momh @momh
عضوة جديدة
زوجـــــي تــــــــزوج وطــــــردني/قديم
بسم الله الرحمن الرحيم
أنا بكتبلكم مشكلتي وأنا أبكي وأتمنى ألقى عندكم حل
أنا متزوجه لي عشرين سنه وعندي خمسه بنات وسته عيال وأكبرهم بالكليه
عشت مع زوجي اخدمه كأني شغاله وعمري ماطلبته شي رغم تقصيره وبخله
وبيوم جاني قال قومي سوي قهوه جايينا ضيوف ومسويلهم غداء وعلى نياتي كالعاده قمت وجهزت كل شي
وجو رجال كثير من قرايبنا وحسيت فيه شي غريب وبعد ماراحو الناس اكتشفت ان الغداء كان بمناسبة ملكته
وكانت بالنسبه لي صدمه ويوم زعلت قال الشنط فوق الدولاب خذي ملابسك وروحي بيت اهلك ولاتطلعينها مع الباب ارميها لك من الشباك
واضطرت اني اصبر عشان بناتي وعيالي لاني ماعندي احد اروح عنده ابوي وامي متوفيين من زمان
المهم بإختصار أنه تزوج وسكنها بشقه مقابلتني وحط لها اثاث هي اختارته بنفسها من اغلى المحلات
وانا حتى مطبخي مكسر وجاهز بـ 700 وهي مطبخها بـ 25 ألف
أخذ قرض عشان يأثثلها وأخذ كل الفلوس اللي عندي وذهبي وباعه وطلبته غطى سرير جديد ضربني وقال انتي
تدورين المشاكل مايمديني اشتريه
ومايخليها تطبخ مع انها متزوجته لها سنه وانا اسوى الفطور والغداء والعشاء تجي تفطر فبيتي وتروح
وفوق كذا طبخي ماهو عاجبها تقول ليه طبخك ماصخ ودايم لها تعليق على الاكل
وصار يقولي انتي تسوين اكل والسلام
وتطلع من بيتها يوم عن يوم ويخلي بناتي ينضفون بيتها وحتى ملابسها تجي تلقاها مكويه
واللي ماتروح يضربها وعيالي سواقين عندها وانا لو طلبت مكان مايخليهم يودوني
وبعيد الحج اعطاها 1500 وهي ماعندها إلا ولد وانا اعطاني 400 قال مشو حالكم
وعمره ماجاب لنا اكل من مطعم ويوم يروحون بناتي ينضفون بيتها يلقون اكياس البيك وماكدونالدز
ياناس تكفون شوفولي حل لاني ما اقدر اتطلق وهو عارف وانا ابكي ليل ونهار وماني عارفه ايش اسوي
ولاتقولون لي إنه مسحور لاني واثقه 100% انه ماهو سحر بس هو متعود على انسانه ضعيفه
وهذي شخصيتها مره قويه واستغلاليه تصرف كل اللي معاه عشان مايعطيني
والبارح جابلي بطانيه قالي غسليها قلت ودها لها هيتغسلها لانها لها وضربني وغسلتها بالقوه
ومن البارح لين اليوم وانا ابكي
انا بإنتظار نصائحكم ...
505
37K
هذا الموضوع مغلق.
حسبي الله ونعم الوكيل
مالك الا الدعاء وان شاء الله ربي يعوظك وعيالك يعوظونك بس لا تستسلمي انتي وبناتك خذو موقف جدي منه الله يعينك وييسر امرك
مالك الا الدعاء وان شاء الله ربي يعوظك وعيالك يعوظونك بس لا تستسلمي انتي وبناتك خذو موقف جدي منه الله يعينك وييسر امرك
فينيقية
•
حسبي الله ونعم الوكيل ماتقدرين تقولين غير هالكلمة، اذا ما تقدرين توقفين بوجهه وما عندك احد يسندك ولا اولادك الكبار مو قادرين يواجهونه ولا احد من اهلك، مالك الا الصبر، وتحسبي عليهم ليل ونهار، او ارفعي امرك للقضاء، كلمي شيخ او احد لكن لازم تكونين مستعدة تتحملين المواجهة والنتائج والله يصبرك ويفرج عنك
بصراحة لو يذبحني ماسلمت عليها يدون يقول طبخي ونظفي>>>>>>>>>الباقي احتفظ فية لنفسي
ولدك بالكلية يعني رجال والله اطلع بكرامتي وأستأجر مع ولدي الكبير
وذهبك ليش خليتيه ياخذة والله أقطة بالزبالة ولا ياخذ منة كسرة
وعليك بالصلاة والدعاء وسهام الليل ماتخطي
ولدك بالكلية يعني رجال والله اطلع بكرامتي وأستأجر مع ولدي الكبير
وذهبك ليش خليتيه ياخذة والله أقطة بالزبالة ولا ياخذ منة كسرة
وعليك بالصلاة والدعاء وسهام الليل ماتخطي
أم شهودة
•
لا حول ولا قوة إلا بالله
حسبنا الله ونعم الوكيل
المشكله لو تطلقتي وين تروحين ؟
كوني قوية واصبري إلى ان يكرمك ربي ويتوظفون أولادك ويعوضوك
ادعي الله يهديه ويسخره لك
حسبنا الله ونعم الوكيل
المشكله لو تطلقتي وين تروحين ؟
كوني قوية واصبري إلى ان يكرمك ربي ويتوظفون أولادك ويعوضوك
ادعي الله يهديه ويسخره لك
الصفحة الأخيرة
وما اقدر اقول لك شي الا اني ادعيلك واقول اللهم يامسخر لسليمان نبيك سخر لاختي momh قلب وعقل زوجها الهم امين