السلام عليكم ورحمة الله وبركاتة
تقبلو مروري هذه اول مرة لي عندكم اتمنا ان اكون اختكم فالله لأني احبكم فالله
،،،،،،،،،،،،،،،،،،،،،،،،،،،،،،
إلى كل الزوجات الغيورات .... مصريات وعربيات
متجوزة من فترة بسيطة .... متجوزة من فترة طويلة ...... متجوزة وعندك أولاد .. صغيريين أو كبار
إسمعونى كويس أوى ... وصحصحوا معايا أوى ......
مش حنسمح لأى حد يخرب بيوتنا .. أو يخرب عيالنا .. أو يخرب أزواجنا .. مهما كانوا مين اللى نفسهم بيوتنا تفسد والطلاق يطول كل بيت ... مهما كانوا فين .. عايشيين فى وسطينا او حتى عايشيين فى بلاد تانية
أختكم حاربت الرذيلة والتكنولوجيا التى أساء زوجى إستخدامها ....حرب إستمرت 9 شهور ...والحمد لله إنتصرت بقوة....
معاناة رهيبة طول الحرب ... خناقات ونكد مستمر بسبب وبدون سبب.... زوجى يهجرني ... ويتأخر كتير بعد الشغل .. ومكالمات موبايل بعد نص الليل....وسهر طول الليل على اللاب توب وبيقعد كتير لوحده مدة طويلة
وسايبلى تماما كل مسئولية العيال اللى أعمارهم فى مرحلة المراهقة...زوجى مُرتبه كويس جدا .. وبيصرف علينا كويس... لكن الفلوس مش كل حاجة...
طبعا فاهمينى ..
وخلى بالكم مش بس المكياج الحلو والملابس المثيرة حترجع أزواجنا لينا .. ولا عمر الخناقات ولوى الذراع بطلب الطلاق حيعمل أى حاجة .. ولا حت الكلام بصراحة حيكون كفاية ...
زوجى صارحنى واعترف بإنه بيخونى على الإنترنت وبيقابلها بعد الشغل مرة أو مرتين كل أسبوع ... والبجاحة إنه اعترف إنه يستحيل يتجوزها بس هوه مبسوط معاها ، ( قولت له : ياريت تتجوزها ولا إنك تعمل الحاجات الشنيعة دى!!!!) ... عرفت من غير ما يحس ( على فكرة زوجى يمكن يكون بارع فى إستعمال الكمبيوتر ، لكن أنا كمان بارعة بإذن الله بالعلم .. أنا بكالوريوس كمبيوتر ).. عرفت إنهم تقريباً عملوا كل حاجة مع بعض إلا الخطيئة الكبرى ... صوت وصورة وكلام مالوش أول من آخر ... مش بس كده ده زوجى كمان ما بيشبع ، عمال يعرف واحدة ورا التانية ودخل على مواقع كتييير جنسية ، بس الظاهر إنه عايز يتعرف بس على اللى يقدر يقابلهم !! ( وما أكثر الصنف ده !!!)
عايزة أقول لكم حاجة مهمة جدا ، منكم اللى حتقول لى إنى أجدد فى لقاءاتنا ،،،، الحمد لله أنا ما بحرموش من حاجة إلا ما حرَم الله . وهوه إعترف لى بكده ، وعشان كده قال مش حيتجوز عليا ، يمكن أنا محظوظة لكن فيه منكم اللى جوزها هيتجوز عليها أو يطلقها ، ورغم ده كان زوجى يهجرني شهور طويلة .، وكمان من كتر الخناقات والكلام والتلميحات أولادى قدروا يفهموا الحكاية !! ودى كارثة ومصيبة إنهم يقلدوه أو الفضول يخليهم يجربوا الإباحية على الإنترنت.
