زوجــــــــــي يكره اهلي وش اسوي ؟؟؟!!!!!

السلام عليكم ورحمه الله وبركاته ..
بنات ماابي اطولها بدخل في الموضوع على طووول
زوجي الله يهديه متغير 180 درجه على اهلي مايبي يزورهم ولا يبي يجلس معهم رغم انه كان قبل معهم
زي العسل بس بعد فرح اخوي الكبير تغير ماادري ليه ...والله يابنات اني بضيقه مو طبيعيه امي تسال وش فيه تغير علينا كلموه يقول لهم والله العمل شاغلني مو لاقي وقت اجيكم و انا عارفه المشكله بس مااقدر اقوول لاهلي عليها .. انه كارهم مايحب يجلس معهم ما يبيهم
المشكله يحلوات انه اعطي اخوي سلفه (سلفه ))لزواجه بس مااردها له اخوي الا بعد انا مالمحت انه فلان محتاج فلوسه رجعوه له اخوي مو ناسيه بس انشغل بعروسته وسافر وزجي يقول الواجب يردها لي قبل
مايروح هنا ولا هناك ولا حتى عبرني زعلان من هالمشكله انا اشوفها عاديه بس هو حساس جدا من اي حركه
يفسرها ..بشي ثاني... المشكله رد الفلوس وهو حالف ماياخذها وهي عندي مااقلت لاهلي حالف عنها لان اخوي جابها وهو حالف ا ماايبيها وخرج زوجي بعدها و تركها اخوي عندى وراح ...
مشكلتي اني ابيه يرجع زي اول والله نفسي اروح افطر برمضان عند اهلي..وترجع حياتنا زي اول ..
هو يقولي روحي لوحدك بس انا مو هاين اروح واتركه لوحده لانه مايبغى يروح معي ..لهم :eek: وهو معند مو رايح .. :angry2:انا ابتعد عن تساولاته وينه وينه مو جاي انا اقدر اقول معزوم بس اخاف يخليها بخاطره ويمسكها علي تركتيني زوفطرتي عند اهلك ماقدرتيني ..لوحدي انا بين نارين

بنات لو انتم مكاني تروحون وتتركونه بالبيت يفطر لحاله انا اقنعه رووح افطر عند اخواتك خليني يوم افطر عند اهلي اذا انت مو رايح ..مو راضي
تدوون العام 18 يوم فطرته عند اهلي انا واياه طبعا بس السنه هذه نفسي اروح يمهم مو قادره اروح واخليه يفطر لحاله تخيلو ا بنات اول كنت ابي اطلب اي شي اشتريه اخذه معي لاهلي الحين لو اطلب بريال مويه يقولي
لاجيتي بيتك اشتريلك اللي تبينه بس اهللك لاتقولين جيب شي لهم
والله يابنات هو طيب معي وزعلت كم يوم من تصررفاته وبكيت كثير مو راضي يعدل حاله ..يقولي اطلبي اي شي الا اني ارووح لاهلك مو رايح انا لاعفت ناس خلاص عفتهم
وانا لو اقول لاهلي والله حتى حلفان عن بيتي مايدخلووونه بس وش اسوي واقوله امي وابوي مالهم دخل بالمشكله انت زعلان من اخوي خل زعلك عليه وش ذنب امي وابوي يقولي مو مانعك عنهم بس انا مابي اجيهم
امي الله يحفظها اخد خاطرها من قطيعته عنها ...معتبرتها زي ولده بس هو مدري وش صار بعقله
اش رايكم ازن عليه حتى يلين ولا اسيبه هو من نفسه يرجع يابنات والله بحيره وتعبانه نفسيتي تخيلي بس زوجك مايبي اهلك ؟؟؟!!!:09:
لاتتركوني ردووا علي بحل يريحني والله انه انسان طيب بس مدري وش جرى له حسد ولا عين ...كان الابن الثالث لاهلي ماعندي غير اتنين اخوان ....
دعواتك يابنات ان الماء ترجع لمجاريها والله يئست منه بس مايئست من الله ثم دعواتكم ...:)