.. زوجــــــــــــــــــــــــــي قطع قلبي ..

السلام


من البدايه اللي بتقول كلام مو طيب تطلع


زوجي يا طويلات العمر :

1.يصلي صلاته مقطعه انا ما اصلي ...:44:

2.رفللللللللللللله بكل ما تحمله الكلمه من معنى
عمي عنده مزرعه عطا زوجي كرتون طماط حطيته بكيس بثلاجه كله ذبل وزوجي يقول فدوه:09:

3.مزاجي يتحكم فيني اذا لي مزاج رتبت وبخرت اذا لا البيت يقعد ما ينلمس لين اجيبلي خدامه اللي باليوميه :44:


4.دشيت قريت بالقسم واجد اشيا مفيده بس اتحمس و يطفي حماسي:(


5.ودي يتغير نظامي اخو زوجي يحكي لزوجي ان مرته الله يجزاها خير غيرته مية درجه تجبره يصلي وتقعده ويحكي لا طلعت البيت و رجعت بيتي احسب اني مضيع مو بيتي اطلع شكل ارجع البيت اني


6.لا زرت ام رجلي الكل جايب حلا و فطاير انا ما اعرف شي اجيب جاهز من محلات ولا ما اجيب


7. ما اعرف اشتري مقاضي البيت سمعت مرت حماي تقول انا اشتري صابون الملابسو الكمفورت وصابون المواعيين بالجمله لأن ما يعفن


8.اشنترى زوجي روب اللي فيه 6 حبات استخدمت 2 والباقي بالزباله انتهى ؟؟:09:ما استغليته
كمان اشترى روتي الللي اهو التوست وعفن :44:


9.اشترى موز وخاااااااااااااااس ما استخدمته ولا عرفت احفظه

قلت له اذا بتتزوج مسموح انا فاشله قال مصيرك تتغيرين وتتعدلين والله قلبي منكسر لا شفته احس اني رفله ميؤس مني


10.غير كذا ما اعرف اكوي ولا اعرف اغسل الاندروير او قمصان النووم ولا اعرف كيف اقسم الملابس تعبببت خاصصه الكوي مهبلني :44:


11.مرت حماي تقول امس السيراميك بالخل يطلع يلق يلممممع كان امسح السيراميك بخل زوجي عصب عني من الريحه :angry:


ودي اتغيير والله اللي بتغيرني لو واحد بالميه بدعيلها بليي تتمناه وعد
:icon33: ابي اصلي واحصن بيتي و اعمره واطيب خاطر زوجي واريحه تعبت يا ناس والله