من كترة كلامى معاه قدرت أستنتج إنه إشترى اللاب توب مخصوص عشان الموضوع ده على الرغم من وجود كمبيوتر فى البيت وكمبيوتر فى الشغل وإنه لولا إن الكمبيوتر تحت إيده كان بطل الكلام ده من زمان ، من هنا بدأت أبحث عن السلاح القاتل واشوف إزاى أقدر أمنعه من الدخول أو الكلام وإزاى عينى تبقى عليه من بعيد .... أسبوع ورا أسبوع وطبعا تجارب وقراءات على النت واتصال بشركات .... كل البرامج المجانية فشلت بكل سهولة !!! والمشكلة كانت إنه بيعرف بسرعة إنى مشغلة برنامج يمنع الموضوع ده ، فعلى طول بيعرف يشيله واللى ماعرفش يشيله عمل حاجة كده زى مابيقولوا " لف من حواليه " !! مش ممكن للدرجة دية غاوى بأى تمن يكمل فى الغلط ده!!!! .. واللى منها بفلوس ولازم أدفع نفس المبلغ كل سنة وكلهم بره مصر .. وكمان مافيش فيهم برنامج فيه كل حاجة ... لم ييئس ظنى فى الله أنه سينجينى من هذه الكارثة وتعود البركة تانى إلى بيتى .... والحمد لله الذى لم يرُد دعائى ... عرفت بوجود سوفت وير من خلال بحثى وقراءاتى وقراءة كل ما كتب عنه من أخبار أنه الأقوى فى السوق العالمى وإنه بيتباع هنا فى القاهرة .
الحمد لله قدرت أنتهزأى فرصة بأى شكل إنه يبعد عن البيت من غير اللاب توب ،وفى أقل من 24 ساعة كان البرنامج شغال على الجهاز وبحكم المؤهل وجدت فعلا البرنامج زى ماكتبوا عنه فوق الممتاز ، إشتريت نسختين عشان كمان أحمى عيالى ، لأنى قولت لنفسى " طب زوجى أدينى مراته !! ، لكن أولادى يعملوا إيه وهم فى السن الخطيرة دية ولسة بدرى أوى على بال ما يتجوزوا !!!! والحمد لله البرنامج رخصته ممتدة طول العمر.
هنا كانت بدايات الإنتصار ساعة ما شوفت زوجى محتار مع الكمبيوتر ومافيش أى فايدة ، طبعا ً حس إنى أنا السبب ، قلت لنفسى وإيه يعنى حيزعل شوية ، وحيغرم موبايل شوية يحاول يكلمها ، بس طبعا مش حيقدروا يعوضوا اللى بيقدروا يعملوه على النت .
يوم ورا التانى .. أسبوع .. أسبوعين .. ولأنى لم أتوقف عن دعائى لله .. تاب زوجى ورجع .. وكلما حاول أن يعاود الرذيلة لم ينجح أبدا بل يفاجأ أنى عارفة كل صغيرة وكبيرة عملها أو حاول يعملها على الإنترنت .لدرجة إنى عرفت كل كلمات السر اللى بيستخدمها فى الشات والإيميل ، طبعا الحمد لله بالى إستريح وأنا زى ماأنا براعى حقوق البيت ...الحمد لله
إتهيألى كده أبقى أخدت بالأسباب التى أحلها الله ، وإستفدت من العلم الذى يسره الله ، فهدانى الله وهدى لى زوجى ... ورجعت بحمد الله البركة والهدوء والسعادة لبيتنا.
عشان كده بقول لكم ماتخافوش وماتتكسفوش إنكم تحموا بيوتكم وتنقذوها من أى سبب للرذيلة أو الفساد ... مش برضه إحنا اللى كيدهن عظيم ... فما بالكم إذا كان كيدُنا فى الخير وفى حفظ الميثاق الغليظ ، بالـتأكيد سيكون الله خير الماكرين معنا ..
وعلى فكرة كمان زوجى هو اللى إقترح عليا إنى أنصح كل الناس وإنى أبعت إيميلات أنصح فيها كل البيوت وقالى " مش عيب إنى أعترف إنى غلطان ومش عيب إن زوجتى تحمينى من نفسى قبل وقت الندم اللى لا هيقدم ولا يأخر """
الحمد لله الحمد لله الحمد لله الحمد لله
بقى شئ واحد وهو أن أوفر عليكم مشوار البحث عن سلاح قوى ، إتصلوا بالشركة وأسألوها عن اللى إنتم عايزينه:
دعواتى ليكم كلكم بالحب والخير وقرة العين فى الأزواج والذرية
منقول
لووبي @looby
محررة
يلزم عليك تسجيل الدخول أولًا لكتابة تعليق.
انا غير كل الناس 2
•
الله يجزاك خير على النقل
الصفحة الأخيرة