اقول انقلعي لجناحك لا اشوفك بالصاله معنا انقلعي قبل لا اتهور واسوي شئ مايرضيك
وراحت حسبي الله عليها
واختي انهارت وخفت عليها لا ياقف قلبها ولا يصير فيها شئ ,, اخذتها بحضني وحاولت اواسيها وقلت لها هذاني اخذت حقك
ولما جاء ابوي تخيلو ايش موقفه ( جاء وهاوشني )
قلت : شف يا ابوي انت على العين والراس ,, لكن تجي وحده تمس خواتي بكلمه مستحيل اسكت
هذولي بنات ( اسم الوالدة الله يرحمها ) ولا نسيتها ؟؟ اكيد انك نسيتها ؟؟.. وجلست ابكي ,, هو اسكت وطلع
بجيب لكم موقف ثاني واحكمو ,, انا كنت عند اهلي وكنت جالسه مع ابوي وخواتي قالو البنات : تبغى فلوس عشان ملابس العيد
قال : حاضر وعطى كل وحده منهم اللي يكفيها
بعد مااشترو البنات ,, خرب الاستشوار واختي اللي عمرها 19 كانت تبغى فير عشان بتسوي شعارها فيه يوم العيد
قالو لابوي : محتاجين مبلغ بسيط عشان نشتري استشوار وفـير
قال :: خير ان شاء الله
من بكرى اتصلت اختي تبكي ,, قلت ايش فيك
قالت : امس لما كنتي عندنا وطلبنا من ابوي فلوس عشان الاستشوار ايش قال ؟
قلت : قال خير ان شاء الله
قالت : تدرين جاء قبل شوي ومسح فيني انا والبنات الارض ,, وقال انتم ماهمكم الا انفسكم بس عطنا عطنا
مافي ولا ريال يابنات ...........:(
قلت :: شلي قلب ابوي !!!!!!!!!
قالت اختي : وفيه غيرها هالنسره حسبي الله عليها
والموقف اللي ذبحني قبل فترة ( قبل شهرين ) طلب مني ابوي طلب ,, قال يابنتي محتاج مبلغ ياليت تتسلفين لي من زوجك
انا قلت : سـم ماطلبت شئ يا الغالي <<<<<<< احسبه يبغى المبلغ له او لاخواتي
المهم فجأة ابوي طلع للبر ,, وقال ترى البنات بيجون لك مع السواق بيجلسون عندك لين ارجع
قلت : انا اخذت المبلغ اللي طلبته مني من زوجي
تخيلووووووو يابنات ايش قال ؟؟
قال : اصلآ المبلغ مابيه لي . المبلغ وديه لزوجتي في بيت اهلها انا طالبه لها <<<:angry2:
المهم قلت ان شاء الله راح اوديه لها
لما جو خواتي كل وحده ماده بوزها شبرين ,, والكبيرة منهم تبكي اللي عمرها 19
قلت ايش فيكم كأنكم جايين لـعـزاء اعوذ بالله
قالن :: تخيلي طلبنا من ابوي مصرووووف بفتره غيابه وقال مامعي ومو لازم ,, ويوم شافنا زعلنا عطى كل وحدة عشرة ريال
ليش حنا اطفااااال ؟؟
انا هنا تجمدت وقلت في نفسي ( الحين يطلب مبلغ وقدرة لزوجته ,, لا ,, وسلف بعد ,,, وبناته اليتميات يبخل عليهن ))
لو المبلغ بسيط عااااااااااادي ,, بس المبلغ حليل مو شئ سهل ,, يالله يالله تجرأت وطلبته من زوجي
وفي النهايه يروح للي ماتستاهل !!!!!!!! وخواتي داخلات علي بدموعهن رافض يعطيهن فلوس !!!!!!
وربي اني ابكي لحال خواتي ,, دايم يبكون ويصيحون ,, مو كافي فاقدات أمــي
لما تروح لاهلها وتغيب ,, ابوي يصير سمن على عسل وبس ترجع ينقلب 180 درجه يعني شئ واااااااااااضح يابنات
وربي أني ادعي عليها ليل نهار ,,,
بنات بعمر الزهور مقهورات ودايم دمعتهم على خدهم
تخيلو مره اختي وهي تبكي قالت كلمة هزت قلبي هز
قالت : انا مو بس يتيمة الأم انا يتيمة الاب بعد ,,
ايش اسوي وربي اتعب لما اشوف خواتي في هالحاله (( وابوي الله يسامحه من اخذ هالحرمة وهو قااااااسي ))
المشكله انه كلنا بنااااااات مالنا أخ يساعد او يحتمون فيه خواتي عن ظلم ابوي
وربي ادعي ليل نهار انه يحنن قلبه على هالبنات ,, وادعي على زوجته حسبي الله ونعم الوكيل عليها
بس كل يوم اشوفه يتعلق فيها أكثر وأكثر ,, ويقسى ويهمل خواتي أكثر وأكثر
ياربي ايش صاير في هالدنيا
وربي احس اني بنهاااااااااار مشاكل خواتي وابوي وزوجته من طرف ,, وتأخر الحمل عندي من طرف
ماعاد فيني طاقه اتحمل وربي :(
قو لو ايش اسوي .؟؟؟
ساعدوني ولو بدعوة بظهر الغيب ,, مو لازم تكتبونها هنا
زهـرة البـنـفـسـج @zhr_albnfsg_19
عضوة نشيطة
هذا الموضوع مغلق.
7000
•
الله يسخر لكم ابوكم...وحاولو تكونون علاقة مع مة ابوكم.....حتى لو ماتحبونها من قلب ...خلوها مجاملات وإحترام متبادل.....عشان مصلحة خواتك.....وكثرو من الدعاء والإستغفار والصدقة...فهي العلاج ....
ابوك كلمية بهدوء .....ووضحي لة حاجة خواتك لة ..بعد مافقدو امهم الله يرحمها....
وكسرت خاطري اختك..الله يشفيها ويعافيها.....طمنيني عنها إن شاءالله مرضها سهل....
الله يكتب لكم اللي فية الخير...ويرزق خواتك الازواج الصالحين...ويسخ لكم ابوكم ومرةابوكم....ويرزقك الذرية الصالحة
ابوك كلمية بهدوء .....ووضحي لة حاجة خواتك لة ..بعد مافقدو امهم الله يرحمها....
وكسرت خاطري اختك..الله يشفيها ويعافيها.....طمنيني عنها إن شاءالله مرضها سهل....
الله يكتب لكم اللي فية الخير...ويرزق خواتك الازواج الصالحين...ويسخ لكم ابوكم ومرةابوكم....ويرزقك الذرية الصالحة
الصفحة الأخيرة
الله يرحم أمك ويكفي أبوكي وأخواتك شر هذه الزوجة
والله بكيتيني على أخواتك الله يصبرهم
أختي بما أنك متزوجة حاولي تتصاحبي مع زوجة أبوكي لعل وعسى تستحي من نفسها أهديها في العيد انتي وأخواتك قدام أبوكي
أعرف أنها صعبه بس عشان خاطر أخواتك المغلوبات على أمرهم خليها تحبهم وتعتبرهم أخواتها بدل ماتعاديهم
الله المستعان الظلم ظلمات يوم القيامة